قصتي مع زوجي ،،،،

السسسلام عليكم
كل بيت فيه مشاكل بس كل واحد تختلف نظرته للمشكله نفسها فيه ناس الاشياء التافه تكبره وفيه ناس صبر ايوب فيهم وفيه ناس م تتحمل العيشه مع الطرف الثاني تجيبها من الاخر ويطلقون يعني بالنهايه الناس تختلف
يعني نصيحه مني لكم لا تهتمون بالمشاكل وتكبرونها والله لو الوحده فينا تتطنش وتصير بارده واذن من عجين واذن من طين و تهتم ببيتها وعيالها وبصلاتها بترتااااااح حتى لو زوجها طالع سب فيها وراجع سب فيها م عليك ولا كانك سامعه شي طنشوووا نصيحه
انا زوجي اكثر انسان حطمني نفسيا واقدر احلف بالله انه من المستحيل وحدة غيري تتحمل العيشه معه ،،بس مع السنين عرفت وشلون اتعامل معه بدون استشارة احد واي شي يصير ببيتي م يطلع لحد المهم زوجي كان يسبني وينتقدني وينتقد اهلي واذا قلت ليش تقول كذا يقول وش فيك امزح معك وهو بس يبي يستفزني ادري به ، وكل م اطلب منه شي بعض الاحيان في الوجه يقولها تبطين والله م تشوفينه واحيانا يقول لا بعدين يقول طيب خلاص يعني احيانا كذا واحيانا كذا ومرررات تجيه حالت حب غريبه لو اطلب لبن العصفور يجيبه انا نفسيا تعبت منه وكنت ابكي بكي ي الله امووووت و محد درا عني وكنت اشكي له همي وكنت دايما اقوله اللي بقلبي كله يسمعني للاخر بس يقعد يتريق فيني يعني انسسسان غريب المهم انا م تحملت هالشي ابدا مع الايام حملت تعرفون مع الحمل النفسيه تضرب صرت اعصب ع اي شي وصرنا دايما اهوااااش وصرت ادخل غرفه الضيوف واقفل ع نفسي م اطلع منه الا الله يكرمكم لدورت المياه او للمطبخ وانام فيها احيانا مو دايما المهم م اجلسه معه كثير هو انسان بيتوتي صبرت لين ولدت قعدت عند امي اسبوعين بس مع اني بكر هو م خلاني يقول حاس بالذنب ومن هالكلام وانا ابدا م اكلمه اذا احتجت اغراض لي ولا للبيبي كنت ارسل اخوي بفلوسي وهو كان يدق علي ارد عليه ببروووود المهم جلست مع نفسي لما كنت عند امي قلت لازم اغير حياتي معه لما رجعت لبيتي توقعت بكلامه القى البيت هدايا ومن هالكلام م شفت شي صار لنا 3 سنين متزوجين واقسم بربي م شفت هديه وحده منه ولا مره سفرنا المهم رجعت وانا مكبره عقلي كل تركيزي بتربيت ولدي وبس والله صرت اطنشه يسب يتريق ولا كاني سامعه شي اكله شربه جاهز كل اللي يبيه عنده م اقوله لا ابدا بس م اشكي له م اقوله ابي كذا وابي كذا م اطلب منه الا الاشياء الضروريه لي وللبيبي وللبيت وبس يكره اقوله بروح لامي يقول مو سواق انا مرررت الشهور ع هالحال ساكته واشكي لربي بس وادعي له انه ربي يهديه مع انه يمووووووت فيني من يوم كنا اطفااااال بس ليش يعامنلي كذا م ادري وش السبب والله ي بنات لو اقولكم وشلونن تغييير معي الحين م تصدقوووون لاني مطنشته صار هو بنفسه يجيني يقول وش رايك نطلع السوق اليوم اقول له اوك ابدا م ارفض اي شي يبيه عشان م يلقى شي يهاوشني فيه رحنا السوق وقال نروح محل المكياج شوفي وش فيه شي تبنه واخذيه انا طبعا انصدمت قلت م ابي شي قال روحي عشاني رحت واخذت كم شغله والله تغير بشكل م تتخيلونه لدرجه البارحه بالليل فاجاني انه حجز سفره بشهر 8 لماليزيا اسبوعين جاء قالي عندي لك مفاجاه قلت ايش قال حجزت شهر عسل لنا ضحكت انا قلت سلامات قال والله من جد اكلمك ووراني التذاكر والجوازات وكل شي وقلت وولدي قال راح يكون عند امك انا ابي هالسفره لنا بس ابي اعوضك واوعدك راح اعيشك عيشه واخليك مبسوطه انتي م تستاهلين الا كل خير وانا ندمان ع كل شي والله ي بنات بكيت بكي م تتخيلونه للحين مو مصدقه اللي صااااار
نصيحه لا تشكون همك الا لربكم ولا تطلع اسرار بيوتكم لحد وانتوا بنفسكم حلوا مشاكلكم