قويات الشخصية واللي لهن أعداء كثير يجون ينصحوني بحاجة لنصيحتكم تكفون

السلام عليكم
بنات بدخل بالموضوع دغري
شوفوا مشكلتي تكمن في إني إنسانة ما أقدر احط راسي على المخدة أنام إلا وأنا ضامنة محد شايل بخاطره علي

قبل اسبوعين تهاوشت مع صديقة لي وهي من بدأ بالخطأ ، علماً بإنها أكبر مني بـ 6 أو 7 سنوات تقريباً

حنا ندرس بالجامعة وكلنا غير متزوجات ، ودايم هي تشوف نفسها الصح وأنا الخطأ

المشكلة مرة تافهة سببها الواتس ، كانت حاطة صورة عرض بها رجال وانا استغربت مو من عوايد خويتي تحط رجال سألتها من باب إن الميانة بيننا طايحة مين هذا ؟
ما ردت علي وغيرت الصورة ، إلا واليوم الثاني قلت لها ما رديتي علي ؟ (صراحة الولد وسيم حسبته أخوها لكن ما علمتها باحساسي) لكن قامت علي تهاوشني تقول وانتي وش دخلك هذا مين ؟ حتى الصورة ما سلمت منكم ؟ وكبر عقلك وعيب عليك هالحركات !!!!

المصيبة يا بنات ما قلت لها شي مجرد سؤال وسألته من باب الصداقة ، مو معقولة ترد كذا !! :confused:

المهم انصدمت بالمرة منها وجرحني اسلوبها
تلفظت علي تقول (طسي ، وحنا تافهات ، وزي كذا)
رديت عليها انتي وقحه وراه حظرتها

فكيت الحظر بعدها بيوم ، وجت تتلفظ علي ، تقولي احمدي ربك ادافع عن غيبتك قدام فلانة وعلانة وانتي ما تستاهلي والمرة الجاية ماني مدافعه
قلت لها جزاك عند ربك مو عندي يوم انك تدافعي عن غيبتي
تقول انا قايمة فيك وما فيه احد من صديقاتك اللي تعرفيهم قايم فيك غيري وانه انتي وكل البنات تخاونووني عشان المصالح
والمصيبة اني يارب لك الحمد انا اللي اخدمها مو هي وعمري ما طلبت منها شي ، بالعكس هي اللي تطلب مني :eek:
انا مرة انجرحت من اسلوبها
وتعايرني بمعدلي وهي ما تعرفه ، بس لأن تصير لي ظروف واغيب كثير تقول من غيابي مو شاطرة

ودايم تسألني عن معدلي بس ما اعلمها :hahaha:

المهم بيوم المشكلة اتصلت عليها بكلمها تعبت من الكتابة بالواتس راحت هاوشتني تقول (حلي عني ما عندك كرامة اهاوشك وتتصلي اوووف)

وطبعا هنا ارتفع ضغطي منها وتهاوشت معها ما قدرت اصبر
بس الهوشة كلها بالواتس
شفتها بالكلية بس حقرتها ، والبنات مستغربات ما حنا مع بعض

المهم الزبدة هي تتحرش فيني بالحالات والصور بالواتس وانا مرة مقهورة امي تقولي طنشيها وان المشكلة اساسا تافهه ، انا قلت لا مو تافهه تجرحني وتنكر جميلي وتهينني وتقول ما عندي كرامة وتقولي تافهة ؟؟

المهم انا اللحين طنشتها زي ما قالت امي
بس تعبانة نفسيا ما تعودت احد يزعل مني او يشيل علي ، هي اللي غلطت علي مو انا ، ومع ذالك ماني مرتاحة
حاسة اني انا اللي غلطت ، كيف اتعامل مع هالأشكال هذه ؟
دلوني تكفون ؟ وين قويات الشخصية يجوني ينصحوني ؟؟
ودي امحيها من حياتي ، بس خايفة ما تعودت احد يزعل علي وما اعتذر منه ، بس هذه هي المخطية مو انا كيف اشيل هالاحساس القذر ؟؟
وابي كمان طريقة تخليني احس ببرود ما ابي اصغر عقلي واغير صوري وحالاتي مثلها لأن كلامها بالصور والحالات مرة جارح ، وعلى فكرة تروها لئيمة ، تحظرني وراه تفك الحظر تحط صور وحالات عشان أقدر اقرأها ، وراه ترجع تحظرني

ما توقعتها كذا صراحة ، انا مرة انصدمت فيها