الماهرات @almahrat
كبيرة محررات
قصه حلو ه لاتفوتكم خسرانه لو مادخلتي
//// السلام عليكم ////
هذه قصه اتمنى تعجبكم وتنال على اعجابكم
بسم الله الرحمن الرحيم
في نهايت السنه اعلنت احدى مدارس الثانويه
نتائج الاختبارات وكانت ناديه من البنات الناجحي
ناديه : امل باركيلي انا نجحت وبتقدير جيد جدا
امل : وانا بعد ماني مصدقه هم وانزاح اخيرا تخرجنا مابغينا
ناديه ايوالله الحمد لله يالله بسرعه خلينا نبشر اهلنا
ترى امي تنتظرني على احر من الجمر
امل : يالله يالله خلينا نروح
وفي البيت دخلت ناديه امي باركيلي نجحت نجحت يامي
الام :والله صحيح الف الف مبروك روحي بشري ابوك بسرعه تراه مسيكين يحاتيك اربع مرات اتصل ويسال مطلعت النتيجه
ناديه :طيب الحين اروح اكلمه
ناديه : الو هلا يابوي كيف حالك ابشرك تراني
نجحت
الاب : الف مبروك وش تقديرك
ناديه : جيد جدا مرتفع وشرايك عجبتك بس ها
ترا احنا على الوعد تجيبلي الابتوب الي وعدتني فيه واروح انا معك انقيه زي ماوعتني
الاب : بس ولايهمك اهم شيء انك نجحتي ولايهمك احلى لابتوب عندك كم ناديه عندنا انتي
تامرين امر
وشرت ناديه الابتوب وكانت فرحانه فيه كثير وبما انه عطله سجلت ناديه بمنديات كثيره ونصحتها اختها منى انها تسجل في منتدا نسائي
افضل فسجلت ولاكنها سجلت في واحد منهم منتدى مختلط وكانت ناديه تسهر بالليل وتجلس بالساعات على النت وفي البدايه عجبها المنتدى النسائي لكنها طفشت وقالت خلني اجرب هذا المنتدى المختلط وش ببيضرني لاني مكلمه احد ولا لي دعوه في احد انا في حالي وهم في حالهم
وصارت تشارك وتردوتشترك في مسابقات وتحرص انها تفوز وكانت مسميه نفسها اسم حلو
اختارته لها امل صديقتها (اميرة الاحلام )وكانت
ناديه محترمه تتجنب الشباب وماترد عليهم وحتى
الي الي يراسلها على الخاص ماترد عليه ولاتسال فيه وفي مره من المرات نزلت موضوع
مهم وحلو كلهم اعجبهم الا واحد دخل واخذ يسب
في موضوعها ويقول ان موضوعك ماله اي داعي وانك تبين منه الشهره ووووووو انقهرت
ناديه منه قهر لاكنها كالعاده التزمت الصمت ومن بكره تفاجائت انه ارسلها على الخاص اعتذا
وهذا ماجاء في الرساله
السلام عليكم
اختي اميرة الاحلام انا اسف على الطريقه الي رديت عليك فيها ومدري شلون اعتذرلا لك انا
بصراحه كنت زعلان ومتضايق بسبب ضروف
خاصه فيني ياليتك تقبلين اعتذاري وعلمي ان هذه
اول مره اتجراء وارسل لبنت وانا ضد هذا الشيء تمام بس لاني ارتكبت غلط كبير في حقك
فحبيت اصلح غلطي
التوقيع : الحزين دوم
قرات ناديه الرساله اكثر من مره وطبعا على طول اتصلت على امل شفتي صار كذا وكذا
امل : واوووووووو ورديتي عليه
ناديه : يو يو لالاطبعا شلون ارسله مستحيل اسوي كذا
امل: والله ماعندك سالفه ارسلي له كلمتين وش بتظرك لاتخذين ولاتعطين كلها كلمتين لاراحت ولاجت مسكين يكسر الخاطر
ناديه : وانا بعد كسر خاطري حتى اسمه حزين
مدري ليش وبعدين مبين عليه محترم خلاص برسله وكن ناديه تبي بس احد يشجعها وكانت امل هي الي شجعتها
وفعلا ارسلت ناديه له رساله مختصره
اناقبلت اعتذارك وشكرا لك ياخي الكريم
(اميرة الاحلام )
وردعليها شكرا ياختي العزيزه ماتتخيلين كيف فرحت انك قبلتي اعتذاري ولوتعرفين الظروف الي انا فيا كان عذرتيني ابوي متوفي وانا اصرف
على امي وخواتي الثلاث وحتى الجامعه ماكملتها
عشان اشتغل واصرف عليهم وضروف كثير صعبه بس ماودي اثقل عليك انا مدري ليش قلت لك يمكن عشان ماعندي احد اشكيله وافضفض له
وقرات امل الرساله وصعب عليها كثير وردت عليه تواسيه وشوي شوي الاوصارت تراسله ويراسلها وشوي شوي الاوهويقول لها وشرايك
تعطيني اميلك نتكلم على راحتنا واقنعها واعطته
وكان يكلمها بحترام يخليها تحترمه غصب ولحد
ماجاء يوم وقال وشرايك تعطيني رقم مبايلك ودي
اخذ راحتي معك وشوي شوي لحد ماقلها يوم فيه
كفي شوب توه فاتح جديد يقولون يهبل وشرايك
لونتقابل هناك واعزمك على عصير اوكبتشينوا
امل : يويو لا لا طبعا انت انهبلت مستحيل اسوي كذا عمري ماطلعت مع رجال اخاف مستحيل
الحزين دوم : وحتى انا ماعمري طلعت مع بنت
في حياتي لاكن انتي غيرتيني ومدري كيف ارتحت لك
امل : مستحيل اخاف احد يعرفني
الحزين : لاتخافين محد راح يعرفك بنخذ مكان
مسكر وبتوني متغطيه ولاتخافين حتى مراح اطلب منك تكشفين ولاشيء بس عشان ناخذ راحتنا وانا ودي اشوفك حتى لو بالعبايه تكفين
لاتكسرين بخاطري ترى تكفيني الهموم الي انا فيها
وكان كلامه مثل السحر وافقت ناديه وهي ماتدري شلون وافقت وراحوا للكفي شوب وطبعا
اول مره كان عند وعده لكن ثاني مره بدء يتطور
شوي شوي مثل الحيه في مشيها شوي شوي لحد
مادخل سمه ولدغها الدغه القاضيه الي تقضم ظهر اي بنت وبعدها اكد عليها انه عند وعده وانه قريب بيجي ويتقدم لها بس بعد مايجي من
سفرته لان عمه توفى وبيروح مضطر وبيرجع
بعد اسبوعين
صدقته ناديه وبعد اسبوعين حاولت تتصل عليه
لاكن تليفونه طبعا مغلغ وهالمره صارت هي الي
ترسله على الخاص وعلى اميله لاكن مافي رد
وكانت ناديه بتنجن وشو تسوي وين الوعد وين
العهد وين الكلام المعسول وين سهر اليالي وين
انه مايقدر يستغني عنها
وكانت تشكي لامل وتقولها صاروصار لكن ياترى امل بتنفعها الحين طبعا لا
وصارت تستناه على امل انه يرجع يدخل على المنتدى الي جمعهم وكانت زي الغرقان الي يتعلق بقشه
وبعد كم شهر طلع من جديد في نفس المنتدى وتعرفت على وحده من البنات وسالتها عنه وتمنت لو ماسالتها عرفت انه ماخلى بنت في المنتدى ما حاول يتعرف عليها وانه وانه وانه
خلاص خلاص مابي اسمع صرخت ناديه بس
كفايه
ونزلت موضوع في نفس المنتدى وكعادتها مواضيعا مميزه فنزلت قصتها هي معاه بتفصيل
وكتبت عليها قصت حياتي وكانت المفاجائه كثير
من الشباب ردوا عليها لوكنا في محله كان بنسوي كذا انتي الي سويتي كذا تحملي نتيجت
غبائك وكانت من اكبر المفاجائات انه من ضمن الي ردوا كان الحزين دوم وكان رده
والله محد طقك على يدك كله برضاك ولوانتي بنت ناس زي ماتقولين ماسويتي كذا فئذا بتلومين لومي نفسك ياحبوبه
هذي القصه من تاليفي اتمنى تعجبكم وتستفيدون منها وحبيت انصح كل فتاة انها ماتنخدع بالكلام
المعسول وانا في انتظارردودكم هالله هالله بالردود000000000الماهرات
21
2K
يلزم عليك تسجيل الدخول أولًا لكتابة تعليق.
الماهرات :
الاروع مروركم يالغاليات نورتوا موضوعي 000000الماهراتالاروع مروركم يالغاليات نورتوا موضوعي 000000الماهرات
سلم قلمك
الصفحة الأخيرة
تسلـــــــــــــــــــــــم الايادى ياااارب