كركبة البيت قبل الخروج

نفس حاااااالتي بضبط...
اكره نفسي اذا رجعت البيت ..
حتى غرفتي هدوووم مكببه خطر توصل لباب شقه الجيران
غير بناتي وترويشهم اااااه ..وصياح ونياح على اللبسه احيان يجلطوني يطلعووون المكروفه ويبون يلبسونهااا ولا يلبسون مرقع .عسى ما اوصل لناس الا وأنا اولول من ظهررري .
يارب فرجك.
يارب ارزقني خدامه طيوبه

نسيت اقولك قبل الطلعه بيوم جهزي لبسكم كلكم حتى انت الي يبيله كوي اوكي وروشيهم من الليل وبس

هذا الي توصلت لهم ويفك ازمه .
موضوعك مره مفيد
ننتظر باقي البنات

انا مرة ما احب الكركبة و اذا شفت كركبة ابدا اعصب و اصرخ .. شوفي قبل الخروج انتي تكوني عارفة صح .. رتبي لكل واحد من عيالك لبسهم من بدري و روشيهم من بدري .. و جهزي الاكل لهم قبل الخروج بساعتين ،. قبل ما تلبسيهم بساعة خليهم يأكلو و انتي ادخلي غسلي الصحون و هما يبدو يغسلو وجههم و يفرشو و يلبسو اذا كبار و فهميهم اللبس اللي راح يفسخوه يطبقوه و فوق السرير يحطوه .. و اذا صغار غسلي صحونك و بعدها امسكيهم واخد واحد لبسي و مشطي شعورهم و جلسيهم على الايباد .. و ادخلي بسرعة خذي شور على الخفيف و تكوني مجهزة ملابسك من بدري زيهم و اي شي تستخدميه مكياج او عطور رجعيهم اماكنهم .. و ان شاء الله ترجعي تحصلي بيتك مرتب.. و اذا رجعتو علمي عيالك يرجعو جزمهم في الحزامة و ملابسهم يطبقوها و يرجعوها للدولاب لو نظيفة او في سلة الغسيل عشان البيت يبقى نظيف

اليوم اللي بتطلعين فيه جيبي غدا جاهز.. وملابسك جهزيها دائماً حتى لو ماعندك طلعة بحيث لو جاتك طلعة مفاجئة خلاص ملابسك تكون جاهزة..


اولادك اذا رحتي السوق خذيهم معك وخليهم يختارون بنفسهم او اشتري لهم الشي اللي تعرفين انهم يحبونه..
عادةً الصغار يحبون الملابس المريحة عكس اللي احنا نفضلها ( كشخة ورسمية😅)


وعلميهم يساعدوك في الترتيب حسب سنهم وقدراتهم.. قوليلهم يلا لموا عشان نطلع بسرعة..


ولا توترين نفسك.. كلنا مرينا بنفس المراحل😁
نشتغل بيدينا ورجلينا وألسنتنا.. خصوصا اذا فيها طلعة.. الغدا ع النار والكيكة بالفرن ونروش الصغير والصوت يلعلع يلا ي فلان اجهز وووو...
الله يكتب اجرنا واجركم