قصتي مع الاختبارات !!!!!!

السلام عليكم ورحمة الله وبركاته 



بنات أنا وش أقولكم عن ربي سبحانه ياالله .. ماأكرمك وماأعظمك وماأرحمك وما أحلمك ..



اقولكم قصتي عشان تعرفون رحمة ربي سبحانه وسيعه ..

بنات انا بالجامعة .. المهم انا صراحه مافتحت الملازم اذاكرها الاا بيوم الاختبارات ..

طبعا ظروف واهمال مني المهم ..

تخيلوا تفتحين الكتاب بنفس يوم الاختبار والله العظيم اني مهمله ..

الزبدة بدت الأختبارات ثلاث اسابيع وانا اختبر .. 

الين بيوم جاء اختبار التفسير قسم بالله اني داخله الاختبار وباقي لي 60 صفحة م جيتها .. حتى ماقد فتحتها ..! شفتوا كيف 

تخيلوا دخلت القاعة وانا مفهيه وربي كنت اجاوب على عماي ..
المهم لجئت لربي سبحانه اللي مايخيب من دعاه ..
قسم بالله العظيم 


اني قمت الليل بركعتين ووترها 

والاسبوع اللي بعده جاني خبر نجاحي ماشاء الله  
الحمدلله 
الحمدلله 
الحمدلله


والحين باقولكم وش كنت اسوي؟ 
طبعا قبلها قلبك علقيه بربي سبحانه وتوكلي على ربي سبحانه ..

الصلاة بوقتها مع النوافل ..
قيام الليل بركعتين...
الدعاء بالسجود وقبل السلام بالصلاة الفرض ..
ترديد الدعاء اي الالحاح اكثر من ثلاث مرات او ثلاث مرات 
قبل ماادعي اقول 
لا اله الاا أنت سبحانك إني كنت من الظالمين ..
وادعي ثم اختمها بدعاء ذي النون بعد اللي فوق ..
واقول ربي أنك على كل شئ قدير 

ياحي ياقيوم برحمتك أستغيث 
يارب أنا أمتك الفقيره الكسيره المحتاجه ياجبار السموات والأرض ربي أجبر كسر قلبي ..أنا وكل مهموم ومهمومه من المسلمين والمسلمات ..

يافتاح أفتحها بوجهك وأرزقني من حيث لا أحتسب وبارك لي في رزقي وارحمني برحمتك أنا ووالدي والمسلمين والمسلمات ..

وبعض الاحيان 

يامن رحمتك وسعت كل شئ وكتبت على نفسك الرحمه 
ووسعت كل شئ رحمة وعلما 
و  

 وانت الرحمن الرحيم أرحم الراحمين ..
ربي أرحمني برحمتك ربي أرحمني برحمتك ربي أرحمني برحمتك أنا ووالدي والمسلمين والمسلمات ..

ربي إني مسني الضر وأنت أرحم الراحمين .. وهنا بشرط تقولينه كدعاء،مو آية قرانية فهمتي؟

ومع حسن الظن بالله سبحانه ..
وأستشعار ان ربي سبحانك بيفرجها عليك

سبحانه طبعااا قلبك علقيه بربي سبحانه ..



والحمدلله . .نجحت ومعدلي قسم بالله كان افضل من اجوبتي اللي كلها حوسة 

لك الحمد ياربي ياكريم