كاميرا الجوال مع صغارالعقول = شوفوا النتيجة ...

السلام عليكم ورحمة الله وبركاتة ...


مع الجوالات والكاميرات وبرامج الدرشة مثل الواتس والببي وغيرة ؟؟؟؟
في حركة ظاهرة هابين فيها لو على انفسهم 
بنقول كيفكهم مالنا شغل فيهم ، 
لكن على غيرهم شي يقههههر ويرفع الضغط !!!
«« بنظري اشوفهم صغار عقل وجهلة 
ولهم مقاصد الله اعلم فيها ....

بعطيكم امثلة وشوفوا انا مكبرة الموضوع 
ولا عاااادي ؟؟؟؟

اهلي ساكنين بيت جديد والبيت ذا كان 
حلم امي والحمدالله حصلت علية 
وبصراحة البيت بنظر اهلي 
فوق الخيال ،طبعالما نقلوا أهلي فية تعرفون 
يجونا بعض الاقارب يهنون أمي فية 
ويباركون لها علية ، المهم وجتنا قريبة 
لنا وبنتها عمرها 12سنة «« طبعا لاحظنا البنت ماخلت زاوية او غرفة الا وشافتها،  
«« على نياتنا قلنا صغيرة وتدور بالبيت...
وبعد ماخرجوا من عندنا الا واختي الصغيرة
تقول ان البنت صورت البيت كلة وارسلتة لأقارب لها بالواتس «« على فكرة اقارب ذا البنت بينا وبينهم حساسيات ولازارونا
يباركون لنا بالبيت ، وياما انحطينا 
بمواقف معهم دلت على حسدهم لنا ...

الموقف الثاني اختي تقولي 
ان زميلتها تسولف لها عن وحدة 
من زميلاتهم اتزوجت قريب «« تقول 
انهم زاروها يباركون لها وجابت البوم 
الصور توريهم صورها الخاصة 
مع زوجها واعطتهم الصور وراحت تجهز 
للشاي تقدمة ، وزميلة اختي ماقصرت 
لقطت صور زميلتها وزوجها بالجوال 
ليييش عشان توريها اخواتها وبنات عماتها
تقول اختي وقالت لي اذا شفت فرصة 
اجيب الجوال للمدرسة اوريك صورة زوج 
زميلتنا ، لاني صورتة صور لوحدة 
بورية بنات المدرسة !!!
تخيلوا كل هذا والبنت مو دارية عنها 
للعلم اعمارهم بالعشرين !!

بنجلط من هالاشكال اللي ماادري 
وش اقول عنهم ؟؟؟
وشرايكم بالمواقف ذي وش تتصرفون 
لو كنتوا بمكاننا ؟
وش تتصرفون بالموقف الثاني اللي مع 
اختي وزميلتها لأن اختي مقهورة 
على زميلتها وتقول يمكن اخبرها 
وانا اقول اصبري بشوف ردودكم ؟؟؟

استغفرالله وأتوب الية ...