قصه ولادتي وتجربتي لابره الظهر

مساء الخيراااااات
حبيباتي اول شي الحمد لله رزقني ربي ببنتي والحين عمرها سنه ماشاء الله عروس
المهم زي اي حامل في الشهر التاسع ثقل وتعب وكنت ابغى اولد وماخليت شي ماسويته قرفه كف مريم ووووووو
بالاخير مليت وتعبت كلمت صاحبتي ولدت قبلي بشهر قالت انصحك بالمشي
وانا اشد الهمه واسويلي شاهي ومعجنات وووو واصحي ابو الشباب بعد الدوام ونطلع نتمشى
تقهويت بالحديقه وبعدها رحت في منتزه فيه شارع طويل قلت وقف نزلني هنا وجلست امشي امشي من العصر للمغرب ماوقفت
بعد المغرب انهد حيلي رحت جهزت عشا تعشيت وانتظر الالم ولا شي بس مغص اسفل بطني
رحت نمت صحيت الفجر صليت وصحيت زوجي للدوام قال مافي الم قلت لا روح الدوام ذاك الالم والتعب حسيته مافادني
وطلع زوجي واروح اسخن زيت زيتون وحبه سودا وادهن جسمي من راسي لرجلي واغطي شعري والبس شراب المهم اكون دافيه وتبخرت بكمون وقشر بصل ورحت دفيت نفسي ونمت
صحيت الظهر تروشت وماحس بأي الم
طبعا جتني كآبه قلت تعبي امس مافاد وقررت ماعاد اسوي شي
العصر كان موعدي دخلت عند الدكتورة المغرب قالت بكشف عليك قلت طيب وانا كان ودي اقولها سويلي تحريض وطبعا رحت بشتطتي العاديه على اساس موعد وتكشف علي قالت مفتوح ٤ سم ولاده
انا ماصدقت جلست ابكي خوف وفرح ورحت كملت اوراقي
دخلتني غرفه قبل الولادة وزوجي وولدي معاي قلت اعطيني ابرة الظهر بالرغم ماحس باي الم
قالت طيب شوي وراحت فكت مويه الجنين وبدأ الطلق وكان متواصل مو زي الطلق المعروف الم دورة بس قوي واعطتني مهدئ كنت ادوخ منه وبس مفعوله عشر دقايق وبعدها كشفت قالت مفتوح ٦ قالت الدكتور بيركب الابرة وركبها طبعا هي بس ابرة بدون انبوبه مدري كيف صراحه
المهم بس دخلها حسيت مويه باردة بظهري وشوي رجلي تخدرت وماعاد احس بشي
قال الحين في طلق قلت ماحس بشي
وعلى طول جت الدكتوره ركبت ستارة عند بطني وماعاد حسيت بشي ونمت نومه حلوة وشوي قالت شوفي بنتك طبعا بدون دف هما يضغطون البطن
وخيطتني طبعا سويت تجميلي وطلعتني التنويم
كان كل شي حلو واحلى ولاده اليوم الثاني طلعت وتعب بعدين من الخياطه لانها شدتها والله الم لايطاق جلست لين خلصت الاربعين الخيوط ماطاحت والحمد لله ربي يسر وسهل علي
وهذي قصتي ادعوا لي ربي يخليلي عيالي