بسم الله الرحمن الرحيم
السلام عليكم ورحمة الله وبركاته
هذا اول موضوع لي في هالمنتدى
انا اليوم بقولكم قصتي مع السمنه وانتوا احكمو ا
يلا ببدا
اول شي انا بنت عمري 19 وبدخل العشرين في شهر 6 الجاي باذن الله
المهم
انا فتاة سمينه بس مو مره بس يطلق علي هالاسم
اول شي كانت امي الله يخليها لي<<قولوا امين
ماخلت شي وماجابته لي كل خلطه تسمع بها تجيبها لي بس للاسف
اقعد عليها ثلاث ايام او اربع وبالكثير اسبوع المهم
انا امل بسررررررررعه يعني ملوووووووول وكانت امي دايم تقول ليت بنتي رفله ولاهي بملول (رفله يعني شغلها بطيئه ماتشتغل بسرعه)
المهم
جابتلي البردقوش استخدمته اسبوع وخليته وجابتلي حبوب خل التفاح قعد عليها يمكن شهر الا شوي <<زين وبالقوه بعد
وتركتها بس ماسوت شي وسويت جميييع الرجيمات ودتني امي لدكتورة اخصائية غذاء وعطتني رجيم بس سويته اسبوعين وتركته
وجابتلي خلطة ابو عبد الكريم اللي في زد رصيدك اللي سواها له الدكتور عبد الباسط
بس استعملتها اخذت عليها يمكن اسبوعين ولا اقل بس مااستخدتها زين
قلتلكم ملوووووووووووووول
المهم
اخر شي جيت يوم وقلت يابنت استحي على وجهتس البنات اللي اكبر منتس كانهم اصغر منتس عيب والله عيب
وسجلت في نادي رياضي وجلست فيه شهر ونزلت في 3 كيلو تقريبا
وصل وزني الثمانين
قلت لاااااا المسأله صعبه ويبيلها عزيمه واصرار وصحيت من الغفوه اللي كنت فيها وسويت رجيم الفصايل ونزلت عليه 5كيلو في اسبوع تخيلو طبعا مع مشي ورياضه طبعا لازم يكون في اصرار وعزيمه علشان تسوين كل هذا
انا سويت رجيم الفصايل اسبوع لانه يسبب فقر دم اذا طولت عليه
المهم وخليته بعد مانزلت 5 كيلو وسويت رجيم غلا الاشواق اللي اخذته من هنا والحمد لله نزلت عليه 3 كيلو في اسبوع وسويت رجيم التمر واللبن بس ماقدرت ضرسي عورني من التمر
بس يوم واحدوخليته
والحين اسوي رجيم غلا الاشواق بس مو هو نفسه بس يشابهله
بقولكم جدول وجباتي افطر نص تفاح اخضر وماتغدى ولا اكل الا ليييين احس بالجوع واسمع صوت بطني يوصوص
المهم واكل خيار ولا سلطه لان الرسول في معنا حديث له عليه الصلاة والسلام يقول "نحن قوم لا ناكل حتى نجوع واذا اكلنا لا نشبع "
فهمتو علي
واسوي تمارين مع الصبح الساعه 6 ولا 7
اسوي تمارين للبطن والافخاذوالمقعده
مع الصبح
تمارين البطن طبعا اللي تنسدحين على ظهرتس وتقومين لين تلمسين اصابع رجولتس وترجعين وتسوينها مره ثانيه واعد لين 40 واذا كنت رايقه لين 60
وتمارين الافخاذ والمقعده اجي عند جدار واضرب فيه من عند الافخاذ يمين يسار يمين يسار والخلف اعد لين 100 ولا 150 يعني اسولف واسويها ولا اطقطق فالجوال واسويها ولا اطالع فالتلفزيون واسويها المهم لازم تكون متساويه عدد الضربات في جميع الاتجاهات
واسوي تمرين خطيييييييييييييير اجي عند باب غرفتي وانقز لين يدي تجي فوق الباب
واعد لين 40 ولا 60 على حسب المزاج
واختي جالسه تمكيج مع الصبح للجامعه وانا حالتي حاله مع التمارين
بس عادي عندي شعار
((كل شي يهون لاجل انقاص الدهون))
المهم اذا خلصت من تماريني اروح اركب السير وامشي عليه نص ساعه يعني 30 دقيقه
وبس وادخل الحمام واتروش واروح لدوامي
وانا افكر في طريقه ثانيه لانزال الوزن اني اخذ اخواني والعب معهم كوره طبعا اكون هجوم مو حارس
والصراحه انا اشوف نفسي نزلت مع العلم اني لحد الان نزلت 8 كيلو ولا9 في شهر بس من رجيم الفصايل ورجيم غلا الاشواق
وهذي ياطويلات العمر قصتي الرائعه مع السمنه ولازلت استمر فاللي قلته لكم من تمارين وغيرها
وبستمر لين اصير نحييييفه واتذكر هذي الايام واقول يوووه الله لايعيدها من ايام
وماانسى امي الله يخليها لي هي اللي حمستني وكل يوم تحمسني وخواتي بعد
واختي مسجله معكم في هامنتدى هي بعد والله حمستني
وشجعتني
المهم انا تعبت من كثر ماكتبت واتمنى اذا قريتو موضوعي تدعولي بالتوفيق
والسعاده في الدنيا والاخره
وان يشفي امي
ويثبتني على طاعته
وينحفني من غير شر ومرض
ومشكوووووووووووورييييييييييييييييين
يلا انا طولت عليكم
في امان الله
ـــــــــــــــــــــــــــــــــــــــــــــــــــــ
لا اله الا الله محمد رسول الله
استغفر الله واتوب اليه
يالله استمري شدي حيلك<<<<<وترا انا مثلك ملووووووووله بس ربك يعين
ومشكوره على طرح تجربتكـ