قصتي المؤلمة رفع الله الضر عننا

السلام وعليكم ورحمة الله وبركاتة بصراحة من وين ابدا من 30 سنة قدام ولا من 10 سنوات الاقسى والامر للاسف ابوي من النوع اللي يكره المراة ويستحقرها ويهينها هان امي طول عشرتها معه وهي صابرة الله يعوضها اب ظالم لدرجة عدم الرحمة تقدم لي واحد من الاقارب وتم الزواج وانا متهنيت في حياتي الا يطلع لي هم تاخر الحمل وعانيت سبع سنوات مشاكل واهانات وطرد من البيت وماكنت اطلع خوف من ابوي لحد ماكتب لي ربي الحمل بعد تلقيح صناعي وابر منشطات وتفجيرية الحمدلله ماكملت شهر صار بيني وبينة مشكلة كلمت اخوي وطلعت من البيت هذا الغلط اللي ارتكبتة واعظ ايدي الندم علية وطلقني وقعدت شهر وقلت لبوي ابرجع بيتي لان زوجي قال زي ماطلعتي ارجعي واصلا ابوي مايبي الطلاق خايف اقعد على قلبي لا واللي في بطني يبي له مصروف قرر يرجعني رجعت وصرت علكة بحلوق الناس بس مااقول الا الحمدلله ولدت وجبت بنتي وصبرت
المشكله ابوي مايبيني اجي عندهم ولا اولد عندهم ولا ازور امي لاني بحكم دراستي لازم اكون عندهم وهو يتضايق مني ومن بنتي هو بين لي كم مرة واسوي نفسي مااسمع ايش اسوي اترك امي علشان انسان مايبينا نجتمع تصدقون ولا عمر ابوي قال لي كلمة طيبة تبرد علي او ضمني جاف وقاسي بمشاعره
امس دق الباب راحت اختي تفتح طلع ابوي ومسك يدها وضربها جيت انا اقول تعوذ من ابليس قال ابليس انتي اذا جيتي وقال مالك دخل بيني وبين بناتي قلت انا بنتك قال انا مزوجك علشان تنثبرين عند زوجك مو تنافقين وتحرشينهم علي وتتفرعنين لاحول الله ولاقوة الا بالله
وقلت له خلاص ماتبيني اجي والله لااقعد عند زوجي يذلني ولااجي عندك هنا وقال احسن وابرك اذلفي وش اسوي انا ماودي اقطع امي ولااقدر اكمل دراستي محد بقعد عند بنتي ميزانيتنا زفت مااقدر على حضانةوالله من امس وانا ضايقة فيني الوسيعة مدري وش اسوي حسبي الله ونعم الوكيل دلوني انا غلطانة بشي
على فكرة متزوج ثانية ودايم تحرشه علينا بس الله يشغلها بنفسها اختصرت قصتي ولا في اشياء مااقدر اقولها
اسفة طولت عليكم