السلام عليكم ورحمه الله وبركاته
شلونكم يابنات ؟؟؟
إن شاءالله الكل بخير
بنات أنا عندي مشكله ومشكله كبيره حيل
وماقلت مشكلتي الا لإني مرتاحه لهمنتدى ومرتاحه لكم
وحابه أطرحها لإني أبي الكل يدعي لي وأمانه كل من قرأ مشكلتي يدعيلي من كل قلبه أن الله يريح بالي ويكتب لي الخير يارب
أنا فتاه عمري 24 أنخطبت وتميت 9 شهور مخطوبه وألحين أنا متزوجه صارلي 11 يوم بنات ماانكر لكم أني كنت مبسوطه وفرحانه مثل أي بنت بتزوج بس بعد الزواج من ثاني ليله انعكست حياتي فوق تحت مااقدر اكتب التفاصيل بس الي اقدر اكتبه اني من ثاني ليله كرهت زوجي كرهت غرفتي من اشوفه كني اشوف الموت اشوف فيه كل الصفات الخايسه والقبيحه كرهت امه كرهت ابوه مع انهم اهلي وناس طيبين وقلوبهم بيضاء حتى زوجي طيب وحبوب بس ماعرف شالي صارلي صرت اصيح واصارخ من اشوفه واشقق ثيابي وتجيني حاله هستريه خلاص تعبت وربي تعبت ورحت عند مشايخ وقرو علي وكل واحد يطلع فيني شي ماصرت اعرف شنو الي فيني بالضبط ومانكر لين اتجيني هالحاله اكره الي احبهم ومااحب احد يلمسني وصايره عصبيه وكله نايمه بالفراش ومالي خلق أي احد واحلم احلام اتعب منها والله يابنات تعبت احس اني تايهه ومتشتته ماني قادره استقر على شي ومن اشوفه زوجي لاشعوريين اغطي وجهي مااطيق اشوفه واصارخه عليه ماقدر بس من ايروح اقعد اصيح على الي سويته من اشوف رقمه بتليفوني اتنافض واخاف ..
ومانكر لكم ايام الخطبه كنت كله احلم باحلام مرعبه احلم بصراصير وقمل واحلم بسحر واشياء سوداء ..
والله تعبت تعبت لدرجه ماتصورونها. كل ساعه لي حاله مره احب ومره اكره مره مستانسه ومره تعبانه ماصرت اعرف شنو فيني؟
بس إلي ابيه منكم أنكم تدعون لي الله يكتب لي الشفاء ويكتب لي اللي فيه الخير يارب
وأنا أؤمن بالله والحمدالله ودايم أردد
(( وعسى أن تكرهو شيئآ وهو خيرآ لكم))
أمانه كل من شاف موضوعي يدعيلي أن الله يريح بالي ويكتب لي الي فيه خير وصــــالح
it’s me @its_me_7
عضوة جديدة
يلزم عليك تسجيل الدخول أولًا لكتابة تعليق.
عبيــــر الــــورد
•
الله يفرج همك ويريح بالك يارب
يختي إنتي أقري الأذكار حقت الصباح والمساء
وحطي سورة البقره في بيتك لأن الي صاير لك مو طبيعي !!
الله يكون بعوونك ويريح بالك
وحطي سورة البقره في بيتك لأن الي صاير لك مو طبيعي !!
الله يكون بعوونك ويريح بالك
اختي انتِ بحاجه لرقيه
وعلاج
انصحك بزيارة منتدى الشيخ عبدالله الخليفه يمدحونه البنات
اسأل الله ان يفرج همك ويرد كيد الكائدين في نحورهم
وعلاج
انصحك بزيارة منتدى الشيخ عبدالله الخليفه يمدحونه البنات
اسأل الله ان يفرج همك ويرد كيد الكائدين في نحورهم
الصفحة الأخيرة