قصتي مع بنتي إدعوا لها ربي يشفيها

السلام عليكم ورحمة الله وبركاته
طبعا بأبدأ بقصتي مع بنتي اللي بدت بالنسبة ليه من ست شهور وهو تأخر النطق طبعا كان هذا الموضوع مقلقني شوي لكن قلت شي طبيعي ومن باب الإحتياط رحت لأخصائية تخاطب طبعا إنصدمت لما خبرتني إن إحتمال يكون عند بنتي توحد طبعا جلست تعبانة فترة أسبوع إلين كلمتني وحدة وقالت تري علاج بنتك بيدك يعني كأن بنتك في بير وإنتي معاها لاإنتي قادرة تخليها وتطلعي ولاهيه قادرة تطلع وحدها لازم تساعديها حتى تطلع من هذا البير
وبديت مشوار العلاج بالرقية والاستفغار والصدقة والصلاة والدعاء وهو الأهم وكمان طبقت كلام الأخصائية تحسنت بنتي لدرجة إن الدكتورة شكت إن اللي فيها مو توحد طبعا كلام كثير وإلى الآن بنتي ماهو معروف إذا توحد او لا وطبعا مانطقت وعصبية
المهم وقتها حلمت أختي إن بنتي تكلمت تطلب مويه وفي فمها شعر أنا جلست أسحبه إلين طلع سلك في نهايته سماعة صغيرة فسرته أكثر من مرة وكمان اخواني وكلهم إتفقوا إنها بشارة بشفائها ويزول الأذى عنها وفيه من يقول إرقيها وفيه من يقول شربيها من موية زمزم بس الكل إتفق إنه أذى ويزول وبشارة بشفائها مع إنه المعروف إن التوحد لا علاج له لكن يمكن يتعدل سلوكهم ولكن شي ملازم طول العمر
طبعا انا فضفضت وأنا متضايقة والهم باين عليه ولكن كل ماأتذكر البشارة من الله أفرح وأحاول اتناسى وأدرب بنتي على التمارين لكن في الأخير ضعفت والله أنا بحاجة للدعاء الدعاء الدعاء إن الله يصبرني ويمدني بالقوة اللي أساعد فيها بنتي من أخوات أتوسم فيهم الأخوة وكمان إدعوا لبنتي إن الله يشفيها وينطق لسانها
وبس ياحبيباتي هذي طلبي