قصتي طازه قبل ساعتين

السلام عليكم 
زوجي اليوم العصر قايل تراني عازم واحد شغلة ساعه راح يجلس اليوم
جهزي لي قهوه وحلا واوديك البيت اهلك لانه كنت ناوية اليوم اروح الاهلي 
المهم سويت له قهوه وحلا وبخرت المجلس ونظفته 
وطلعت الاهلي
المهم متعوده دايم ارجع مع سواق اهلي البيتي بحكم ان زوجي كل خميس يفلها للساعه2 بالليل ارجع بدري عشان بناتي ينامون بدري
بس صارت الساعه11 رجعت مع سواق اهلي البيتي
اتفاجئ الباب الداخلي حق البيت مسقط بالسقاط يعني مزرفل
وبفتحه مايفتح
المهم دقيت على زوجي اتفاجئ يطلع ويقول يوه من زرفل الباب شكله اخوي انا طلبت منه يسكره وشكله نسى و زرفله 
انا مغصني قلبي بقووه وبدا الشك يلعب براسي
قلتله الشباب للحين عندك قال ايوه وادخل والاقي جزم اكرمكم الله يمكن5 موجودين 
وهو متوتر وخايف وقال ماتوقعتك تجين الحين قلت عادي حبيبي كملو سهرتكم البنات بينامون وانا بالصاله بعيده عنكم ماله داعي كل ذا التوتر 
قال طيب وراح جلس معاهم بعد ماجلس معاهم شوي تقريبا خمس دقايق وطلعو
دخلت المجلس بنظف الوضع طبيعي عصيرات وقهوه المهم انا من شفت الباب مزرفل مغصني قلبي ليش يزرفله وش عشانه شباب ومع بعض وش له يزرفله فيه شي غلط وكمان ليش مرررره متوتر ومتفاجئ 
تفحصت الفناجيل والاقي بالفنجال حمره شفايف
وكوب المويه كمان حمره شفايف 
دقيت علي سفلت فيه وقلتله حمره بالفنجال ومدري ايش 
هو انجن ودق يلعني ويلعن امي وجدجد جدي وماخلا احد مالعنه وقال مالي دخل ويمكن الفناجيل مانغسلت زين واساسا بالعقل ياغبية يا مجنونه يالي فيك ومافيك وماخلا كلمه ماقالها لو بجيب وحده بجيبها بالبيت وكمان مع مجموعة شباب ومن بينهم اخوي اللي عمره 18 مجنون انا اسوي كذا 
روحي انقلعي وثاني مره اغسلي فناجيلك زين 
قلتله وضعك مو طبيعي ليش تزرفل الباب وليش ادق عليك مرتين ماترد والمره الثالثه ترد وانت متوتر اي وحده بمكاني بتشك واسلوبك يفضحك كنت مره متوتر قال والله اخوي قلتله سكر الباب وهو مافهم وزرفله و يوم تدقين علي كنت بالحمام والجوال بالمجلس عشان كذا دقيتي مرتين مارديت 
وبالنسبه للروج اغسلي كيسانك ولا تشكين بالخلق
وكمان بالنسبه التوتري صراحه معك حق توترت وماتوقعتك تجين البيت ابد وهذا اللي خلاني اتوتر 
وانا اسكت مارديت عليه
بس والله قلبي ناغزني عجزت اتقبل كلامه 
مدري ماني مرتاحه 
ادعولي الله يريح بالي وحسبي الله ونعم الوكيل
كل شي امشيه بس حمرت الشفايف هذي ابد مادخلت مزاجي وانا مافيني طماله ونظيفه مستحيل بغسلها اي كلام
على فكره زوجي راعي سفر 
وجريء جدا
بس محافظ على صلاته الحمدالله