قوادةالسواقين للشغالات ببيوتنا ساعدوني

السلام عليكم ورحمة الله وبركاته

صباح الخير:

بصراحة الموضوع عاجل ومخيف انتشر بالاونه الاخيرة قوادة السواقين على الخادمات سوا كانو بنفس البيت او ببيوت الجيران او الخادمات الهاربات


لاكن الي حصل مني وابيكم تساعدوني بمشكلتي ماني قادرة انام منها

امي الله يهداها مالها غير رايها مهما نصحتها كانت الوالدة تخلي الشغاله تنام بالملحق لوحدها ونحن ننام بالبيت يعني الملحق والحوش لها بالليل

وغير كذا امي مدلعتها معطيتها تلفزيون وسيفر قنوات فضائيه انا اعترضت على امي وتساهلها مع الخادمه وتدليعها لحد التخريب لاكن امي تخاف من الشغالات يهربون او يقولو سفرونا امي شديدة الوسوسه والخوف منهم لدرجه غريبه

بعد مضي وقت طويل ونحن ياغافلين لكم الله اختلف السائق مع الخادمة ومادرينا ذاك اليوم الاهو ماسك اخوي الصغير ويقول له:

ان هالشغاله باليل تدخل رجاجيل ببيتكم وانتو نيام واكثر من واحد تعرفه طبعا امي من ذكائها الخارق خلته يواجه الخادمه وطبعا انكرت امي ماسوت لها شي ماعدا انها دورت باغراضها ولقت جوال وكل ساعة يرن اعتقد هذا دليل صدق السائق

لاكن لفت انتباهي كلمة قالها يقول السائق : ان انا اقعد بالسيارة الي لم الباب الي تفتحه وتدخل الرجال البنقاليه
يقول احاول امنعهم بس ماقدرت

هذي السالفه بعد يومين وديناها
لاكن المساله ماتوقفت عند كذا عقبها بيوم من روحتها الله ياخذ روحها قوقلو امين يارب فك السعودية من شرها

عقب بيوم من روحتها قلبي نغزني ورحت ازلج البيبان الي كانت لم قسمها وبعدها بدقيقتين دوبني داخله الفله

الا واسمع الدريشه تنفتح واطل بشويش ابدخل غرفت امي اشوف من بيفتح الدريشه غريبه الا واشوف ايد سودا وجبهة سودا وشعر اسود يوم شفت هالمعالم طرت لامي بالمطبخ اعلمها اقفل باب المطبخ

بعدها رحت وخبرت اخوي نزل ودورنا مالقيناه قالي اخوي يمكن تتوهمي لاكن قالت اختي انا سمعت احد يسكر الدريشه

يعني الاخ دورها مالقاها لاكن ليش فتح دريشه غرفت امي ابي افهم يعني ممكن انه يهجم باي فترة بالبيت يمكن يغتصب ممكن يقتل ممكن يسرق

وش الحل ياجماعة ؟

والسائق شاكه بانه هو القواد عليه ويوم اختلفو بالفلوس اختلفو وعلم عليها انا شاكه بكذا وقلبي دايم مايخيب احساسي

انا خايفة منه وخصوصا احس انه السكني له علاقه بسواق خالتي وسواق خالتي له اكيد علاقه بخدامت خالتي

وخدامت خالتي الله ياخذها قد قبل يومين شافتني بفستان وناظرتني نظرة مو كويسه بغيت اعطيها كف على عيونها لولا احترام لخالتي وحسيت ان نظرة شغالت خالتي انتقلت بغضون يومين لعيون السواق حقنا وش الحل مع هالسائق؟

وانا اشك كمان لو فتشت غرفته راح يلقو اشياء ممنوعه ودي تفتش من قبل شرطه بس خايفه ياخذو راعي البيت بدل ماياخذو السائق الي عايش بالغرفه؟


شالحل لهالمشكله الي بدتت تتفشى بالمجتمع السعودي ونحن ياغافلين لكم الله ؟


بالله دلوني هالشرطه لو اعلمها بااستفيد شي ولالا ؟

من اعلم على الاقل وش اسوي احس السائق له يد بالجريمه قلت لاامي سفريه عيت؟ وقلت لها خليه ياخذملابسه ويروح يدور له على عزبه هنود او يدفع فلوس لسكنه بهالغرفه امي عيت وعصبت قالت هو يقول زيدو راتبي وانتي تقولي سكنه بفلوس

انا قصدي حسسوه براتبة وانه يحترم اهل البيت الي اهم فية؟


دلوني ياجماعة الخيرة مو قادرة انام خايفة من شرهم الله ياخذهم؟

وش الجهة المعنية بمثل هالامور ؟


جزا الله كل من تعطيني حل خير الجزاء والله يستر علينا دنياء واخرة هذي اخرتها بنفع دم قلوبنا لهم ونجيبهم وندربهم ومانلقى الا الاجرام بديرتنا


حسبي الله ونعم الوكيل عليهم وعلى من كان السبب في جلب العماله البنقالية واليمنيه الله حسيبة