قصه بنت خالتي مع طليقها حزينه

السلام عليكم ورحمه الله وبركاته

ابقولكم عن قصه بنت خالتي المسكينه

بنت خالتي مطلقه من قبل عمرها 25 المهم لما جات تتزوج مره ثانيه تقدم لها شاب عمره 26 اكبر منها بسنه مامره تزوج بس المشكله ابوها ماسأل عن الرجال زين قال خلاص اهي مطلقه ويمكن مايجيها رجال بعد كيذا والحرمه مو كل مره لها زوج المهم كان المتقدم لها من الجنوب شافها النظره الشرعيه واتفقوا خلاص على المهروشقه مستقله وكل شي بس اهي اشترطت انه يكون عليه مؤخر المهم الرجال وافق والمسكينه يوم جى يوم الملكه وحضر الشيخ قال لابوها سامحني انا ودي اني ادفع الحين بس لازم املك عشان اقدم على بنك التسليف وان شا الله كلها كم من يوم واجيب المهر وافق ابوها
وكتب الشيخ العقدانه دفع كيذا وانه عليه مؤخر كذا بدون مايدفع الر جال المهم بعدها تمت الملكه قال لابوها كلها ان شا الله شهر او شهرين بالكثير واتسلف ويطلع لي بنك التسليف واجيب المهر بعد الملكه بكم من يوم صار هذا الرجال يجي عندهم دايم بيت اهل البنت واهلها تضايقوا واذا قالت له البنت مايصلح تجي لان ابوي مايرضى يقول لها
انتي زوجتي وحلالي والمشكله انه ابوها طيب بالحيل ماله كلمه وهذا استغل طيبه اهلها وطيبه البنت وصار انه طلب من ابوها انه يسكن عندهم خلال شهر الين يطلع الفلوس من البنك وقال له انا اهلي بعيدين وصعبه اروح عندهم ابي اقعد عندكم فتره المهم الاب وافق على انه يجلس لان البنت قنعته وصار ينام معها باعتبار انها زوجته البنت نفسيتها تعبت كثير لانها محتاجه لمهر محتاجه لشقه مو تتزوج وتعيش مع زوجها بنفس بيت اهلها المهم بعدها اذا صارت بينهم مشكله صار يضربها ضرب مو صاحي مسكينه كله رضوض وكدمات على اقل مشكله لاوفي بيت اهلها بالبدايه ماعترفت لهم بس بعدين تعبت وقالت لاهلها انه يضربها وزعل ابوها وامها وبعدين اعتذر الزوج لهم وقالو لها بنسامحك بس لاعاد تضرب بنتا هذا وهي عندنا اجل كيف لو طلعتو في شقه ايش بتسوي فيها المهم ماخذ كم من يوم الا ومطلع مشكله هذا وهو يشتغل كم يوم ويفصل اثاريه مو قد المسؤليه المشكله اللي سواها لمن ضرب البنت وصار ينزل من فمها دم بقوه قالت له خلاص طلقني يوم قالت له كيذا راح يسب امها بكلام وصخ وحتى ابوها قدام امها وابوها هذا وهم ضافينه ومكرمينه وقالت بستحمل يمكن الله يهديه تحسن كم من يوم ورجع ازيد من اول صار يضربها وتعبت نفسيتها وقالت له خلاص مابيك انا تعبت كفايه انك مو عازني ولامكرمني ولاحشمتني قدام اهلي وغلطت على امي وابوي قدامهم ويوم جى ابوها يتفاهم معاه قال له طلق البنت قال ماراح اطلقها وبخليها معلقه قال له ابوها اجل جيب المهر قال انتم ماعندكم وصل عشان يثبت اني مادفعت انا دفعت بعدها راح ابو البنت لاهل الولد وطلب منهم انه يطلق البنت لان البنت خلاص طابت نفسها ونفسيتها تعبت وخلال شهر طلق البنت بس قال اذا تبون اطلقها عطوني عشره الاف لا والمشكله مادفع شي
المهم قال لهم اكتبوا تنازل عن المهر والمؤخر وابي عشره الاف المساكين وتنازلت البنت عن المهر والمؤخر وعطته عشره الاف وبعد كم من يوم استلمت صك الطلاق وبعدها اكتشفت انها حامل
يوم عرفت انها حامل تعبت نفسيتها اثاريها حامل لها شهرين ونص وهي ماتدري وتعبت عليهم كثير بعدها قال الاب للطليق البنت انها حامل قال اجل لازم ارجعها البنت خافت وقالت انا مابي ارجع تعبت نفسيتي لو برجع بياخذ فلوس زياده وخذت الجوال واتصلت على طلييقها وقالت له انها حامل وانه ملزوم يعطيها نفقه الحمل قال لها اذا تبين اعطيك ارجعي لي قالت له خلاص انا اللي شفته كفاني وزياده انتي بعتني برخيص قال لها انا بس بسجل اللي بتجيبن باسمي وبعدها خليه لك ماابيه ولاراح اصرف عليه وجلس يسبها ويسب اهلها :44:وقفلت الخط

الحين بنت خالتي نفسيتها تعبانه بالحيل بس انا نصحتها انه تكثر من قراءه القران وسوره البقره وقلت له انه هذا مو قد المسؤليه ولعاب بهدلها مسكينه وخرب مستقبلها وقاعد مايحب الشغل بس يبي يقعد عندهم مايبي يحط لها لاشقه ولاشي الا بالعكس يبي ياخذ منها
والحمد لله تحسنت اكثر من اول بس ادعو لها انه ربي يفرج كربتها ويقومها بالسلامه وايش تنصحوني اني اواسايها او اقول لها الله يجزاكم الجنه