قلبي بينقطع على امي وعيالي اعطوني رايكم

انا كتبت موضوع قبل اني ابي عيالي بس حابه اكتب هالمره التفاصيل ابي افضفض ابي اراء ابي ناس ترد علي



زوجي عاطل عن العمل من اربع سنوات

وهذي الاشياء صارت لي معه في اوقات متفرقه من الاربع سنوات

مره في اليل مت جوع المطبخ فاضي واقوله جيعانه قال ماعندي فلوس دقي على امك تسلفنا اجل تسلفنا وانت نايم لاوضيفه ولا غيره انا استحيت نمت جيعانه لاول مره في حياتي وقلت مو مشكله عشان عيالك اصبري واليوم الثاني دقيت على اهله ارسلو لنا من غداهم

مره قلتله انا شاكه فيك انك تاكل حبوب مخدرات راح جاب حبه قدامي وقال لي انا مو خايف منك وبلعها قدام عيني قصده اعلى مابخيلك اركبيه وماتقدرين تسوين شي

ومره نشب لي جايب افلام اباحيه وفيديو ويشغلها لي يقولي ناظري تابعي عشان تتعلمين وتطاقيت معه لاني مابي اشوف هالاشياء والله ذاك اليوم ارتعت من الي سواه انا يبيني اناظر افلام اباحيه حسبي الله عليه

هجيت منه


واخذت عيالي معاي


اعمارهم سنتين وثلاث سنوات بنت وولد


بقولكم وشو صار




امي ساكنه لوحدها مع شغالتها وزوجها مايجيها الا يومين في الاسبوع



طبعا زوجها مو ابوي انا ابوي متوفي
ولا عندي اخوان

قالت امي بفعل خير واسكنه معي هو وبنتي وعيالهم لين يلقى وضيفه

كانت امي بتطير من الفرحه واحنا عندها لانها تحب عيالي تلعبهم وماخلت شي ماشترته لهم احلا ملابس والعاب وكل شي جابته لهم والله اني اقولها ابي علبة حليب تجيب بدل العلبه خمس علب وبدل البامبزر الواحد تجيب عشره وهو نااااااايم يناظر مستااانس ومنسدح

اعطتنا في بيتها جناح صغير غرفه نوم وغرفه لعيالي صغيره ودورة مياه وباقي البيت مشترك الصاله والمطبخ

وكان ماخذ راحه في البيت على الاخر يدخل ويطلع براحته ومزاجه

واشترت له سياره لان امي عندها فلوس الحمد لله ودفعت له قيمة سياره عشان يروح فيها يدور وضيفه



يوم شاف امي عندها فلوس


والبيت كبير


وزوجه وعيال



وكل وسائل الراحه متوفره


حتى في بيت اهله يحلم بالي شافه في بيت امي


راح وشو سوا



صار يطلب دايم فلوس



امي ملت وهي دايم تعطيه


كل شي بفلوس امي


اكله وشربه ودخانه وبانزينه وحتى جاب من فلوسها لابتوب وجولاات وكل ماخربت السياره يطلب تصليحها

انا بديت اتضايق واعصب من هالوضع

واذا شافني معصبه يهدنني باخذ عيالي وبمشي وتحلمين تشوفينهم

صار جريئ مايستحي من احد

قدام امي يطلب مني الفراش مايحترمها ابد


وبدا حاله يروح من ردي لااردى

جارنا اشتكى منه انه تحرش بشغالتهم راح طقه عند باب بيتهم وراحو الشرطه وكل الناس درو عن هالسالفه ان زوجي تحرش بشغاله وطق شايب تفشلنا مره من هالسالفه وهو ينكر يقول مالمست الشغاله حقتهم

امي ملت قالت ماعد فيه فلوس



قال لها في وجهها ياتعطيني فلوس يا ببهذلك و ابهذل بنتك يعني ابتزاااااز امي ارتاعت منه وماتت قهر انه عقب الي سويته معاك تسوي كذا

صرنا نخاف منه لاني انا اصيح على عيالي مابي ياخذهم مني وانحرم منهم امي صبرت عشاني

قام تمرد علينا


صار يقول لامي دايم الكلمه الي بحرف ق اكيد عرفتوها وقالها لي بعد مره

وجا مره سكران


وتحرش بامي جنسيا بس امي صرخت عليه وخاف

وعلى هالحال اربع سنوات

الين الله الحين في رمضان رزقني بوضيفه

طلع اسمي اكون معلمه مع الدفعه الثالثة الي الحين في الديوان

لكن برا الرياض في منطقه فيها اخواني من ابوي وزوجة ابوي

قال مافيه روحه

واخذ عياله وراح بيت اهله


وعنده الحين عياله



رحت اشتكي في المحكمة طلبت طلاق وحضانه


راحت محكمتنا الجميله صكتني موعد بعد خمس شهور في اخر يوم من شهر محرم

وهو يوم درا اني طلبت الطلاق راح عقبي بيومين


تخيلو يابنات عقبي راح المحكمه يطلب بيت الطاعه يبي يسحبني من بيت امي ويشتكي اني بسافر يبي يمنعني من الوظيفه

اعطوه المحكمة الجميله موعد بعد العيد بالضبط يعني نفس الوقت الي انا لازم اكون فيه في المنطقه الثانيه اسوي اجرائاتي حقت الديوان

وجايب لي اوراق الاستدعاء


ادري كلكم بتقلون


وين الرجاجيل


اولا
زوج امي كبير مريض تعبان وعنده عيال في بيوت ثانيه وحرمتين غير امي وموب فاضي لمشاكلي مع زوجي ولا يقدر يتطاق مع شاب وامي ماتدخله بشي




ثانيا
اخوان ماعندي الا من ابوي وفي مدينه ثانيه ومالي اتصال معهم ولا يتدخلون بشي


ثالثا
خوالي ماعندهم الا كلمة روحي المحاكم


انا صايره افر هالمحاكم بالتكسي اطقها رجليه في ذا الحر الصباح وانا صايمه وسبحان الله لو ماعند امي فلوس كان مقدرت اروح بسواقين وتكاسي في اليوم الواحد اخسر تقريبا ميه ريال حقت الفرفره من دائره لدائره


بس صابره عشان عيالي الصغار ابيهم


وابي الفكه من ذا الرجال




يعني الحين مدمن مايصلي ياذيني ماينفق علي مايشتغل يقذف ياذي امي


ويوقفون معه الحكومه لييييييييييييييييييييييييييييييييييييييييييييييييييييييييش



بتضيع وضيفتي بسبته وسبت الحكومه كله عشان انتي على ذمته للحين وبيت الطاعه وسخافات



حسسسسسسسسسسسسسسسبي الله ونعم الوكييييييييييييييييييييييييييييييييييييييييييييييييل


---------------------------------

اضافه جديده/

بنات تو واحد من اقاربنا يقول ان زوجي عنده واسطه في المحكمه

عشان كذا كتبو له موعد بيت الطاعه بعد العيد

وانا الي طالبه طلاق قبله اعطوني بعد خمس شهور

يالهي ماهذا الظلم


وبعدين وشو بيت الطاعه ذا يبيون يرجعوني له المحكمه غصب ويضيعون وضيفتي والا وش السالفه؟؟؟؟؟؟