قصدة ولادة بنتي شهد

أنا كنت نزلت موضوع من قبل ابشركم فيه بولادتي بس ما خبرتكم بالقصة .... المهم انا كنت اراجع بمستشفى الولاده بأبوظبي لانه قريب من دوامي ... وبيتي يبعد تقريبا نص ساعه عن دوامي .... قبل ولادتي باسبوع كان ينزل مني ماي كل فترة وفترة خلال اليوم الواحد ورحت بعد اربع ايام من نزول الماي للمستشفى اللي جنب البيت وقالوا مافي ولادة وهذا مو ماي الجنين بس بنرقدج وبنراقب الوضع انا قلت لهم ما برقد اذا مافي ولادة وهذا مو ماي الجنين ليش ارقد وطلعت على مسؤوليتي وثاني يوم كان يوم العيد عيدنا مع الأهل وكل شي تمام بعدين كلمت ريلي قلت له بكرة ثاني العيد ما اعتقد عندك شغل الصبح ابيك توديني المستشفى اللي بأبوظبي لأني المستشفى الثاني ما ارتحت لهم ... قال اوكي صحيني الصبح وبوديج ... الصبح قمت وتسبحت وبديت البس الا احس بألم وبدا يزيد ويزيد لين صحيت زوجي بس ما قلت له ولادة بس اتصلت بأمي وجتني لما شاف امي موجودة قال بتربين صح وطيران لبره رحت قالوا هذا ماي الجنين ينزل شوي شوي والرحم فاتح 4 سا نتي ليش ردوج هذيك امستشفى وتموا يسبون فيهم ..... ربيت بعد 6 ساعات من بدا الطلق وكان المفروض اقل لانه الرحم ما شاء الله بعد وصولي المستشفى بأربع ساعات كان 9 سانتي ، المشكلة كانت الماي ما فتح والجنين يدفع عشان يطلع وتراجع نبض شهودة وجت الدكتورة وفتحت الكيس بعدين نادوها مرة ثانية قالوا لها ما فتح كله رجعت وفتحته وتمت موجودة لين ما طلعت البنت عشان تتأكد انه الكيس فتح....... ودفعت دفع ما دفعته ببنتي الأولى لين ما طلعت لانه وزنها اكثر من وزن اختها الكبيرة .... تعبت فيها وتنططت وايد غير النزيف وانخفاض الهيموجلوبين سووا لي نقل دم عشان يرفعونه ويعوضون النقص اللي ما تعوضه الادوية .........

اخرتها طلعت من المستشفى تعبانه ميتة .... وبعدها بكم يوم حس بألم في المثانه وطوارئ يومين ما اقدر امشي ما اقدر انام كله الم الم وكله بكاء وصياح ... وقالوا اكيد هبوط بالرحم لانج شديتي وايد وقت الدفع .... الحين حصلت وحدة اندنوسية تدلكني بجيبها يوم ورا يوم لين ما يتصلح كل شي وقوم بالسلامة .... لانه صعب حد يشيلني وحد يحطني والله الحمام يودوني له مشيولة ويردوني السرير اقعد ولازم حد يرفع ريولي على السرير مستحيل اقدر ارفعهم لوحدي الم افظييييييييييييع..........


ادعوا لي بس اقوم بالسلامة من ها الطيحة وترد لي صحتي وقوتي من غير مشاكل وافرازات وماي انا محافظة على نفسي خصوصا اني بدون خياطة للمرة الثانية ما اعرض المنطقة للهوا وما اقوم من فراشي لاني ما اقدر امشي وريولي مضمومه 24 ساعه وما اتسبح وايد الا كل يومين واكل وانا بمكاني واخذ ادويتي بانتظام ..... ادعوا لي ........ احتاج لكل دعوة..........