قصه ولادتي بابني الثاني ربي يسهل ولادتكم مثل ما سهلهه علي

حبايبي كروشاتنه الحلوات شخباركم شلونكم ويا الحمل يارب يهون عليه وعليكم


انه من زمان حابه اكتب قصه ولادتي بس ولا صارتلي فرصه سبحان الله واليوم كلت لازم بنزلهه


هاي كان يامكان وانه بالاسبوع 34 عندي مراجعه عند الدكتوره ويوم كنت عندهاا شافت البيبي وقاسته وكالت البيبي كبير كلت كيف يعني كالت وزنه ماشاء الله يجي 4 كيلو



واني انصدمت وكتهه :( وخفت من الولاده وكلت ياويلي كبير واتخيل روحي اتعذب اخ الحمد الله على كل حال ورديت للبيت واني ابكي خايفه من الولاده لانه سامعه من امي انه الطفل قد مايكون صغير قد ما الام تسهل عليهه

وانه افكره بهالكلام رايحه راده بالبيت وادور حوالين نفسي ويوم رد زوجي من شغله شافني كاعده


بروحي بالغرفه والدموع اطنان اطنان اخترع حسباله الدكتوره كايلتي شي جايد


كلي عسى ما شر شكالتلج الدكتوره كلت تكولي البيبي حجمه كبير وانه على فكره من اول حمل يوم شافت الحوض كالت حوضج ضيق لا تخلين الببيبي يسمن خلي بالك على اكلك شوي

بس ولا زاد وزنه ولا شي لاني كنت بستفرغ على اقل شي بس بهذا صراحه كان لاستفرغ خفيف


وبين فتره وفتره وعشان كذه خذيت راحتي بالاكل ومكصرت وصار عند زياده بوزني كثير وثقلت من الشهر السابع وانه مافيني امشي

المهم قبل الولاده باسبوعين امي جت عندي عشان كلتلهه تعبانه وابي حد معاي طفشت بروحي

فمسكينه هيه ساكنه بعيد عني شوي جت عندي تمت معاي اسبوعين وقبل الولاده بيوم كنه معزومين فبيت اخت زوجي


ليلتهه تمينه عندهم لين ساعه 12 باليل وكمنه بنروح بيتنه كالت تمو عندي عتمو بستانس معاكم الصراحه امي وزوجي كالو مافيهه شي وانه ابغى تم بس فيني شي مانعني بحس اني بولد


فتعذرت منهه وردينه بيتنه ويومهه كنت تعبانه وريولي تعورني مره دخلت الحمام تروشت وسميت ونمت


وباليل صحيت على الم زي الم الدوره كلت مع نفسي يمكن ابغى حمام ودخلت الحمام واني جالسه حسيت في شي نزل مني يوم شفته كان سائل ومعى شوي دم عر فت انهى ولاده على طول طلعت من الحمام جهزت الشنطه حكي وحك البيبي والساعه كانت وكتهه 2 فجر

وشوي حسيت بالالم رد وكان حامي شوي وبديت احسب الالم يروح ويرد كل دقيقتين واكول وش ذا


المسافه بين الالم ماهي كثيره ويوم ابغى اوكف على ريولي ماني كادره الالم بيذبحني رحت صحيت


امي وكلت لها يمه ولاده مسكينه اخترعت واني خلاص موكادره صحيت زوجي وكلتله ورحنه طيران للمستشفى


دخلوني طوارئ وجات
الدكتوره المناوبه وشافتني وكالت في مويه دم كلت ايو في الاثنين والطلوق حاميه بتذبحني


دخلوني غرفه الكشف وامي وزوجي بره وانه بموت واكول يارب وطالع الساعه واشوفهه 3 وربع الفجر

سوتلي كشف داخلي وشافت الرحم فاتح 4 سانتي وكالت ولاده وعلى طول لغرفه التوليد


خلولي المغذي وجهاز نبض الجنين وبعد نص ساعه جاو يكشفو شافو 9 سانتي على ساعه 4 بالضبط الفجر

كالو خلاص الحين بوش وانه لامه ريولي على صدري وبدف وهمه بوش بوش


واني ماني كادره خلاص حسيت الحوض عندي بيصير نصين :09:

ودفيت يممكن 5 مرات واجه احلى وليد للدنيه ربي يخلي ليه ويخليلكم عيالكم على ساعه 4 وعشر الفجر الحمد لله الولاده ماطولت غير 3 ساعات تقريباا


بس حصلي شرخ واحتاجيت ل 16 خياطه وعملته بتخدير كامل الحمد لله والحين انه حامل ادعو ربي يسهل علي ولادتي ويرزقني البنت الصالحه


ويهون عليكم يارب ويعطي كل وحده الي تتمنى