**قصتي وقصيدتي **

السلام عليكم

كيفكم يالغاليات ان شاء الله بخير وبصحة وعافية

بعد طول انتظار دام 13 سنة تحقق الحلم واصبح حقيقة وسرعان ماتلاشت الحقيقة واصبح حلم

مااجمل هذا الحلم عشت فية اجمل ايام حياتي وانا اسمع وارى حركات حنين في بطني اتغذى لتتغذى واستحمل

كل شيء لاجلها وانظر في بيتي واتخيل مكان نومها واتخيل سريرها والشنطة الي اجمع فيها حليبها ورضاعتها هل

قريبا ساكون مثل اخواتي لي طفل اظمة وادلعة هل صحيح بعد شهور قليلة سااحمل بين يدي حنين شعوووووررررررر

جميل لايمكن اصفة لاي مخلوق .

بعدة جلست طريحة فراش لمدة شهر على ظهري في المستشفى استحمل كل شيء في سبيل يقولون لي حنين

بخير والنبض مية بالمية افرح واتغذى مع اني اكل الاكل وانا على ظهري ويوقف في الحلق بس مع ذلك مبسوطة

اذا جابو جهاز النبض وسمعتة ابتسم حتى ان الممرضات اصبحوا يتعاطفون معي لابعد حد ......


كنت اسهر الليل وابكي واتهجد لله واقوم الليل وانا على ظهري ان ربي يثبتها ويفرحني فيها وتصير لي سند بالدنيا

وكنت اسوي المستحيل علشانها وهي مازالت ام 5 شهور ونصف.


حتى قرب اليوم الي اودع فيه حنون وتودعني فية وتقول لي ياماما موعدنا الجنة ((ان شاء الله))

انفتح الرحم وبدا الطلق وبعد معاناة مايعلم فيها الاربي ولدت فيها طبيعي وخيطوني وتالمت وشفتها بين ايديهم

ينقذونها علشان الاكسجين وجلست في الحظانة ..طلعت من غرفة الولادة وانا شوف دموع خواتي تصب ودموع امي

وانا شامخة وصابرة قدامهم مانزلت ولا دمعة وحدة حتى جيت لحالي وبكيت ..

جاء زوجي يبغى يطلعني وركبت العربة وصلتني الممرضة مع زوجي للبنت اشوفها وقفت اشوفها تذكرت تعب

السنين وقلت معقولة هذي حنين الروح بين ايديهم وبين اجهزتهم الي ماترحم جلست وانا احس ان قلبي تغير من

مكانة ولساني يلهج بذكر ربي انة يعوض صبري خيررررررررر..

رررررررحت لبيت اهلي لما اذن العشاء وصلى الناس اتصل علي زوجي وطاح قلبي قلت توه طالع وش عندة رديت

وكانت دقات قلبي سريعة واول كلمة قالها قال اللهم اجرنا في مصيبتنا واخلفنا خير منها حسيت قلبي وقف .قال

بكرة بغسلها وادفنها ومابكيت لان امي عندي ومابيها تحس لان معها القلب وتهتم مني قلت البنت ماتت يايمة وهي

الي بكت وصرت انا الي اقول الله بيعوضني يايمة لاتحزنين علي وتقول ابغاها لك يابنتي على الدنيا..


قضيت الاربعين وماادري كيف قضيتها وماادري كيف مرت علي ياااااااااااااااااااطولها علي آآآآآآآآآآآآآآآآآآآآآآه مااطولها يابنات. كنت اشوف واتخيل مكانها..
طلعت من الاربعين وتجملت وتزينت والقلب فية الي فية من الحزن رحت لزوجي وسافرنا ودخلت الفندق وراح زوجي يجيب غرض وسرح خياااااااااالي بعيد تخيلت لو حنين معي وارضعها والبسها اجمل الملابس وقلت انا ولدت وطلعت بس بدون حنين وراح كل المكياج وانصدم زوجي لما شاف عيوني كاني ماتزينت

ترا يابنات الي مريت فية شيء صعب جدا جدا ولازلت انتظر عوض ربي لي بان يعوضني خيرررررررررر

والايام هذي هي ايام ولادتي الي المفترض اولد فيها بالتاسع وصرت اتخيلها لو هي معي وصوت بكائها

ثم اصحى من حلمي ولا اسمع إلا صمت جدران بيتي الي تونا مرممينه بمناسبة حملي والله المستعان




.مسكت الجوال وبديت اكتب هذي الابيات ((هذي الابيات متنوعة القوافي ))


البارحة ياحنين كني على جمر الغضى مصلول

وكن الوجع ماخلا في جسمي مكاني

بعدك ياحنين كل الحزن والهم والمصايب تهون

وبعدك حياتي هاجرت منها كل فرحة جميلة

بعدك ترا القلب كانة بالسلاح مطعون

وكان الدمع فيي عيوني انهار وبحوري

لبى فؤادك ياحنين الروح وين انتي

رحتي وتركتيني اسيرة مع الاحزاني

كم مرة سمعت فيها دقات قلبك والوريدي

ولامن سمعتها يرقص القلب فرح وسرور

كم مرة فيها عانيت وعانيت

طريحة فراش والفكر فيك مشغول

كل الالم والعنا عني يسلى ويروح

لامن شفتك في الجهاز وطمنوني

ثم شفتك بالحضانة وبين الاجهزة يلاحظون

كأن قلبي راح وانتزع من مكانة

((((( قلت هذا حلمي وانتظار سنين عمري لايروح )))))


جاني الخبر قالوا ترا الغلا عند ربة راضي ومشفوع

قلت الحمد لله وعسى بموتها لي فية خيرة

وعقبها ياناس انسل من قلبي وريدة

وانسل من عمري كل لحظة سعيدة

والله لوجبت وجبت غيرهاعيال وبناتي

مانساها لوينسى النحل رحيق الزهور

يالله تشفعهاا لي يوم الحسابي

واجتمع معها في جنااااات ربي الكريمي




[دعواتكم لي بالتوفيق وان الله يرزقني وياكم يالغاليات



توقيع **********ام حنين***********