قصــــــــــــــــة ولادتـــــــــــــــي ادخلوا اقروها واستفيدو منهــــــــــا

السلام عليكم

شخباركم ياحلوات

هذا انا توني مخلصة الاربعين بالسلامه الحمد لله

وحبيت اكتب لكم وش صار معي وقت الولاده:

من حملت وانا تعبانه من ثقل ووحم والام في الظهر وغيره

وكل ماتقدمت الاشهر كل ماثقلت اكثر واتعب

المهم يوم دخلت التاسع رحت لدكتوره في الحبيب واتفقت معها انها اذا جتني الولاده تولدني

والدكتوره الي اراجع عندها من دخلت التاسع تركتها لاني مليت قلت خلاص بس تجيني الولاده

اروح للمستشفى ويدقون على الدكتوره الي اتفقت معها

المهم مرت الايام وماولدت وتعبت من الثقل والكل يضحك علي وانا امشي لان صار المشي صعب علي مره

حتى الصلاة صارت صعبه علي

عن جد تعبت مرررررره ولا جاني طلوووووق

عاد وش سويت انا الغبيه :(

قلت خليني اروح لدكتورتي الي كنت اراجع عندها واقول لها ابي اولد

المهم كان لي تقريبا 26 يوم من التاسع

ورحت لها وياليتني مارحت :(

بس قدر الله دخلت عليها قالت يؤؤؤؤ لسه ماولدتي

قلت لها تعبت ساعديني

قالت ولايهمك تدرون وش سوت

كشفت من تحت وقالت بفتح لك الرحم سانتي وعذبتني انهبلت وقتها من الالم وتقول اصبري

يوم خلصت قالت خلاص انفتح الحين سانتي وروحي للبيت واشربي نص علبة خروع وراح تجيك طلوق وراح تولدي

وقالت لي اذا ماولدتي تعالي وافتح لك سانتي ثاني وكل مره كذا لغاية ماتولدي
هذا كان كلامها لي
المهم يوم طلعت من عندها نزل معي دم من كشفها وشريت خروع وقلت بمشي شوي قبل

لااروح للبيت علشان ان شاء الله تسهل الولاده

مشيت شوي لكن جاني الم في بطني ورجعت للبيت يوم خف الالم شربت الخروع الساعه تقريبا 12 في الليل

وانا يوم اروح للدكتوره كانت الساعه 7 في الليل ومن الساعه سبعه لوقت شربي للخروع كان فيني
الم خفيف

لكن بعد ماشربت الخروع الله لايوريكم نظف لي بطني وبعدها صارت تجيني طلوووووق هذا الساعه 2 الفجر

قلت بصبر شوي وكل مالها تزيد لين صارت الساعه اربع الفجر صحيت زوجي ورحت للمستشفى

ودخلوني غرفة الولاده وصارو يكشفون علي ويقولون طلوقك حاره بس ماانفتح الا 2 سانتي

قلت اتصلو على الدكتوره تجي قالو لا لازم ينفتح 7 سانتي وبعدين تجي

المهم تعذبت من الطلوق وتعبت وكل مااكشفوا علي قالو لسه ماتغير

والساع تقريبا 9 الصباح قالو انفتح حوالي اربع سانتي شوفي عذاب من وقت مافتحت لي الدكتوره سانتي الساعه 7 في الليل الى الساعه 9 الصباح ماانفتح الا اربعه

قلت ان شاء الله فرج ربي قريب

وكل شوي يكشفون علي وعذبوني بكشفهم وطلوقي ذبحتني ولاانفتح غير اربعه

ويوم صارت الساعه تقريبا 11:30 الظهر دقو على الدكتوره الي اتفقت معها وجت وكشفت علي وفتحت لي المويات يوم فتحت المويات نزلت معها المشيمه متقطعه يعني انفصلت عن الجنين

انهبلت الدكتوره قالت لازم عمليه قلت لها لا اصبري شوي قالت مايصير المشميه انفصلت والجنين مايتحمل ولاانفتح الا اربع سانتي

سألتني قالت انتي شاربه خروع ؟؟

قلت لها ايه قالت من قال لك قلت الدكتوره الي اراجع عندها وصفته لي

قالت مايصير خروع مو زين ابد هذا الي خلا المشميه تنفصل

المهم قلت لها بصبر شوي قالت بكيفك بس ماعلي منك اذا صار للجنين شي قلت لها الى الساعه وحده الظهر بصبر يمكن ربي يفرجها وينفتح باقي السانتيات قالت بكيفك وخلتني اوقع على مسؤليتي

المهم عطتني طلق صناعي يعني على طلقي الحار عطتني معه صناعي قالت يمكن يساعدك

المهم بعد مااخذت الطلق الصناعي صدق شفت الموووووووووووووووت

وجت الساعه وحده وانا صابره وجت الساعه ثنتين وثلاث واربع وخمس العصر وانا صابره

بعدها خلاص تعبت وتعسرت ولادتي وانخفضت دقات الجنين وقتها خلاص اتصلت على زوجي وجاء وكانت امي معي من اول مادخلت المستشفى الله يجزاها كل خير ويعافيها تعبت معي مرررره

وجاء ابوي لاني خلاص حسيت بالموووووووووت

ووقع زوجي على العمليه ودخلوني غرفة العمليات الساعه تقريبا 5:30

والحمد لله والشكر ولدت قيصري وربي رزقني ببنوته قمر الله يحفظها لي هي واخوانها يارب

وطلعت من غرفة العمليات الساعه 7:30

وطبعا اول الايام تعبت مررررره لكن الحمد لله على النعمه الي جعل لكل شي مخرج

ونصيحتي لاتسوون اي شي يعجل الولاده خلوها تجي من الله

والخروع ابعدو عنه هو بعد الله الي قطع لي المشميه

والحمد لله والشكر يارب

ولاداتي الاولى كانت طبيعي وهذي قيصري

الحمد لله والشكر

وان شاء الله تستفيدو منها

وادعوا لي