قصصصصصصصه ولاااااااادتي :-D

مساءالخير ع الكل رح اقولكم رحله ولادتي طبعا لي 12 يوم والده الحمد لله ولدت في العسكري في تبوك اول شي جتني مويات خفيفه يوم الخميس انكبت مرتين بس قليله مره خفت وقلت بروح يمكن مويه الراس واولد مادريت ان وراي ايام وايام رحت لمستوصف خاص وكشفت علي قالت انتي ولاده مفتوح 3داخل ع 4 انا فتحت فمي قلت معقوله انفتح بدون طلق المهم قالت لي علا طول روحي للمستشفى المهم رجعت البيت لفيت شوي بالسطح اخذت اغراضي ورحت يوم وصلت للطوارئ كشفت علي قالت 3 بس المهم قالت تنويم ونوموني حطوا لي تخطيط وخلوني هاذا الساعه 10 ونص بالليل الغرفة الي انا فيها جمبي وحده خلاص ولادة كان مفتوح رحمها 7 وانا اسمعها تتألم ويطير قلبي مابيننا إلا ستاره المهم آخر شي تبلدت مشاعري وصرت احسب لها الألم خخخخخ يجيها كل 5 دقايق وكل ماله ويزيد الألم المهم انهم ولدوها جمبي :'(:'(:'(:'(:'(:'(
عدت على خير وجت ثانية بعدها وكمان تتألم بس ذي تصارخ مررره احس ولدي تعلق بضلوعي من الخوف هههههههههه
المهم وغير أصوات الحريم الي برا احس صابني اكتئاب الصباح سألت السستر كم مفتوح قالت 3 قلت اول 3 الحين يمكن فتح قالت تبغي اشوف قلت ايوا كشفت قالت ياماما هاذا 2 ونص مافي 3 يووويلي بغيت ابكي قلت انا ابغى اطلع قالت لين تجي الدكتوره واطلع على مسؤوليتي طبعا المهم استنيت الدكتوره جت تلف على الغرف الساعه 8 الصباح هاذا يوم الجمعة المهم كشفت علي وبرضو قالت 2ونص بس الي لاحظته ماكشفت عادي جلست كأنها توسع بالفتحة اتوقع يسموه تحريض المهم الألم كان أقوى من الكشف بس مستحمل آخر شي قلت لها خلاص بطلع المهم وقعت وطلعت طبعا بدت تنزل معاي افرازات بخيوط دم جا يوم الأحد كان عندي آخر موعد أكون مطوفه أسبوع كتبو لي طلق صناعي الخميس أكون مكملة 10 أيام سوو لي تخطيط وسونار مويه الجنين كانت 6 مادري زينة ولالا الدكتوره قالت عادي اكيد المويه مرح تكون زي اول التاسع المهم رجعت البيت وبدتني أوجاع ومغص على خفيف بالليل وكنت انام وتصحيني بس محتمل واستمر معاي للفجر راح زوجي للدوام قال أذا جاك شي كلميني المهم استمر الألم طبعا هاذا مايخليني انام وجلست صاحيه واتالم والافرازات زادت مره وزاد الدم المهم على الساعة 11دقيت على زوجي ورحت للطوارئ متفائلة انه بيكون 7 خخخخخ يوم رحت كانت المفاجأة 2ونص برضو من الخميس اليوم كان الاثنين طبعا المهم رفضت التنويم وخرجت ومن رحت البيت والألم بدأ يزيد يزيد كل 7 دقايق بس مو يوجع الي يخلليني اروح لهم المهم الضهر زوجي نام وانا حاولت انام بس مافيش ياماما وصبرت صبرت لين جلست ابككككي من الألم كان فضيع المهم صحا زوجي على صوتي وخليته يدهن بطني وضهري بزيت زيتون وحبه البركة كان الألم فضيع شي موطبيعي المهم آخر شي غصبني زوجي يقول لين متى بتستنين رحت للطوارئ كشفت علي تخيلو كم مفتووووووح؟ ؟؟؟؟؟؟؟؟

6 ونص
وعلى طووول طلعوني للتنويم وحطو فيني مغذي ومجهزين العربية عليها المقصات وكل عدتهم منضر مرعب خخخخخ
طبعا هاذا الساعه على 5 العصر كذا وتروح وتجي علي السستر وعطتني إبرة مسكنه بالعضل سكنت شوي وجاني استفراغ احس كأني مخدرة المهم قالت بعطيك إبرة عشان الاستفراغ المهم على الساعة 8 كذا ويجيني الموت الاحمرررر راح مفعول المسكن يله عاد بدأ العذاب واجلس اصرخ واتوجع وااااااااه يابنات جعل أمهاتنا بالجنة الطلق عذاااب وجاني الدكتور يسألني كيف حالي قلت ابي مسكن يادكتور تكفى قال طيب بنعطيك بالمغذي أخف من الأول وعطوني ولاماعطوني وجع يشيلني ويحطني أتلوى على السرير وأشد على يدين السرير احس راسي بينفجر من قو الألم المهم على الساعة 10 كذا جا الفرج مفتوح 10 والراس تحت قالت يله اذا فيه الم دفي مافي الم خذي نفس المهم جو تجمعو علي واذا بديت ادف كلهم يله ماما دفي دفي دفي خخخخخخ مررره يتحمسون مع الي تولد المهم على الساعة 11 شرف حبيب أمة حطوه على صدري شوي وورتني انه ولد وعلى طول شالوه وركضو فيه برا وماسمعته صاح مانتبهت وماهتميت دايخه حالتي حاله مدري وش معطيني يدوخني خلصنا من الجنين جت المشيمة ضيعوها والله جلسو يمكن ساعه يدورونها وتجمعو علي ووجيهم منقلبه ومافي وحده إلا وحاولت تطلع هالمشيمه آخر وحده جت والله دخلت يدها لين نص ذراعه وتلف بالرحم حسيت الموت بطني ترتفع وتنزل وتسمح على بطني من فوق وتضغط والله اني تألمت بالمشيمه أكثر من ولدي اصلا طلع ماحسيت فيه لأنهم مبنجين المنطقة قالت يله ماما دفي لازم مشيمه تنزل ولا فيه مشكلة بعدين عملية اول شي تقول كحي كحي مانفع قالت دفي بس خخخخخ ودفيت وعاد رحمه من ربي طلعت الحمدلله بعد معاناة وجا دور الخياطه الداخلية المها أخف من الخارجية المهم على الساعة 1 ونص كذا خلاص كل شي خلص وانا منسدحه على الفجر الساعه يمكن 3 ونص قلت ابي الحمام ورحت عاد وبعدين جت قالت يله ماما روح غرفة ثاني ودوني لغرفة على بال ماتفضى من غرف التنويم معاي حرمتين وحدة مات ولدها وهي جايه تولد بالتاسع ياحرام الله يعوضها والثانيه ولدها تبرز ببطنها وحطوه بالعنايه المركزه المهم جتني السستر قالت يله غرفة تنويم وحنا بالطريق سألتها قلت سستر وين بيبي قالت في عناية مركزه قلت نعم ؟؟؟؟؟؟؟؟؟؟؟؟؟
ليه في العناية لا انا بيبي كويس مافي مشكلة قالت انتي مدام أمل قلت ايوا قالت خلاص بيبي في عناية عشان شفط انا فتحت فمي كيف ولدي بالعنايه ومسوين لي شفط ولا أعرف بذا كله قلت لها لالا هاذي مدام ثاني بيبي في عناية أقصد الي ولدها تبرز ببطنها قلت اكيد ملخبطين ياخوفي يعطوني ولد مو لي قالت لاياماما بيبي انتي في عناية انتي مافي يعرف أكثر من انا المهم ويوم وصلت لغرفتي على طول لبست عباتي ورحت للاستقبال وسألت وقالو لي نفس الكلام وانا مو مصدقة قلت ابي سعودية ويوم جت وحده سعودية حكيت لها السالفة قالت لايسمعونك تقولين مبدلين ولاملخبطين ترى كبير الكلام لاكن اتطمني ترى مستحيل يلخبطون لأنهم يحطون اسمك على طول على يده ويودونه المهم قلت بشوف ولدي وودتني سستر له للعنايه كانو حاطين زي الأكسجين بفتحات خشمه يويلي تقطع قلبي يوم شفته يادوب ماسكه نفسي وبس عاد جلس ولدي عندهم من يوم ولدته وطلعت انا الربوع وهو باقي تحليل ماطلع له قالو يطلع بكرا ونشوف اذا نطلعه ولالا طبعا بتسالوني ليه حطوه بالعنايه المركزه هاذا الله يسلمكم يوم طلعوه من بطني جاه اختناق أو نقص اكسجين ومابكا زي الاطفال فخافو عليه وشالوه على طول انا اتوقع من الشفط وبس عاد جاني وليدي الخميس طلعوه الحمد لله .. ربي يهون على كل حامل ولا يكتب لها طلعة من غير طفلها والله يابنات كسرة قلب.. وهاذي هي قصة ولادتي وعذرا على الإطالة ;-)