قصه اختي الله يرحمها مع الصلاه

السلام عليكم
الحمدلله حتى يبلغ الحممد منتهاه

بما اني حكيت لكم عن ستر اختي الله يرحمها
فاليوم واجب عليه وامانه بعاتقي لازم اوصلها لكم
يابنات الصله بين العبد وربه الصلااااااه
الصلااااه لا تفرطون فيها
بحكي لكم قصه صارت مع اختي الله يرحمها كل مانتذكرها ننبسسسسط ونقول يارب لك الحمد
انا ما ازكيها على الله ولكن عسى الله يتقبلها قبول حسسن ويجعل الجنه دارها ومستقرها
اختي من صف ثالث ابتدائي وهي تصلي فروضها بانتظام
لما مرضت تخيلو معايا الموقف
انسانه في العنايه المركزه
ما تتحرك ولا تجلس ولا تمشي ولا يتحرك فيها سوا رقبتها
مانعينها من كل شي
كان في ظهرها لي يشفط المويه اللي بالرئه
تعبانه كانت الله يجعل كل الم ذاقته اضعاف مضاعفه بميزان حسناتها
تدرون بالدايه كانت تصلي جالسه
لما ساءت حالتها رحت زرتها
نادتني قربت من راسها
قالت لي شوفي معلقين لوحه فيها طريقه الصلاه بالاصبع الصحيحه جيبيها ليه


متخيلين ؟؟
بين الحياه والموت وتبي تصلي الله يرحمها
لما خرجت من المستشفى برضو ماكانت حالتها الا سوء
تروح الحمام الله يكرمكم على كرسي متحرك
تدرون الوالد جاب لها تراب معقم عشان تتيمم
ماكانت ترضى الا تقوم تتوضى
كانت الله يرحمها رغم مرضها الا انها محااافظه عليها
قبل وفاتها باسبوع بالضبط
كانت مسافره للرياض للعلاج
كانت طريحه الفراش بس تصلي
قبل رحلتها بساعتين
سمعنا صراخ الشغاله من غرفه اختي
رحنا نجري نشوف اش فيه
لقينا اختي الله يرحمها طايحه على وجهها
وبيدها شرشف الصلاه
شلناها وهي تقول خلوني اصلي رحت اوضي ابغى اصلي
ياعمري قامت وهي اصلا ماتقدر تمشي ووضت بدون مساعده احد
والله طاحت على وجهها طيحه جاامده الله يحرم وجهها عن النار
ما انساها هذاك اليوم كان ااااااااااخر موقف يجمعني فيها
تخيلو كأن ربي يبغانا نشهد لها ويكون ذا الموقف اخر شي يجمعنا
ماخلانا نودعها لان موقف الوداع مايستاهل انه يكون اخر ماجمعنا بها اكثر من ذا الموقف
كنت احزن واموت من البكى لما اتذكر ان وقت سفرها كنت نايمه نوم غريب وماصحيت اودعها
بس توني عرفت ان كل شي ربي يكتبه لنا خيييييييره
والحممدلله انه هذا اخر موقف جمعني باختي يتعلق بالصلاه
اتمنى منكم تدعون لها بالفردوووس الاعلى
كل من يتذكرني بهالمنتدى
ومن يعزني ويحبني
ومن يستفيد من كلماتي
يدعي لها ان ربي يعوضها الفردوس الاعلى
لان مافي عوض احلى من الفردوس
وان الله يجمعنا معاها على سرر متقابلين في الفردوس الاعلى
ويصبرنا ويجبر كسرنا
وصلى الله وبارك على سيدنا محمد وعلى آله وصحبه وسلم

احبببكم
هالله هالله بالصلاه وعادي اسمح بنشر قصتها للعضه والعبره وعشان تدعولها الله يرحمها