السلام عليكم جميعا
كيف حالكم عساكم بخير
انا صار لي فتره اتصفح منتدى واقرا مشاكل الناس
بس دايم اقرا مطلقه اهلها يعاملونها معامله مو زينه ولا تطلقت وضايق صدرها
طيب انا اقولكم قصتي باختصار
انا تزوجت وعمري 18 يعني قبل تسع سنوات الحين عمري 27 زوجوني زواج تقليدي يعني غصبوني عليه
وبكيتي وترجيتي اني ما اخذه لاني اعرف انه يشرب بس قالو يمكن ربي يهديه على يدك وعمره تقريبا 31 سنه وبين
ملكه وزواج ماخذت 3 شهور والله تمنيت الموت يجيني ولا اخذه من اول يوم ملكت وانا مشاكل معه 24 ساعه وكلمه زوجت خالتي وترجيته انا يطلقتي منه قال ان شاء الله خير وسكت وبعدها تزوجت اول اسبوع من زواج ضربني وبكيت وسكت طبعا مانعني من كل شئ لا جوال ولا تليفون ولا حتى باب شقه ينفتح يعني يقفله علي حتى يوم قالو له خواته لو
يصير حريق بالشقه وهي داخلها قال معليه تموت وش بيصير عادي يومها وياما ضربني بالنعل على راسي وكل انواع
الحقاره سواها معي طبعا ارجع عند امي واشكي ويقوولن صبري وارجع له طبعا ضليت معه 3 سنوات لا حمل ولا شئ وكلهم يقوولون عالجي وانا اقول خير ان شاء الله ولا اعطي احد وجه ومات بعدها زوج اخته وانا كنت عند امي زعلانه << عشرين مره تزعل وترجع اخرتها قالي انا تبت وربي هداني ومن ذا الكلام صدق هو عقل 15 يوم بعدها صار يشرب ويضرب اكثر من قبل ولا بقى كلمه وصخه تجي في بالكم الا قالها حتى امي قال عنها كلام وربي انها يوقف شعر الجسم من قويها وانا اسكت ولا اقدر اقول شئ عشان ما ابيه يضربني كل يوم كنت اخذ كف ولا ابكي عشان ما انضرب واجبرني اشرب معه كنت العب عليه وابدل شراب بالماي ولا حس ومره كشفني قال اساسا الشراب مايثلج يعني اللي بيدك ماي مو ثلج وضربني وغصبني اشرب وعطاني مره حبوب ولا ادري وش هي اكتشتف انها اللي تخليك مصحصحه لان جلست 3 ايام مانمت ومره قلت بذبحه ولا عندي في احد حطيت له بالشراب كلوركس وقام مثل ابليس
وخلاص اخر ليله اللي ربي كتب لي الحمل هي نفسها طلعتي منه بدون رجعه الله سخر لي راعي تكسي باكستاني
وساعدني وشال الاغراض معي وقالي اساسا كثير هنا يطلعون البنات يرحون عند اهلهم بالشرقيه عشان هنا الرجاجيل بس يضربون البنات ورجعت عند اهلي جن جنونه قال من طلع الاشياء لها وقال شلون راحت الشرقيه دورت بالقطار ماحصلت اسمها طلعت باسم وحده تقرب لنا عشان مايدري وبعدها حللت طلعت حامل وضاق صدري وفرحت بنفس الوقت وقام قال لاامي اساسا هذا ولد حرام مو ولدي قلت طيب وخواته كذبوني قلت طيب ومرت الشهور بسلام وطلقتي والله انبسطت وناسه طبعا قبل كنا دايم بمحاكم هو يقول ابيها وانا اقول لو تموت وهذا ولدي الحين كبر ولا يعرف ابوه ولا شئ والسنه سجلناه بالروضه والحمد لله امي مو موظفه وابوي متوفي واخوي هو اللي يصرف علينا مع العلم راتبه قليل وساكن بالرياض ولا عمري حسيت باحساس اني مطلقه ولدي احسن لبس يلبس لو يبي شئ اخر اليل كلن قام جابه له يعني انا ابي اعرف ليه انتوا يالمطلقات تقولون اهلنا مضايقيني ولا انا متضايقه طيب وش فيها انا مطلقه وعادي عندي والله ماهمني احد ويقولون محد يبيك ولا احد بيتزوجك يبون البنت الناس قلت ربي كريم اساسا اذا كاتب لي نصيبي بيجيني بس والله عادي اروح واجي واذا قالو تطلقتي حرام صغيره يوم تطلقين ومن ذا الكلام اقول الحمد لله اساسا ربي كريم عشان كذا تطلقت وابو ولدي مايعرف ولده لا شئ ولا يصرف عليه يعني اخر مره شافه كان عمره يمكن سنه والحين خمس سنوات عمره بس سبحان الله ربي مو مخليه من العقايب والله اخر شئ قالو لي انه مسكوه بقضيه اشهار سلاح وهو سكران وقالو انه يتاجر مخدرات وغير مره احترقت سيارته ومره انقلب بالسياره واسياخ بيده وبرجله
وكل ماطلع من بلوه رجع بلوه غيرها
وهذي قصتي واتمنى كل وحده تطلقت لا تندمين لان محد يستاهل اندم عليه وربي دام انك بصحه وعافيه وعيالك عندكم اعرفي انا ربي كريم
واتمنى تدعون لولدي بالهدايه وتدعون لي ربي يحقق اللي بالي عاجل يعني مايخلص شعبان الا متحقق اللي بالي تكفوووووووون والله محتاجه هالدعوه
MnOoO_0 @mnooo_0
عضوة جديدة
يلزم عليك تسجيل الدخول أولًا لكتابة تعليق.
الصفحة الأخيرة
ويفرررج همك ياااارب
أستغفر الله العظيم عدد خلقه ورضا نفسه وزنة عرشه ومداد كلماااته