قصتي مع السونار

السلام عليكم ورحمة الله
ليا مده اقرأ في المنتدى عن اسئلة الأخوات ومتى يبين جنس الجنين واذا كان السونار يغلط ام لا
انا والله ماتمنتيت شيء في حياتي زي ماتمنيت ان ربي يرزقني بولد ومن اول حملي وانا اسأل الله ان يحققلي هذا الأمل ولما رحت عشان اعرف جنس الجنين تعبت نفسيتي جداً لأني اتعشمت وفرحت وبعدها زعلت واستغفرت ربنا وهحكيلكم ايه اللي حصل معايا
في أخر الرابع قالو مش باين
في الاسبوع 21 قالولي ولد احتمال كبير 90% والله ما تتصورو فرحتي وفرحة اخواتي ليا والناس كلها عرفت ونزلت اشتريت حاجات البيبي
بس ملحقتش افرح رحت لدكتوره تانيه في الأسبوع 22 وكانت النتيجه.................100% بنت!
في الأسبوع 23 رحت لدكتوره تالته وهيا اللي من الاصل اتابع معاها وقالت احتمال كبير ولد ورجعت تاني افرح واأمل في فضل الله
امبارح كان الاسبوع 24 ورحت للدكتوره بتاعتي قالتلي انا شاكه المره دي انها بنت بس كمان مش متأكده وقالتلي اروح اعمل السونار الثلاثي عشان أتأكد
والله انا تعبت واحترت ونفسيتي تعبت جداً ونفسي بس اعرف مين فيهم ممكن يكون صح:(
انا بصراحه نفسي في ولد:(
وبكره هروح اعمل سونار ثلاثي عشان اتأكد
ادعولي ربنا يرزقني بولد صالح ويارب يا كريم يا حي يا قيوم ترزق كل واحده تدعيلي باللي نفسها فيه وتباركلها في ذريتها وتجعلهم من الصالحين
امين يا رب العالمين