مشكورة

موضوع جميل مثل صاحبته نفيد ونستفيد من بعض.
بالنسبه لي :
اسفنجه للمواعين واسفنجه للشغل والتنظيف
المواعين اغسلها بالماء قبل الفيري عشان ما تتوسخ الاسفنجه
اغسل مغاسل الحمامات من تحت والخلف
لوح تقطيع اللحم اغسلها بعد كل استخدام بالكلوركس والفيري
اقطع الخضار والفواكه بلوح خاصه فيهم
امسح فوق سخانات الكهرب بين فترات
اغسل شباك الحمام باستمرار
اغسل الشفاط باستمرار
البانيو يوميا بالكلوركس والعملاق الاخضر مع الحمام طبعا
السراميك مو تجي في الاخير عند الاقدام شي يسمونه النعله؟
وفيها طرف بسيط دايم امر عليها بمنشفه فيها ديتول لاني احس الوسخ والغبار يتجمع فيها
الكيبورد والريموت امسحهم بمناديل ديتول باستمرار

الممسحه عندي للسراميك وثانيه للحمام وانتم كرامه لانه الجراثيم تتنشر عن طريق الممسحه

انا شفت ناس الله يستر عليهم يغسلون باسفنجه المواعين مغاسل الرجال ؟؟؟؟؟
وهذا خطا اسفنجه المواعين لازم تكون مخصصه المواعين وكل حمام له اسفنجه مخصصه للمغاسل طبعاً تكون مختلفه عن حقت المواعين فان استخدم الليفه اللي تجي مع شامبو دف لان كثير ما اشتري وكثير مايطلع معه ليفه جسم فا اخصصها للمغاسل حقت الحمامات
كل حمام وحده خاصه فيه
الفيري اذا وصل للنص اخلط معه كلوركس يندمج مع الفيري وتخف ريحته وبنفس الوقت تلاقي دايم مواعينك نضيفه وتلمع
كل اسبوع اغسل المجلى بكلوركس بروحه انقعه فيه يطلع يلق
والاباريق من جوا يكون لونها اسود من الشاي انقعها بكلوركس ومويه تطلع كانها جديده
والترامس القهوه والشاي كمان اذا حسيت انها صفر لونها غسلتها بكلوركس بروحه ترجع كانها جديده والله عندي ترامس لو تشفونها كانها جديده وما انحرج من احد لو اعطيتهم اياه دايم نضيفه عكس بعضهم يكون لونها مو حلو نن داخل ام لونها اسود من الشاي او اصفر من القهوه
اذكرو الله علي <<< ماشا الله
هذا اللي يحضرني اذا تذكرت خبرتكم

فتحت المغسله لازم تتنظف بفرشه انا استخدم فرشة اسنان

وكمان البلاعات وانتم بكرامه لازم تتنظف بفرشه تكون خاصه لها

لان اهمال نظافتها يسبب روايح ومنظر وقرف حتى لو مغطايا

سحب الفرن كل كم اسبوع وتنظيف اطرافه وتنظيف ارضيته

خلف المغاسل والكبنيهات

وتخصيص الادوات من اهم الاشياء

وتعريف الشغاله ان مناشف المطبخ لا تنغسل مع مناشف التمسيح

والتاكد بنفسك يكوون افضل

موضوع اكثر من رائع