قصه ولادتي بالتفصيل الممل

بعد ماخلصت التاسع تقريبا او باقي يومين واخلصه على حسابي طبعا لأن السونار متأخر بسبوعين تقريبا عن حسابي كان عندي موعد عند الدكتوره سنيه في الحبيب وكان حملي الأول وتقولي راح طولي ما ولدتي وانا بسافر بعد اسبوعين تقريبا فكنت ابغاها في نفس الموعد تسوي لي تحريض لأن الملل ذابحني والثقل:06: بس رفضت الدكتوره بحجه اني ماخلصت التاسع :32:وقالت اذا جاء الأسبوع الجاي مافيه ولاده سويتلك تحريض وجاء موعدي الثاني واناشايله هم الكشف وتكشف علي وبعد مده من اتحريض طلعت يدها وانتم بكرامه مليانه دم:( قالت اذا نزل عليك زي كذا ماتخافين ومفتوح 1ونصف وراحت تكلم مستشفى الولاده وتحجزلي موعد طلق صناعي يوم الأثنين طبعا طمنتني انومااحتاج تحاميل على طول مع الوريدبس بعد مايفتحوا مويه الراس وكانت كاتبه في ورقه هذا الكلام وعطتني اياها للموعد وكان هذا يوم الخميس وبعد الكشف نزل معي دم ومويات بس بين فترات متقطعه وطلق بس ماكان منتظم وجاء اليوم الموعود يوم الأثنين جهزت شنطتي وكنت خايفه ومهمومه وكان طول اليوم استغفر وادعي ربي يهون علي ورن المنبه على 6ونصف الصباح واصحي زوجي ونروح للموعد عطيتهم ورقه الدكتوره وجلسنا في الأنتظار تحت بعدين جت النيرس:43: واخذت اوراقي وطلعنا لدور الأول وجلسنا انتظار نص ساعه تقريبا جت اسستر ونادت علي طبعا مافيه غيري انا وزوجي في الأنتظار بعدين طلعونا لغرف الولاده بس حسيت ارجولي ماعاد اقدر اشيلها من الخوف اول مره ادخل غرفه ولاده لا وانا صاحيه مافيني آلم طلعتني لغرفه ولاده رقم 6 حتى مانسيت رقمها:32:وتعطيني لبس الولاده ودخلني دوره المياه وتلبسني بعدين عطتني حقته من تحت وحطت الجهاز على بطني بس كانت السستر مره طيبه وحنونه بعد ساعه تقريبا جت الدكتوره المناوبه كانت اردنيه اوسوريه وقالتلي تعليمات الدكتوره سنيه انولازم نفتح المويه ولازم ترخي جسمك عشان يكون الم اقل واستسلمت ومديت رجولي وانا من دخلت وانا ماتركت الأستغفار والحمدلله ماحسيت الا في الم يحتمل شوي بعدين قالت مفتوح الرحم 3سم وكانت الساعه 9ونصف بعد ساعه احس الم الطلق يزيد يزيد بالأخير طيران جابولي الكمام وبعد نصف ساعه عطوني ابره مسكنه مع الورك حسيت اني ارتحت شوي وكانت السستر تشوف اذا ارتفع مستوى الطلق حطت الكمامه بس اضيع شوي وترجع جت الساعه 12جت الدكتوره المناوبه وكشفت قالت مفتوح الرحم7سم استمر سبعه لحد الساعه 2بضبط واحس بعدها خلاص الموت قريب كنت اكتم صوتي ماابغى اصارخ بس بعدو عني الكمام وحضرت دكتورتي وكلهم بصوت واحديالله دفي دفي برافو كنت احس اني بعالم ثاني من شده الألم وانا يارب يارب بااعلى صوتي ويطلع ولدي حبيبي عبودي الساعه 2ونصف بظبط:04: بعدها حسيت كن كهرب ماسكني ارتجف من البردبس الحمدلله اولا واخيرا حسيت بعد ولادتي ان ربي رحيم بعباده ونو لازم نرجع مع ربنا ونشوف اعمالنا بعد ساعه من الولاده طلعوني لتنويم وطلعت يوم الأربعاء الظهر وكان المستشفى رائع بكل ماتعنيه الكلمه يستحق سمعته واتمنى من كل حامل الولاده السهله الميسره والحرص على الأستغفار فهي ثمره عظيمه ينساها الكثير من الناس اتمنى انو تستفيدون من قصتي وربي ارحم بعباده .