قولو لي شسوي ( المتزوجين يدخلون بليز والمخطوبات )

السلام عليكم

مشكلتي باختصار بيني وبين واحد خاطبني

صارت شوفه شرعيه وصار فحص الدمـ

وصار تحديد المهر

وكلمته من بعد المهر وصار لنا ثلاثه الايام

بس من كلمته واحس روحي معتفسه

ان كونت عنه فكره باشياء قالها يوم المقابله والحين احس روحي اتعامل وي شخص ثاني غير اللي عرفته في المقابله

مع ان ماجفت ملامحه عدل في الشوفه الشرعيه بعد ان كنت ابعيده وايد

ومااخذت وعطيت وياه لما تكلم في المقابله

يمكن ان بس عشر دقايق

ونبذه بسيطه عن نفسه وانه تكلمت قليل اما اهو اكثر

انه كنت مستحيه ومرتبكه وايد وان كان اول مره في حياتي اقعد وي صبي في مكان

واتكلم هل المدهـ

والحين اكتشفت اشياء اصدمتني فيه

بعد تحديد المهر والعزيمه

لدرجه حاسه بعوار بقلبي مو طبيعي من الصدمه

ومتخوفه ان استمر وياه اكثر وان مابي يصير عقد قران

لان حتى الفحوصات خلونا انعيدها وتوتر وتضايق وانه كنت عادي

ووايد يكبر المواضيع بيني وبينه ويدخل عمته وامه

وتعنفس الدنيا فوق راسي

يعني يسوي شي من ولا شي

وكلامه كل فيه تناقض واحسه فيه جذب وخداع

وغير هذا يحط صوره على الفيس بوك وضايف بنات

وزل لسانه حتى اعترف لي بشي انصفعت

يامتزوجات ومخطوبات قولو لي شسوي تكفون

والله قاعده اموت من الصدمه

احس اختنق والله

وخصوصا سالفه الفيس بوكـ

قال في المقابله بسوي يوزر ثاني

والحين يقول يوزري واحد ولا غيرته

وحذفي اي بنت انتي ماتعجبج

واعترف ان كان ضايف بنات مب اوكي وحذفهم بعد ماتقدم لي

وغير هذا احس روحي الشك داخل فيني

بدل مااتقرب منه مثل مايبي

قاعده ابتعد وانفر منه ان مادري ساعدوني

ويقول بعد فيه وسواس

واكثر شي اعانيه ان لما جفته في المستشفى

صادني نفور منه وماعرفت اخذ واعطي وياه وانعفست حدي

قلت شلون راح اكون وياه بعدين

وان يعني اكيد بيعصب لو استمريت وياه على هل الحال

وشي ثاني راح تنعاد المقابله اليوم

ضروري اللي اتمر تعطيني رايها

قبل المغرب

ولكم جزيل الشكر

وراح اتابع ردودكمـ

واسفه لو كلامي ملخبط والله من الضيق والهم الزايد اللي فيني

انه وحده مابي يسوي لي مشاكل كل شوي وراي دراستي

واختار دراستي طبعا

وادور راحه بالي