كرهتوني في الزواج .. ابغى اصير عانس

بسم الله الرحمن الرحيم
كل عام وانتم بخير
العنوان اكيد واضح

الموضوع هذا من زمان في بالي وجاء الوقت المناسب لطرحه

القسم هذا " قسم حياة اسرية سعيدة "
واللي اشوفه انه حياة اسرية تعيسة

من جد والله عقدتونا كرهتونا عيشتنا خلاص يكفي مشاكل وهموم وكل وحدة تجي تكتب لنا معاناة ماتدري ان فيه بنات لسه ما تزوجوا ويوم يقرون كلامها بيتعقدون ويكرهون طاري الزواج بسبتها .
المصيبة تلاقونها مرتاحة لكن تحب النكد وتنكد على خلق الله
ندري ان الحياة الزوجية فيها متاعب والحياة كلها عقبات ومتاعب بس مو معنى هذا انه مافي شي حلو .
خلاص ارحمونا
يكفي
يكفي
انا اعجبت جدا لموضوع احدى الاخوات ربي يسخر لها زوجها اشتكت واشتكت لين فقعت مرارتي لكن يوم انحلت مشكلتها جت وبشرتنا والله اني فرحت لها عسى ربي يفرحها .
لانها حسستنا ان الزواج فيه تعب ومشاكل لكن في نفس الوقت فيه اشياء حلوة
يا متزوجات اللي عندها مشكلة تكتبها بس بشرط إذا انحلت مشكلتها تبشرنا مو تطنش وحنا اللي نتعقد ونفكر الزواج كله تعب ومشاكل .
اللي رجالها يحشش واللي رجالها ما يصلي واللي رجالها يخون واللي ما يفرش اسنانه وريحه فمه خياس واللي يسوي العادة السرية واللي واللي

المصيبة يوم تجي وحدة وتقول زوجي مب رومانسي صدق وش تبينا نسوي لك
يعني معقولة كل الرجال قاسين ومحششين وما يصلون ويخونون ويضربون زوجاتهم وبخيلين بالمادة والعاطفة واشكالهم تسد النفس وما يفرشون اسنانهم وريحه فمهم خياس وووووو

معقولة هذا الشي
والا انتم تمزحون
لان صارت نظرتنا سوداوية .