قصتي قصة ومعناتي

مساء الخير للحلوات والمزيونات حابة اقول لكم قصتي مع العين والحسد والامراض للعضة والعبرة وبعد تستفيدون منها قصتي يا طولات العمرتبدى من زواجي تزوجت اول ماتخرجت من الثانوية وحملت على طول طبعا زي اي بنت كنت لاهية في الدينا منغمسةفي ملذاتها وكنت اول وحدة تتزوج من جيلي من بنات عمامي وخوالي ولدت وجبت بنوتة المهم انا كنت في مدينة ثانية غير المدينة الي فيها اهلى واهلة المهم نفسي احضر زواج عاد انا راعية رقص وحركات كنت طايشة شوي مو مرةواحضر زواج من قريبات قريبات جارتي المهم واحضرة وانا في كامل زينتي جمال وبياض ونعومةولبس عاري بعدالمهم وادخل القاعة الا وكل العيون علي تخيلو اغلب الحضور سمر المهم ويجي الطق وهات رقص المهم خلصنا تحسبةني سميت ولا قريت اذكاري ولا حصنت نفسي ابد منغمسة في ها الدينا اسبوع وروح زيارة لاهلي سبحان ****حكمة اني رحت لاهلي لاني مااعرف احد الاجارتي المهم ونعزم عند احد من قرباتنا والبس التنورة القصيرة وفجاة بين الحضور تنتفخ رجلي مع الم في ضرف عشر دقايق وادق على اخوي واروح للمستشفي حكومي الشميسي المهم دخلت الطوارى والم يزيد ورجلي صارت عرض الباب ويدخلوني العناية وانا ابكي واصرخ قالو معك جلطة وخطر عليك انها ترقى للقلب عشت صدمة قوية صار شريط حياتي يمر على وبنتى وين بتروح اذا مت تخيلو وانا لبسي علي والمكياج والعدسات وجنبي وحدة تنازع بسكرات الموت واناضر شكلي واقعد ابكي عطوني شي يسترني تكفون لاحيات لمن تناديالمهم واطلع من العناية بعد يومين وحطوني في الغرف المشتركة وترافق معي اختي ويدخل الدكتور علي تخيلو وش يقول لي يقول الجلطة ارتفعت على الرئة وبعدين على الكلى بعدين القلب واحتمال وفاة تخيلو اختي انهارت وتصرخ ويمسكونها الرافقين ويهدون فيها ويطلع الدكتور بكل برود وثقة **** ياخذ عمرة الكلب وانا في عالم ثاني ابكي بدون صوت ويلتمون علينا المرضى والمرافقين ويهدون فينا المهم وتعدي الازمة على خير وصرت ارقي نفسي وادهن بزيت مقري فية والحمد**** تحسنت حالتي واجلس شهر واطلع بس كنت مقعدة واستمريت على القراءة القران صرت امشي وتعافيت ونسيت مرت الايام والسنين وانغمس في ملذات الدينا مسلسلات واغاني ودش وقنوات وسب ونميمة وغيبة يعني ابن ادام مايتوب ابد الا من رحم ربي المهم تجي في جسمي بقع والام في كتوفي اقراء فترة وارجع للطبعي المهم ويجي ذاك اليوم جاية من عزيمة يوم جيت البيت واصرخ على زوجي طلقني معاد ابيك انت وعيالك كذى من غير سبب واصرخ صراخ مو طبيعي المهم انا مو انا الي يصرخ احس احد ثاني واصحى وقول ميد زوجي ترا مو انا الي يصرخ المهم هو ماصدق يحسبني الملم الموضوع وابكي و**** مو انا وانتفض بشكل غريب اخذ القران ابي اقراى البقرة ماقدرت انتبة زوجي اني موطبيعية وياخذني لشيخ من بكرة اول ماقرى علي واصرخ صراخ وابكي ما ابغاة يكمل وصرت اتكلم كلام مو كلامي انا حاسة بل حولي بس مهدودة ماقدر اتحكم في عمري واعيش معنات قال الشيخ عين واحسد مع مس ليش لاني ماحافضت على اذكاري ولاقراتي لين تطور الى مس انتبهو لازم نحصن عمارنا انا الحمد**** تعافيت **** يتمها عافية وشلون اول شي تخلصت من الدش والقنوات صرت ما اسمع اغاني امسك عمري قد ماقدر من الغيبة وانميمة الصدقة وما ادراك ما الصدقة وقراة سورة البقرة يوميا انتبهو يوميا ارقي نفسي اذكار لصباح والمساء اذاعة القران خليها شغالة على طول و**** و**** يابنات تحسون براحة نفسية وسعادة تحسين بلذةفي العبادات ونتبهو من المعاصي ولسانك جاهدي نفسك خلية يلهج بذكر **** اتمنى انكم تستفيدون من قصتي و**** الناس ماتخلي احد بحالها كثرخيرهم وكثر شرهم صارو يحسدون عيني عينك انتبهو حصنو عماركم وتر الغضب والضحك الشديد يبطل قرياتكم واذكاركم ابي منكم دعوة ان ****يكمل على عافيتي ويتمها علي ويشفي جميع مرضى المسلمين اجمعين امين