قصه ولادتي وحسبي الله ونعم الوكيل عليهم

السلام عليكم كيف حالكم ان شاءالله بخير
كنت اتمنى متى اكتب قصه ولادتي والحمدالله هذي اللحين اكتبها لكم
مدري كيف ابد بس معليش تحملوني اذا لخبطت لن كل بالي مع وليدي الله يشفيه ويطلعه بسلامه ياارب :icon33:
كان موعد ولادتي يوم 14|4|1431
المهم قبل اسبوع قالت الدكتوره خلاص لاتجين لمي اذا جتك طلوق خلاص روحي للمستشفى اللي بتولدين عنده قلت خلاص طيب المهم جلست اسبوع ونص مارحت جا يوم الجمعه جلست اصيح على زوجي الا بنطلع قبل الولاده وبتكون اخر طلعه المهم طلعنا ونتمشى وبعدين فجاءه طلع جواله ويدق على المستشفى قال ابي موعد بكره عند الدكتوره ساميه انا طارت عيوني قلت وش عندك قال بنروح نشوف وش تقول ويعني يصير عنددها تقرير قبل ولادتك قلت خلاص الي تشوف ولا ماكان عندنا نييه ابد نروح الا اذا جتني طلووق
المهم جا يوم السبت الصباح الساعه 10 ونص واروح لموعدي وادخل على الدكتوره وجلست تسالني متى اخر دوره ومن هالكلام المهم شافت وزني والضغط قالت انسدحي بسمع دقات قلب الجنين قلت طيب المهم انسدحت جابت الجهاز تقلب يمين يسار وتغير وجهها قلت خير دكتوره قالت لالالالالازم اللحين تسوين سونار بسررعه لن الدقات القلب عندي مو واضحه انا هنا جتني صدمه لن قبل متوفي لي اثنين وجتني روعه خفت انه يموت :icon33:

المهم ونطلع للاشاعه قال مافيه الا بعد ساعتين اجلسو بالانتظار قال زوجي حاله طارئه قال مقدر اجلسو بالانتظار زوجي عصب رجعنا لدكتوره قلنا يقلون مافي الا بعد ساعتين قالت لالالا اللحين وقامت جابت ورقه وتخطط فيه وتحط دوائر قالت اللحين عطه الورقه ويدخلونك على طول رجعنا وعطينه الورقه قال اجلسو شوي جلست اللين الساعه 11 ونص وندخل الاشاعه وتجي الدكتوره حقت الاشاعه وتسوي اشاعه وتحط حق دقات القلب وتوخر الجهاز قالت اللحين عمليه بسررعه قلت وش لون توي مفطره قالت مو مشكله بسررعه البيبي دقات قلبه ضعفت :32:
ونطلع لدكتوره قالت يالله اللحين لازم تسوين العمليه ويرقوني فوق ويحطون تخطيط القلب قالت خلاص دقات قلب بيبي مافي كويس ويجون الدكتورات كلهم وانا جتني حاله حسبي الله عليهم هبلوووني قلت اللحين ولدي بيموت بسم الله عليه
قالو لزوجي لازم تسوي اجراءت الدخول ونزل زوجي تحت وانا بسرعه دخلوني غرفه العملياات الساعه 1 الظهر
ويعطوني بنج ومادريت عن نفسي الا يوم قومني الساعه 3 الاربع قال يالله يا ماما قومي ولدتي جبتي ولد قلت كويس بيبي قال ايه كويس قلت الحمدالله والشكر يارب المهم ويطلعوني لغرفتي ويجي زوجي قلت الولد طيب قال ايه توي شفته يصيح قلت الحمدالله ياارب
قال تدرين اني نزلت اسوي اجراءت الدخول يوم رقيت جابو لي الولدد قالو هذا بيبي انت يقول قلت خير متى ولدتوها قالو الحمدالله نقذنا الجنين
المهم وينادون زوجي يروح لهم قالو البيبي تعبان لازم نوديه للعنايه قالو احتمال عنده عيب خلقي وحتمال عنده صمام واحتمال عنده ثقب قال زوجي كيف قالو لازم ندخله العنايه قال خلاص دخلوه المهم جلس 3ايام كل يوم يقلون لنا شي حسبي الله عليهم هبلو بالواحد :icon33::icon33: وجتني ضقت صدر قلت لاحول ولا قوه الا بالله
راح زوجي لدكتوره قال اللحين يادكتور كل يوم تقلون لنا شي علمونا وش فيه الولد
قال شف بقولك الولد ماعرفنا له ولازم تنقله للعسكري ولا لتخصصي هناك عندهم جراحين قلب وجلست ولدك هنا مالها فايده لن ماندري وش فيه المهم جلسنا ندور واسطه ندور علشان ندخل الولد للعسكري والحمدالله لقينا واسطه ودينا الولد للعسكري وحطوه بالعنايه وشافه الدكتوره قال انا حاليا اشوف الولد مافي شي بس بسويله تحاليل واشاعه ونشوف بس هو عنده دقات القلب سريعه شوي قال زوجي يقلون معه صمام مايل شوي قال الدكتور اشوف الولد طبيعي بس بسوي له تحاليل واشاعه ونقرر يوم السبت
زوجي شويه بتجيه حاله نفسيه لن حسبي الله عليهم روعون مستشفى دله الله لايوفقهم :icon33:يهبلون بالواحد
ادري طولت عليكم
بس بناااااااااات الله يجزاكم خير ادعو لولدي بكره تطلع النتايج الله لايخيب رجاكم يااارب ادعوله بهالجمعه قلبي متقطع عليه الله يشفيه ويخيب ظنهم يااارب :(