قصتي واختياار جنس الجنين

يابنات انا دوبني والد وحبيت اقص قصتي لكم انا ام لثلاث بنات الله يخليهم لي طبعا وطبيعي ابي ولد وهذا لاينتقص بحق البنات بس ابي ولد اسكت فيه الناس ولا البنات الله يخليهم ماندري وش النفع فيه المهم
وكعاده اي وحده تبحث حلوه ذي تبحث احس اني موجهه المهم اخلصي
من تركت المانع وانا ادعي ليل ونهار ان الله يرزقني الولد الصالح ومااخفي عليكم سويت كل الاسباب الي اتوقعها من بعد الله تفيد قريت ونطتت وفحطت وريوست وعشقت بين هالمنتديات ادور الطرق الي تفيدني عشان اجيب ولد المهم وبعد البحث والتقصي حلوه البحث والتقصي هالمره احس اني من المباااحث المهم لايكثر الي يقرون يبون الزبده ماالهم بالطويله فقررت اني
1-اروح لدكتوره متابعه بويضه
2-اشتري غسول بيكربونات الصوديوم
3-اتكل على الله بكل اموري ولا ابي اقول عشان مايكون رياء بس اقول لزمت الاستغفاار وتصدقت
المهم وجاءالشهر الاول وذهبت للدكتوره وقالت ياخررابي مفيش تبويض ذي الساعه ضاقت فيني الدنيا
قالت عندك ضعف ولازم مقويات قلت اهابس ماعندك سالفه واروح ادور بها الطب الشعبي واحوس بنفسي واضل 3شهور على هالحال ماحصل حمل وطبعا قبلها 4 شهور ورحت لها قلت انتي ابخص وقالت اه انا ابخص ياستي شوفو النصب مصريه تبي تقول انا ابخص يالله تغاضو اانتم لا تدققون المهموعطتني كلوميد وضليت عليه ثلاث شهور وشافتني متضايقه وقالت لي ماتعرفيش الخيره بايش يمكن تجيبي ولدين توم
قلت يارب الله يسمع منك صرت هالكلمه فال اتفال فيه واقول ان شاء الله وانا طول هالمده وانا اتابع عندها وكل شهر اتابع وتاخذ مني مبلغ وقدره وخذ ياتحاليل ويالله انواااع النصب والخساااير من غسول واشعه ومرجعات وتعب نفسي وجسدي وبعدها باربع شهور مليت من المستشفياات والحبوب والمصاااريف وقلت الله يعين ابخليها على رب العالمين
ومن خليت هالخرابيط وانا ماشاااء الله احمل
حملت وانا مبسوطه بالحمل بذاته بغض النضر عن الجنس بسبب الخوف من تاخر الحمل
المهم وانا افرفر بها المنتديات عن اعرض الولد او البنت وخذ ياتفسير احلام وخرابيط مالها اول ولا تالي
وماصدقت وصلت الثالث واطير اكشف عند دكتوره قالت مابين قلت اكيد بنت مابين الله يعينني علي الكلام بس ويجيبها سليمه واروح لدكتوره ثانيه واخليها تكشف وقالت مابين لسى تعالي الشه الراببع ويبين المهم ويمرالشهر لرابع مااااطوله واروح للدكتوره وتكشف وانا قلبي يدق يدق يدق يدق يدق الله يستر قالت البيبي كويس والجنس بنت قلت الخطا وارد يمكن خطا قالت لا بس يمكن
واروح للبيت وانا ماخفي عليكم احس بصيحه خانقتني وادعي ان الله مايواخذني و
ضل هاجس انهم مخطئين براسيالمهم تكلت على ربي وقلت الله يجعلها خيره وراحت الايام وانا مابي اكشف قلت خلاص خليها على ربك لين يجي وقتها وصرت اجهز واشغل نفسي وادعي ان الله ينزع اهميه جنسه من قلبي والحمد لله راحت الايام وانا مخبيه عن زوجي وهو عايش احلامه انه ولد وصرت اقول حاسه انها بنت وهو يتلون وجه الف لون يوم شفت ردت فعله قلت اسكتي بس وراحت اليام وجتني الولاده وولدت وجبت بنوته ياحبي لها مااحد فرح فيها الا انا الله يخليها وحسيت اني من رحمتي لها اغلى من اخواتها بسب ردات فعل اهل زوجي ماباركولي الابعد 10 ايام الا بعضا منهم وبعضهم لليوم والله ماسمعت صوته بس الحمد لله مااقولكم نفسيتي تعبت من ردات الفعل اكثر ولا بنيتي الله يخليها فرحت فيها ودعيت ربي انها تبرني وتسعدني والحين عمرها اربع شهور واحبها واموت فيها حتى الي حواليها حبوها ولا انسى رده فعل وحده الله يوفقها وين ماراحت حست فيني اني اترقب رده فعل اللي حوليني وانا بالستشفى قالت وش هالجمااال ماشاء الله ايابو فلان تنادي زوجي وتقول لا تجيبون الا بنات وش لكم بهالعيل وهاذولا بناتكم انا ادري ان بنتي جدا عاديه بس هالكلمه انتشلت نفسيتي بسبب انها غيرت بنفسيه زوجي كثير لان الرجل دايما ينضر لراي اقربائه وبس بس سبحان الله قصتي تعبر ان الله اذا اراد شي يقول كن فيكون وادعو ليا ان الله يرزقني بالاولاد الصالحين بس للامانه 3 من صديقاتي جابو عياال على هالطريقه بس سبحان الله الله كاتب لي البنت عشان كذا امرني اني اترك متابعه التبويض واترك الغسول سبحان من بيده مفاتيح الرزق الله يرزقني وكل من تمني ياكريم الذكور الصالحين وسامحوني على الاطاله يالله يابنات عاد عطوني رايكم بالموضوع لاني اول مره اكتب هنا لان ماعندي معرف بس صديقتي كيرلي شوشه ما قصرت