قولولي شقول لزوجي

مرحبا بنات حواء

ويا كروشات الله يسهل علينا جميع ويخلي لنا اعيالنا قولوا امين

بنات والله مدري من اشكي له من بعد ربي غيركم

مدري هالمشكلة بس عندي والا عندكم بعد

المهم انا عندي ولدي عسى ربي يخليه لي ويخليني له المشكلة اني على وشك ولادة

اولا بنات اخذوني على قد عقلي والله يابنات اني ما انام الليل بس افكر بولدي وابكي ما ادري الله راح

يكتب لي عمر واعيش واشوف ولدي يكبر قدام عيوني وافرح بمولودي الجديد او ان الله ياخذني ولا

ادري من عقب عيني وش حياته بدوني والله يابنات اني لمن اطلع مكان مرات ادق اسأل وش قاعد

يسوي نام اكل شرب وما ارتاح الا لمن ارد لدرجة مره سافرت اتمشى انا وزوجي وتركته عند امي

الله يخليها لي والله من اول ما ركبت السيارة وانا ابكي وما حبيت ابين لزوجي عشان ما يتنكد بس لمن

وصلنا الفندق قعدت ابكي بدال لأكون فرحانه وحلف زوجي انه ما عاد يسفرني

المهم ما اطول عليكم كيف اقول لزوجي اذا الله ما كتب لي عمر يترك ولدي عند امي تربيه لأنها تغليه

وادري انه بيعيش عندها بإذن الله سعيد وما في احد أءمنة اكثر منها عليه

ادري اذا قلت له بيعطيني كف بقرب شي عنده ويقول خلي هالخرابيط عنك هاذا اذا تجرأت وقلت له لأني

ماراح اقدر اتكلم كلمه وحدة من البكي اعرف نفسي

دلوني تكفون ياخواتي على طريقة اوصل لزوجي فيها هالكلام لاني ما راح ارتاح الا لمن اوصله

ومقصدي ابي اي شي يفتح لي بداية الموضوع بس

ادري ان بعضكم بيقول اني مكبره الموضوع بس اقول لها عساك ما تجربين اللي انا جربته من

هم وخوف اني ممكن افارق باي لحظة اعز شخص لقلبي من بعد الوالدة الله يطول بعمرها