كيفكـــــم بنات .... شو أخبــاركم ... ان شاء الله بتمام الصحـــة والعافيــــــــة وراحة البـــــال ...
اليـــــــوم ساويت كبسة ... بس مش بالرز ... لأ ساويتها بالفريك .... وطلعت طيبة كتييير وبتشهي ومابتنصح زي الرز ..
نبدأ بســـم الله ...
المقــــــــــادير ...
كاستين فريك ( طبعا لازم تنقيهم وتشيلي عنهم الحبوب السودا واي اوساخ تانية) ونقعتهم يمكن ساعتين او 3 ساعات بمي عادية .... لحد ماحجمو يتضاعف
بنات بنصحكــم بفريك (كابتيلو) و (الســلام) ... بصراحة نضااااااف كتيير يعني يادوب بتلاقي شوائب فيهم وحبة الفريك كبيرة ومابتطلع العين بتنقايتها ....:angry:
دجاجة وحدة (حسب الاشخاص)
بهارات لسلق الدجاج (ورق غار وقرفة وهيل حب ومطحون وليمون اسود + ملح وفلفل اسود+بصل وتوم مفرومين ناعم)
ماحطيت ماجي لأني سلقت الدجاجة بجلدها...
للزينــــــــــة : حمص مسلوق + لوز مقلي او اي نوع مكسرات موجود
يتبببببببع .... لاتستعجــلوا .. طولو بالكم:icon28:
1- بنســلق الدجاج بالطريقة المعتـــــادة ... اول شي قليتو شوي بالزيت وبعدين رفعتو من الزيت
2- حطيت هلا البصل والتـــوم المفرومين وباقي البهارات ....
3- بعدين رجعت الدجاجة وقلبتها مع البهـــارات شوي ...
هون شكل الدجاجة بعد ماقليتها شوي بس رفعتها من القدر وحطيت بصل وتوم والبهارات الي فوق وبعدين رجعت الدجاجة
4- صبيت فوقهــــــا المي وتركتها تغلي لمدة ساعة الا ربع وطفيت النـــــار
5- اخدت الدجاج وصفيتو من المرقة ... وحطيتو بصينية عشان احمرو ... وتبلتو ب (شوية ملح+سماق+كركم+فلفل احمر مطحون حار) وقطعت معو بصل ودهنتو بزيت زيتـــون
هي منظـــرو قبل التتبيل
وهـــاد بعد ماتبلتـــــو
دخلتو الفرن وغطيتو بقصدير لمدة ربع ساعة ... وبعدها شلت القصـــدير عنو وحمرتو من فوق ...
فاصــل ونواصل:cook: