قصتي في تاخر حملي 7 سنوات ثم حملي سبحان الله

صباح الخير على احلى حوائيات باكتب لكم قصتي عشان تتفائلون ولا تفقدون الامل اولا انا تزوجت وعمري 17 وقعدت 6 شهور ما حملت بس زوجي يموت فالاطفال ويبيني احمل بسرعة انا كان الوضع عادي عندي يمكن علشاني توني صغيرة وكنت ادرس بالثانوي المهم قلت خلاص ابروح اراجع واشوف وش فيني كانت دورتي منتظمة دخلت على الدكتورة وشافتني وعطتني كلوميد استخدمته شهر او شهرين ماني مذكرة و حملت و صرفتلي فيتامينات بس كنت مهمله ماكلتها المهم وصلت الشهر الثالث وكان عندي موعد و رحت لكن للاسف الدكتورة كانت مسافرة ورجعت للبيت وبعدها بكم يوم سافرت انا و زوجي تقريبا اسبوعين و رجعنا ثم رحت للدكتورة و اول ما سوت الاشاعة قالت ايه اللي حصل قلت وش فيه قالت انت اللحين فالرابع بس الجنين لا ينبض ولا يتحرك يمكن مات انا هنا خفت وعلى طول حولتني للمستشفى وهناك اكدولي انه متوفي بس سبحان الله كان له اسبوعين ميت و ما نزل معي دم سوولي تنظيف و طلعت من المستشفى بعد التسقيط طولت ما حملت ورحت اتعالج وكل دكتور يطلعلي عله لين طفشت منهم ومن علاجاتهم ورحت لمداويات ولشيوخ ولا حملت و صارلي اللحين 7 س و في هذي الفترة كان فيني بواسير والتهابات فالمهبل وسويت العمليه وانقطعت الالتهابات بعدها لاني كنت اعالجها واذا تركت العلاج ترجع وتركت علاج الدكاترة من يوم سويتها و جلست بعد العملية 5 شهور خامس شهر تاخرت الدورة واحلل و يطلع سلبي قلت لزوجي خلاص انا بروح للحبيب اتعالج قال مافي مشكلة ورحت للحبيب و دخلت على الدكتور وسوالي اشاعه عشان يتاكد قال مافي حمل وعطاني حبوب تنزل الدورة واذا فيه حمل تثبته استعملتها 5 ايام وجلست اسبوعين ما جتني الدورة والامها عذبتني قلت لزوجي طق ظهري عشان تنزل وفعلا طقه وارتحت ونمت قلت اذا صحيت ابلقاها نزلت و صحيت من النوم وما لقيت شي وقعد زوجي يزن فوق راسي حللي حللي و راح وجاب التحليل من نفسه وقال بكرة اذا قمت من النوم سويه قلت ما ابي احلل وانصدم نمت ويوم صحيت كان زوجي مداوم قلت ليش ما اجرب وسويته وقلت ما ابي اشوفه الحين بروح اصلي وارجع بس سبحان الله طاحت عيني عليه غصب والا اشوف خطييييييييييييييين انصدمت و بكيت وكلمت زوجي و طار من الفرحة وكان بكرة العيد وصار احلى عيد عندي و رزقني الله بنور عيني اللي نور حياتي بعد ما كانت مظلمة في عيوني بس قبل الحمل كنت متوكلة على الله واقرا سورة البقرة واستغفر وادعي واصلي الثلث الاخير وادعي وكان زوجي يتصدق بنية الحمل و الحين الدورة متاخرة يومين ادعولي اكون حامل انا بعد شهرين اكمل 11 سنة جعلها الله سنة خير علي و على جميع المسلمين يارب وتكفون ارفعوا الموضوع عشان الكل يستفيد:39: