قولو الصراحه من الحق معه معي ولا مع زوجي

ماطول عليكم ياحلوات بدخل في السالفه ع طول زوجي كان حبوب وعسل بس صار له فتره متغير علي وكنت ساكنه بعيد عن اهله ومرتاحه احترمهم ويحترموني وحس انهم يميلون لي اكثر من حريم اعيالهم وفجاه قررت الام تترك بيتها وتسكن بحارتنا بصراحه انا تضايقت لاني عارفه القرب ماوراه الا المشاكل وخاصه ان بناتها معسكرين عندها يوميا وكل وحده معها جيش اطفال وقررت اني امشي حياتي وتنازل درءا للمشاكل والمشكله الكبيره في زوجي نفسه معاد صار يجلس معي بس مطيح عند امه وخواته وصارو يعرفون تفاصيل حياتي ان طلعت ون دخلت ون جاني احد وبناتها ماشاء الله يسافرون ولا ادري عنهم الا بعد مايجون ونا العكس مااسافر الا بتوقيع رسمي من امه وطبعا تعرض الموضوع ع مجلس الشورى اللي هم بناتها وينتشر الخبر والكل يعرف قبل مااروح لدرجه انها كم مره تتفركش من عيون الناس واذا قلت له لاتقول قب في وجهي وقال هذي امي لازم اقول لها طيب انا لي خصوصياتي ليش انا ماادري عنهم وهم يع فونر كل شي عني نجي للمشكله الثانيه الام يجيها دايما ضيوف وما تناديني واقسم بالله اني ماازعل وقول ع راحتها وحتى بنا تها وخواتها يجتمعون عندها ولا تناديني مع انها عارفه اني لوحدي في البيت وقول ماعليش من حقها تاخذ راحتها ومن بكره اصلح قهوتي واروح لهم وسال عن اخبار ضيوفهم عشان مااحسسهم اني زعلانه لكن انا العكس زوجي يقول نادي اللي تبين بس امي الاوله ومن اسبوع عزمت اهلي وعماتي ثنتين جو مع امي ودخل وشافهم وقعد يهاوشني ليش ماناديتى امي كلميها ولا طرت امك من البيت قلت امك تجي دايم وحطها فوق راسي بس ماني مجبره اناديها كل ماجاني ضيوف ولو ع امه ماعندي مشكله بس اذا نا ديتها تسحب بناتها وهم يسحبون بزرانهم وينقلب بيتى رياض اطفال طيب ليش هم ماينادوني وكل مره اتغاضى وقول معليش بس معاد اقدر اضغط ع كرامتي اكثر من كذا واللي يقهرني زوجي لانه متحيز معهم وماعمره قال نادوها لان خواته شخصيتهم قويه ويقوون امهم مهوب هذا ظلم لدرجه اني في دوريه مع خالاتي وتركتها لانهم مايبون احد معنا ولا ينادون احد معنا الا انا حتى بنتها عازمه اهلها وعماتها وكلمتها صدفه وما عزمتني صرت اكره زوجي وكره اليوم اللي جابهم عندي والله يابنات اني اكتب ودموعي ع خدي وكثر ماجرحني كلامه وصراخه علي والضيوف عندي اذا ماكلمتيهم طردتك انتي وياهم مع انهم صار لهم اكثر من ست شهور ماجوني وامه الاسبوع الماضي والمشكله انه مصر ع ان الحق معه وهذا طبعا من تاثير خواته يعطونه دروس خصوصيه في حق الوالدين وش رايكم يابنات من الحق معه قولو الصراحه وش موقفكم لو كنتو مكاني