كبستي اللي الكل منهبل عليها

من زماااااااان ماكتبت في هذاالقسم واليوم جبت لكم طريقة كبستي الكل ينهبل عليها ماشاءالله

بأكتب المقادير والطريقه بس بشرط تردون علي واللي تسويها تقولي وش رايها فيها:09:

المقادير نحتاج في هذي الكبسه الى:
ثلاثه ونص كاس رز بسمتي منقوع انا استخدم باب الهند يهببببببببببببل قليله عليه
دجاجه تقطع ارباع
بصلتين متوسطات مفرومه
4فصوص ثوم مبشوره
كزبره قد قبضة اليد مفرومه
6طماطات مقطعه مكعبات صغيره مثل السلطه+1علبة صلصه السعوديه+2مكعب ماجي
بهارات مشكله وانا استخدم(البهارات البحرينيه+كمون+فلفل اسود مطحون+كركم+ليمون اسود مطحون وهذا اكثرمنه)من كل نوع تحطين ملعقة تحريك الشاي الا الليمون الاسود حطي ملعقتين ونص
خضار مشكله مثل(قرعه+بطاطس+جزر+فلفل اخضر رومي)
والسر في نص الليمونه الصفراء وهذا سر النكهه والرائحه الخطيره
2بهارات عدله (عود دارسن+2حبه ليمون اسود+8حبات هيل+ورق غار)
***ولاخر شي ثلاث ارباع بيالة زيت زيتون***

الطريقه:

1-يحمس البصل في الزيت مع الثوم والبهاراتوالكزبره ويضاف له الطماطم ويحرك على نار متوسطه لحد مايذوب الطماطم ثم يضاف له الصلصه والبهارات العدله والماجي والصلصه ويترك حتى يتسبك الطماطم0
2-يضاف الدجاج ونصف الليمونه الصفراء0
3-يكتم القدر بالقصديرلمدة ربع ساعه0
4-ثم يضاف له الخضار طبعا الخضار حسب الرغبه ويترك ربع ساعه اخرى0
5- بعد نضوج الدجاج يزاد عليه الماء ثم نضيف الارز ويكتم بالقصدير مره اخرى ويترك على نار هاااديه تقريبا من 10دقائق الى ربع ساعه0
6-وبعد نضوج الارز نصب على الوجه تقريبا ثلاث ارباع بيالة الشاي زيت زيتون0
7-ويغرف والى البطن وبالهناء والعافيه0
وياويل اللي تسويها وماتقولي وبأحاول اصورها واوريها ايكم