قصتي مع العالم السفلي ولا فلم مرعب

السلااااااااام عليكم اخواتي في عالم حواء
حبيت اقص عليكم تجربتي ومعاناتي مع السحر والمس والعين والى اخره وبما انها طويله شكلي حأقسمها لان الموضوع الواحد مايكفي لعل الي مثلي ولا تعاني ولا تحس اي ضيقه تستفيد وربي يعالجها ويشافيها القصه بدات مع الصلاه والخوف من الصلاه لحالي خصوصا صلاة الصبح كنت استنى طليقي يرجع للبيت من الصلاة حتى استطيع الوضوء والصلاه اي فرض من الفروض وطبعا كنت احس اذا بدأت اصلي حيظهر احد امامي من (بسم الله) مع العلم اني انسانه محافظه على الصلاه في وقتها وحريصه على هادا الموضوع طبعا انتو تستغربوا بس انا وقتها ما شكيت في اي شي لان اصلا ما اعرف عن دا الموضوع اي شي وكنت ما اعتقد بالعين ودي الاشياء صح هيا موجوده بس في بالي انها نادره
المهم اطور الموضوع من تاخير الصلاه عشان يكون معايا ونيس الى ترك الصلاه والسبب احساسي بالذنب بتاخير الصلاه والاقتناع ان الله لا يقبل تاخير الصلاه فلا داعي منها لانها لن تقبل باي حال ... طبعا الشي دا اخد تقريبا مدة سنة حتى بدات اترك الصلاه وانا اعيش حالة خوف ورعب بدون مبررات بس اخاف واحس احد يمشي وريا او يكلمني وطبعا كوابيس للصبح وبعد هادي الفترة بدأت اشوف خيلات امامي كأنها تنظر الي وملازمتني في كل مكان ولا اخاف منها كنت اشوفها كأنها رجل وكنت اخاف من الصلاة تخيلوا ..
كان طلقي في نظري ابشع خلق الله كنت اراه كانه رجل عجوز متهدل جلد الوجه وبعد الانفصال لم اصدق نفسي عندما رايته في الشارع بالصدفه لم يكون ابدا الشخص الذي عشت معه ولكن لم اكن ندمانه على طلاقي منه لاسباب اخرى احتفظ بها لنفسي...
وفي الفتره وانا في منزل اهلى بعد الطلاق ب 3 اشهر امي لاحظت اني اكذب ولا اصلي لاني اصبحت لا اريد الصلاه واني داما استمع الى الاغاني في اذني بسماعات صغيره حتى لا يزعجني احد كما اني اصبحت انطوائيه جدا ولا استطيع الاكل والشرب لاني دائما احس بالشبع وعندما اراهم ياكلون اقوم واستفرغ الله اكرمك من كثر احساسي بالقرف منهم ومن الاكل ونزل وزني الى درجة المرض مع عدم القدره على النوم المتواصل ووجهي كان دائما غاضب بالرغم اني لست غاضبه ولكن كل من يراني يقول لي ليش زعلانه واحلف لهم اني لست كذلك
ابي طبعا شديد جدا في التربيه فكنت مره في غرفتي وجاء ابي الي وبدأ بفرض القوانين الجديده علي لاني رجعت اعيش عندهم والا انا بدات اغضب وما احس بنفسي الا صرت اصرخ واكسر وارمي واضرب بابا واعضه وادفعه الى خارج غرفتي وامي سمعتني وجات تجري واغمى عليها من من منظري لما سقطت امي على الارض فقت واستوعبت اني باضرب ابي واعضه واصرخ عليه (طبعا انا في قمة الادب ولا استطيع النوم اذا احد زعلان مني ) فكان هادا التصرف ابدا مو انا بابا سكت واخد نفسه للخارج للذهاب للعمل وراح المستشفى بسببي تخيلوا واخد ابره مدري ليش وماما في غرفتها مسدوحه على السرير لا تستطيع الحراك من الضغط وانا مذهوله من نفسي مدري ليش سويت كده وجلست طول الليل سهرانه افكر انا ليش سرت كده وسرت ابكي زي المجنونه واسودت الدنيا في وجهي وضاقت من كل مكان الين الساعه 8 صباحا قررت الاتجاه الى الله تعالى بدون سبب وقمت اتوضيت وسرت اصلي وما اشوف الارض من كتر البكاء والدعاء بدعاء واحد ربي ضاقت بي الدنيا بما رحبت وانت اعلم بي مني افرج همي وادعي وادعي وادعي حتى تعبت ولمن في السلام سمعت في اذني اقرئي سورة طه والله اني ما اكذب طبعا انا ارتعب من مسك القرام لنفس السبب حق الصلاه ان حيظهروا امامي ويؤذوني المهم قمت بكل قوه مسكت القران وفعلا بدات في سورة طه وبدأت قصتي مع البسم الله ..........
اصبحت اتجشأ اكرمكم الله وكان عقد تخرج من حلقي وغلبني النوم واحلم اني استفرغ حشرات وفيران وشعر وان جدار المنزل كله تغطى بهذه الاشياء الخارجه من جوفي لانها اصبحت تمشي في كل مكان وكان عددها كبير جدا وصحيت مذهوله ويدي اليسارخدره وما احس فيها والم شديد في كتفي ورحت لبابا والحمدلله ماكان زعلان مني (شكلوا من تصرفي عرف اني مو صاحيه ) وقلتلو ايش سار معايا وايش حلمت وبدات اعتذر وابكي منوا واقسم له اني ما ادري ليش سرت كده وهوا يقول عارف عارف لا تبكي (يانس عليه يارب ما يحرمني منوا)
المهم سرت اقرأ سورة طه يوميا واشرب موية مقرية واستحم بخلطة ابن الروميه
حتى بدأت اصلي ولكن قراة القران كانت صعبة جدا على واصبحت اتخيل ان راسي يضرب بالجدار وان اخواني يمشون في سقف الغرفه
واحس بهواء في وجهي كانه نفس وكنت احس كانه احد جنبي طوال الوقت وامشي والتفت حولي من شدة الخوف الي كنت فيه بس ما ادري من ايش
لكن كانوا امي واختي وابي خير معين الحمدلله بعد الله عزوجل وسار بابا يقول لي كل ما تزيدي خوف زيدي قراءه وحسيت بتحسن كبير الحمدلله وكنت اعتقد اني شفيت وانتهى الموضوع لاني اصبحت اصلي واقرأ بدون اي شي ولكن اكتشفت انها البداية فقط والذي ممرت به من التخيلات والاحاسيس والمخاوف لم يكن شيئا امام ما حدث لي بعد ذلك........:crap:
بعد كم شهر من دي الحالة كنت اكره اروح لبيت جدتي كرهي للعمى وكانت امي تجبرني اروح وكان يجيني صداع شديد جدا احس راسي حينفجر وطبعا كل ما دخل احد يعلق ليش زعلانه افردي وجهك وانا طبعا مو زعلانه بس كنت اكره التعليقات السخيفه من شدة الصداع الي احسوا وكنت ارد عليهم يعني اجلس ارقوز عشان ترتاحوا
طبعا ماما مافهمت اشبي وكانت دايما تخرج وتشتكيني لبابا بس بابا عارف اني مو طبيعيه وكان يسكت بس مره ماما زودتها معايا قمت سبتها لان الصداع اكبر من اني اتكلم اساسا مع احد او افهموا وجلست زي العاده مافيا نوم وجلست اقرأ قران طول الليل بنية الله يحرق سبب الصداع الي احس فيه لان ما ينفع معايا البندول وربنا اعلم بحالي بعد الي سارلي المره الاولى قرأت (الدخان الصافات الحشر طه والبقره) قريب الفجر وصلت اخر البقره وطبعا اهلى كلهم نايمين بس كنت احس بشي في بطني ينقز كان بطني تتحرك من الامام للخلف خفت قمت رحت لبابا وصحيتوا قام ياعيني وهوا نايم يقرأ عليا ويده على بطني وانا استمريت في القراءه والا حس بابا بطني قام جلس وبدأ بقراءه اقوى وانا وصلت اية الكرسي وبعد اية الكرسي اية الطاغوت سرت اهتز بقوه وتغير صوتي وسرت اغني بالقران واصرخ اقلبوا المرايا (كان في الغرفه مرايا) واكمل تغني بالقران بصوت غير صوتي واتامايل كاني ارقص على غنائي بالقران وقام بابا اتوضا ورجع يقرى واما بدات اهتز كلي وصوتي متغير وعيوني مقلوبه اصيح شيلوا المرايا وانا واعيه بس كاني محبوسه داخلي لاني مو انا الي اتكلم ولا انا الي اهتز ولا انا الي اصرخ وقامت اختي وقامت ماما وراحوا اتوضوا واخدوني في غرفه ما فيها اخواني وجابوا موية زمزم مقرية وزيت وسار بابا يشربني ووجهي يتغير وصوت يقولوا على مين ويضحك طبعا كان يكلمهم ويصرخ اربعه اصوات من داخلي وانا بس اهتز وهم يقرأو الين الساعه العاشره صباحا ...
وقتها اكشقت اني لسه تعبانه والي عندي مو بس شي بسيط وعرف وقتها بابا اني ابغالي شده ومافيها اي مزح وبعدها ماما سارت تقولي ماتبغي تروحي لاتروحي هههههه من الفجعه..........
لسه القادم مذهل اكتر معليش طويله الحكايه بس والله للعظه والعبره وكل مين يسمع عنها يقولي اكتبي كتاب عشان الناس يستفيدوا ويعرفوا ايش الاعراض وكيف التعب وقت العلاج وكيف مافي شي صعب عن الله سبحانه وتعالى وتعطي امل لليأست من شفائها .......