السلام عليكم ورحمه الله و بركاته
بنات هاي أول مره أنزل فيها موضوع. وهو قصه ولادتي، أتمنى تستفيدوا و تتسلوا في نفس الوقت.
ولدت يوم ٥-١٠ . يعني قبل شهر ونص. طبعا حملي كان بعد سنتين إنتظار. كان معي تكيس وتعالجت وحملت مباشره. و استمريت على الجلوكوفاج ٤ شهور من الحمل. وكان عذاب. طبعا خلال الحمل ما ضل مرض ما صابني. المشيمه نازله. و إمساك حاد. و فقر دم. و البيبي قاعد. و و و .... و كانت نفسيتي زي العمى. ما أستحمل أي كلمه من أي حد. و أنا بالشهر الثامن إمي توفت الله يرحمها. و ما قدرت أشوفها. :44:زوجي رفض أسافر. لاني بامريكا.
طبعا وصلت التاسع و وزني زاد ٢٥ كيلو. و أنا قصيره كثير. يعني كان شكلي مثل البطه.
المهم وصلت التاسع. و كملت للاسبوع ٣٩. خفت أشرب قرفه أو أي شي من الخرابيط. و صرت أمشي و أركض لأن البيبي كان قاعد لحد ما لف راسه لتحت . فرحت كثير. و اطماءنيت إني بولد طبيعي. و قبل الولاده بيوم قالت لي صاحبتي اقرئي سوره الانشقاق بتسرع الولاده. وضليت أقرأ فيها طول اليوم. و ثاني يوم باليل الساعه ١٠ صحيت على ألم فضيع. و نزل علي مي. بس ما كانت صافيه. المهم بعد ما جهزت حالي طلعت بعد ساعه و كان معي طلق منتظم كل دقيقه. لما وصلنا المستشفى و فحصتني الممرضه قالت البيبي متبرز في بطني. وانا كنت متوقعه لأنه كان يتحرك في بطني بشكل مش طبيعي زي كانه بحرب.. نقلوني على غرفتي و كشفت علي الممرضه و قالت عندك توسع ٦ سنتي. و حطت لي سلك من تحت واحد بقيس الطلق و الثاني بقيس نبض الجنين لأنه مشبوك برأسه. و كان الكشف الداخلي من أصعب و أكثر الاشياء ألما في الولاده. المهم صارت الساعه ٣ الفجر و الطلق يجي كل ٣٠ ثانيه. و ما قدرت أستحمل الألم. و زوجي واقف قدامي يتبسم تخيلو أنا في إيش وهوه في إيش.:mad: قال إيش بخفف عني بالابتسام. طبعا طلبت وقتها إبره الظهر. إجا الممرض و أعطاني إياها. و بعدها كان كل الألم مثل الحلم. ضليت أستنى لحد الساعه ٨ الصبح. إيجوه الممرضات حولي، و قالو إن نبض الجنين بيجي و بروح، لانه تعب وهو يحاول ينزل في الحوض. و بلش يعفن راسه من البراز. و لازم عمليه مباشره. أنا ما استحملت وبلشت أبكي.:icon33: كان آخر شي بدي إياه إني أولد بعمليه. رفضت لكن الدكتوره ما سمعت لي. و أخذني على عرفه العمليات مباشره. هناك. كان بدهم يعطوني جرعه من المخدر تاع إبره الظهر. لكن لقو إن العمود الفقري رافع لأن جسمي ما قدر يتخلص من المخدر. وأذا اعطوني كمان راح أنصاب بالشلل. طبعا أنا ما عرفت هالشي إلا بعد ما ولدت. اضطرت الدكتوره تعمل تخدير كامل. و أذكر إني ما قدرت أتنفس. و حكيت مرتين للممرض يلي كان فوق راسي إني مش قادره أتنفس. و كان آخر شي شفته حتى وقتها. فكرت في نفسي إن هاد آخر شي بشوفه في الدنيا. و ما لحقت أذكر رب العالمين. حكتلي الدكتوره إنهم حطو لي انبوب في الحلق يساعدني على التنفس، و إني طول العمليه و أنا أتكلم بس مش مثل ما بحكي وصارت تضحك. أنا انخزيت وقلت يا رب إني ما حكيت إشي مش منيح. زوجي قال يمكن كنتي تدعي بالعربي لأنهم سألوني بعد ما صحيت شو لغتي الأم.
طبعا طفلي إجا ٤ كيلو،:04: و سحبوا بعد الولاده كل شي كان في بطنه و حطوه في المراقبه الحثيثه ٣ ساعات. لما شفته عرفته لأن شكله مثل ما كان بالسونار. ضليت في المستشفى ٤ أيام خلالها تحشرت السوائل في جسمي. وصابني غازات. كانت رجلي الوحده عن ٤ رجلين من السوائل. و بطني كأن بعدي في السابع. بعد بيوم قمت أمشي و كان أسوء ألم في الدنيا هوه ألم العمليه. أجبرت حالي على المشي. و ما رتحت نهائي حتى لما رحت على بيتي كانت حماتي ( إم زوجي) عندي وما كنت اتمدد على السرير إلا آخر اليل. عشان ما تضايقني بالكلام. طبعا اكتشفت بعدين إن المشي بعد الولاده القيصريه مهم جدا لأنه بمنع حدوث الجلطات خصوصا في القدمين.
نصيحه يا حوامل لا يزيد وزنكم خلال الحمل كثير. حاولو لا تاكلو كثير. لأن الوزن بعسر الولاده. طبعا أنا ما نسيت أدعي لكل وحده محرومه من بنات حوا إن ربي يرزقها الذريه الصالحه. و نصحيه إلهم، عيشوا حياتكم وانبسطوا فيها لأن متى ما ربي يريد ويجي البيبي، ما راح تناموا لا ليل ولا نهار. عذاب...عذاب...:time:
أخيرا أرجو منكم تدعو لأمي ربي يرحمها برحمته.. والحمد لله على كل حال حمدا طيبا مباركا فيه.
yosra00 @yosra00
محررة برونزية
يلزم عليك تسجيل الدخول أولًا لكتابة تعليق.
الحمدلله على سلامتك اهم شي صحتك وصحة البيبي والله يغفر لأمـــــــك وأموات المسلمينالحمدلله على سلامتك اهم شي صحتك وصحة البيبي والله يغفر لأمـــــــك وأموات المسلمين
الصفحة الأخيرة
اهم شي صحتك وصحة البيبي
والله يغفر لأمـــــــك وأموات المسلمين