قيآم الليل والسعآده

السلام عليكم ورحمة الله وبركاته
انآ اول مره انزل موضوع كذا من كلآمي من تجربتي
وكآن رد لي بس حسيت انه محد مستفيد الا لمآ احطه بموضوع وزودت عليه

اخليكم معه ..


انآ لي اكثر من شهر مدآومه على قيام الليل
يوووه يآبنآت مآتصورون اششياء ككثير تحققت لي
صح انآ بنت ودعآي على قدي لكن كآنت مضيقه صدري
بس سبحآن الله استجيبت كثثثثثثثثثثير منهآ
وكنت اتوكل على ربي بعد مااخلص اني ربي باذن الله بيستجيب دعاي
ووالله من ضمن ادعيتي مآ اشرقت الشمس الا وتحققت
وكككثير اددعي بسعادتي بالدنيا والاخره وصدق كل مال اشوف الددنيا بسعادده
الله لايحرمني ولامنكم سعادة الاخره يارب ..

تعلقت بالقيآم كثير انتظر متى يجي وقتهآ عشآن اقوم اصلي
ويضيق صدري لآ جآني العذر ابي اقوم اصلي اركع اسجد
موب بس ادعي وانا جالسه
احس برآحه نفسيه لا صليت ودعيت
احس بطعم ولذه خآصه بقيآم الليل
اقوم من نومي وانآ بسعآآده وانآم وانآ سعيده
حتى خلتني اتمسك بالتزآمي بديني
وبعض الاشياء المحرمه مثل سمآع الاغاني او غيبه كنت احآول
بقدر استطآعتي اني مآ افتح لهآ مجال وربي اعآنني
وكنت ادعي بكل شي البسيط والصعب لأني تحت من له هذا الكون كله ..

اول كآنت امي تقولي عنهآ اصلي يومين بعدين اهون اقول ولا شي تحقق
بس هالمره لا قلت بدآوم وسبحآن الله شفت العجب فيهآ والسعآده


بقولكم شي من دعآئي استجيب ..
انقطعت علاقتي مع رفيقتي القريبه مره لي مثل اختي
يعني كل شي اقولهآ لهآ لكن لظروفهآ انقطعت يمكن حول اسبوعين
انا مره ضاق صدري ولو بشكي لاحد من اللي عندي عن رفيقتي بيقول ( تشش هذولي الصديقات )
قلت مآلي الا الدعآء وشوله اقول للعآلم وهم موب فايديني بشي ودعيت ربي لي صديقه
احببتهآ فيك لا احب فراقهآ ولكن ظروفهآ انت اعلم بهآ فردهآ لي ولا تفرق بيني وبينهآ .....الخ
والله بنآت خلصت القيام وصليت الفجر وعلى طلعت الشمس الا تجيني رسآله منهآ
اعتذآر على انقطآعهآ ورجعت علآقتنآ مثل اول وازين ..

وصح بتضحكون على دعاي لكن بحكم صغير سني هذا اللي يضيق صددري
هذا الدعآء اللي سرريع استجىب لي والحمدالله لك يارب ..
هذآ من غير السعآده اللي جتني بعدهآ
وطآعتي بوآلدديني وزآد قربي لهم اكثر من اول
كل شي احتآجه خآص لي كآن يجيني بدون ترجي



طولت بكلامي بس مدري كيف اشرح ان قيآم الليل وانتي تتلذذين فيهآ وتتوكلين على رب العباد
انه بيستجيب لك كل دعآويك بتحسين بسعآده بعدهآ

والحمدالله هذا وانآ لي شهر واكثر مدآومه عليهآ
ان شاء الله موب تآركتهآ الا لمآ يجي يومي ..

وهذآي قآعده انصح خوآتي فيهآ ..
الله يكتب لنآ ولكم الاجر
ويفرج همكم وكربكم
ويشفي مرضآنآ ومرضآكم
ويحقق كل امنيآتكم يارب

كلآمي يمكن مو مرتب لكن حبيت اوضح احساسي وسعادتي بالقيام
اللي عندهآ شي بتضيفه تقول وتتكلم تاخذ رآحتهآ
حتى انآ ابي اشوف حلآآآوة قيآم الليل