هذه قصه حصلت معي في احدى المستشفيات..
في يوم من الايام كنت رايحه للمستشفى عندي موعد و انا تعابنه . وعند الانتظار كانت عيني تطيح على اقرب كرسي اجلس فيه من الاجهاد اللي فيني تقدمت بعض خطوات وسلمت ماكان موجود في الكراسي اللي كان عددها 3 الا الاخت السوريه وولدها .. طبعا موجود غيرها بس بعيده شوي..
سألتها من باب اللباقه الكرسي لاحد ؟؟ ماردت علي مندهشه وطايره عيونها فيني !! راحت تطالع يمين شمال بعدين قالت لا !!
انا بسراحه استغربت اندهاشها المريب ...
جلست وبعدين كان ولدها الله يصلحه يتحرك كثير وكان معاه مويه مدري عصير المهم انكبت عليه .. انا بسراحه على طول طلعت المناديل من شنطتي ومديتها لها ..
الاخت السوريه موووو مصدقه ما ادري مندهشه .. المهم بعد ما مسحت الولد قربت منى !!
وقالت الاخت سعوديه؟؟؟؟!
قلت ايه ..
قالت غريب!!
قلت ما غريب الا الشيطان!!.. ليش فيه شي؟؟
قالت اول مره اشوف سعوديه متواضعه وتتكلم معي بكل اريحيه.!!
بسراحه انتي حسنتي الصوره..
قلت لها وش سالفتك؟؟
قالت انا من قريب جيت للسعوديه واعاني من اكتئاب حااد .. انصدمت من تعامل السعوديات الله يهديهم معي..
وكان للمسلسلات واللي كنت اطالعها بالتلفزيون دور بعد..
قلت اصابع يدينك مو زي بعض .. ومو كل ما ينعرض صدق .. كل المجتمعات فيها الصالح وفيها الطالح..لا تحكمين على الشي من اول نظره..
وحيااك ..
تركتها وهي راسمه على وجهها ابتسامه عريضه..
وبس هاي كل القصه ..:26:
سبحانك اللهم وبحمدك اشهد ان لا اله الا انت استفغرك واتوب اليك.
