كرهت الزواج

أخواتي راح احكي لكم معناتي مع زوجي حبيبي و فرة عيني و اللي سواه فيني و ارجوووووووووووكم أعطوني الحل و اريد اسمع اكثر من راي بس بليز آراء مش تحطيم يا اخواتي لاني صدق ماعاد اتحمل ثقل شعرة من الهم اللي انا فيه و الله لا يبلي مسلم و مسلمه بلوااااي


اول شي احب اقول الحمدلله و انالله وانا اليه راجعون اللهم ااجرني في مصيبتي و اخلف لي خيرا منها ...

بدايتي قبل الزواج :

كنت موظفة بوظيفه مرموقه جدا و الكل يعمل لي الف الف حساب قبل لا يتعاملون معاي و الحمدلله الكل يشهد باخلاقي و سلوكي بكل مكان و بجمالي يعني الحمدلله مرتاحه و مبسوووووووطه و الله ميسر لي كل اموري بكل شي ...

شافني اعجب فيني لدرجه ما تتصورونها .. حاول يتقرب مني و يتعرف علي .. لكني صديييته بكل قسوة فأنا تربيتي و أخلاقي يمنعوني من هذه السخافات وخوفي من الله و حاول بكل الطرق لكن مالقى أي تجاوب مني .. هالشي خلاه يزيييييييد تعلق فيني و ارادني الزوجه بدل العشيقة ... خطبني و رديته و رجع يخطب و ارده و كان بكل مره يتمسك فيني اكثر و اكثر .... بعث الكثيييييييير ليتوسطوا عند ابوي و عندي انا ..

شفته متعلق فيني و يحبني بجنون و لهذا وافقت عليه ...

أيام الخطوبه كانت احلي ايام حياتي كنا ننام على صوت بعض و نستيقظ عصوت بعض مانتحمل نتفارق ساعه وحده كل الحب و كلام الحب والشوق و اشيا عمري ماحسيت بها الا مع هالانسان حبيييييييته بجنون وحبني بجنون و الكل كان عارف و شايف هالشي ...

جاء وقت الملكه و كان قبل الملكه بشهر ماعرف شو صار فيه قلت اتصالاته خف الشوق اغلب الوقت مشغول و انا كنت ملاحظه بس قلت يمكن عشانه مشغول بقرب الموعد ...

ملكنا و كنت بطييييييييير من الفرح كنت مثل الاميرة و الكل كان مبهور فيني لكني كنت افكر بزوجي هل راح يفرح مثل فرحتي و هل وهل كنت افكر شو بيصير بعد مايروحون المعازيم و شو الكلام الحلو اللي راح اسمعه و عشت بعالم ثاني و المعازيم بينا و ايدي بيد حبيبي ...

راحوا المعازيم و ظلينا نحن بس جلس و حطوا لنا العشا اتعشى وقال انا بروح ماقدر اتأخر الوقت متأخر .. انجرررررررررحت على الاقل جاملني بكلمه و قلت يمكن تعبان و يريد ينام قلت له على راحتك حبيبي اتوكل على الله ..

و الله يابناااااااات ماعاد يهتم فيني و لا يسال عني و لا يكلمني و كله معصب و اذا اتصلت عليه كأني عزرائيل متصل ... بدا يصررررخ و يسب و يقول كلام عمري ماسمعته منه من قبل و كنت اذكره باللي كان بينا قبل لكنه مطنشششششششش و لا كأني صرت زوجته و لي احترامي شكيت انا في حد بحياته بس كنت اتعوذ من الشيطان و اقول لا مستحيل لو كان فيه حد ماراح يعطيني كل وقته ايام الخطوبه ...


امرض و لا يسال عني و الحمد ه انا مو قاصرني ابد شي بس اللي اعرفه ان الزوج لايزم يعطي زوجته مصروفها او يصرف عليها على الاقل .. والله يابنات و لادررررررررررهم شفت منه ,, و انا من النوع اللي ماحب أو ماتعودت أطلب من احد فلوووووس مع انه ملزوم فيني و مسؤؤل عني ..

المهم مرة من المرات وصلت حدي وقلت له تعال نتفاهم و بعد مووووووت ياني ,,, و كان تيلفونه مايسسسكت ابد استعبطت و مسكته كان مكتوب اسم بوحمد ..... بوحمد هذا قام طرش رساله يقول فيها انا في البيت و شوي و يتصل و مايرد عليه و قام طرش رساله ثانيه يقول فيها رد لا تستوي من بننا مشاكل .. عرفت على طووووول انه كان عند وحده .. اعطيته الموبايل و قلت ليييييييش ..

ماعرف يرد وفلت له انا اصلا عارفه كل شي و حاسه بكل شي سالني شو تعرفين قلت له بوحمد هذا بنت .. سكت وقلت له رجعني البيت خلاص و دموعي اربع اربع ...

رجعت و نزل معاي يراضيني و يقول هذي وحده ماتسوى و كذا وكذا و راح اتركها و انه يعرفها بس من اسبوع صدقته .... لكني حفظت رقمها و دقيت عليها و قلت لها هذا زوجي و احذري اتكلمينه او تغلطين معاه راح اتشوفين شو بيصير لج . كان هذا الكلام قبل رمضان و جاااء رمضان وهو نفس الشي لم يتغير لكني توقعت انه تركها .. في يوم و اا اكلمه الفجر ال3 تقريبا قلت له حبيبي الحين الله نازل من سابع سما و بشهر مبارك و فضيل هل تركتها صحيح قال لي نعم و بدا يحلف قلت له لاتحلف اذا مش متأكد لان الله راح يكشفك .. و بدا يحلف اكثر انها خلاص طلعت من حياتنا ارتحت و فرحت كثييييييير.. اول ما اغلقت الهاتف و انا بعدنبي مبتسمه من الفرحه يرن موبايلي مره ثانيه على طووووول الا وهي متصله و تريد تتأكد و تتوعد و تقول راح اخليه يطلقج يالساقطه و قامت اتسبني و تشتمني و انا مذهوله ...

رديت عليها وقلت انا زوجته حلاله لكن انتي استحي على ويهج و خافي ربج احسن و انصدمممممممممممممت من حلفانه لي و سبحان الله في اقل من دقيقه ربي كشفه ...

المهم اتصلت به ابكككككككككككككي بكككككككككككاء و اقول له حراااااااام ليش تحلف و كيف اتخليها تتجرا تتصل فيني و تقولي هالكلام قال محد قالج اتخلينها تعرف رقمج انت اللي اتصلتي فيها اول ... اتخيلوا يا بناات

سويت عمليه بعيني و انا قبل و بعد العمليه كله ابكييييييييييييييييييي بحررررررررقه و الدكتور محذرني من الدموع و لا سال عني ابد ابد بعد العمليه و جا العيد سلم علي مع اهلي و طلع ...


و انا صااااااااااااابره ..

قبل زواجي بكم يوم قلت لازم اوقفها عند حدها و ابعد زوجي عن الحرام ..استغليت منصبي لمراقبة هاتفه و تحركاته .. وعرفت من هي و اين تسكن والله حتى صورة جوازها صارت معي و اكتشفت انها اكبر من زوجي ب 11 سنه ...و توصل لرقم اخوها و اتصلت به و اخبرته بان يضع حدا لاخته لان تصرفاتها سيئه ...

بعد اتصالي فرحت لاني حسيت اني بتخلص منها و ان اخولها لن يرحمها ...

تزوججججججججججججججت وكنت متردده هل هي فرحه ام خوووووووف كان شعور غريب ما ينوصف ... اليوم الاول من زواجي و الثاني حلو بس مش اللي اتمناه يعني كان عادي .. سكنيعند اهله و من ثالث يوم اليييين اليوم مايرج البيت الا الساعه اربع الفجر و على طول على السرير و اول مايصحى برررررررررررررع لين حزة الغدا يتغدا و يطلع ماعرف عنه شي ... الا اذا كان مواعد يرجع يتزقرت و يظهر و انا احترق جدامه و اصيح و هو يضحك ... كان يعاملني اقسى من معاملة العبيد والله العظيم حطمني و دمرني و انا صااااااابره كانه ماخذني شغاله مش زووووجه و كالعاده درههههههههم ماصرف علي ...كلمته حاولت اتفاهم معاه قالي انا عارف انج كلمتي اخوها و قام يضربني ضرب الشاة والله العظيم شعر راسي كله بايده و تصفيع و رفس و ضرب بالظهر و علامات فظيعه لو ماركظت عنه للحمام كان انا مت بين ايديه ...

تحسبت عند الله و كا كله يقلل من شاني جدام اهله و كل شي زين فيني يقلبه شين اتدهور عملي و قمت اتغيب كثييييير باسباب الظرب و هو عايش حياته مبسوووووط مع الساقطه و مايرضى اني اغلط عليها بكلمه ...اتخيلوااااااا

يابنات ما تتخيلون حبي له بس ماقمت اميز هل انا احبه و الا اكذب على نفسي ... مره كنت امزح معه اتعرفون شو سوى اخذ موبايلي و رماه في الجدار كسره عني امام اهله .. دخلت غرفتي ابكككككككي و انا ابكي شفت بطاقة الذاكرة حقت تيلفونه فتحتها عن طريق اللاب توب و كانت الصاعقة مصور افلام معاها العاهره و احذت نسخه ......
اكتشف الوضوع و بدا يضربببببني ظررررررب واللع عمري ماشفته الا في الافلام و كسر اللاب توب و سبني وقال لو شو تسوين مارح ترديني عن شي .. كنت اقول ماراح اردك الله اللي بيردك و هالشي حراااااااااام و ا نا خايفه عليك ...

المهم مرت الايام وانا على هذا الحال .... حملت و كان حملي تعب و حزن و ضيقه وضرب بس انا ماقمت اشغل نفسي فيه كثييييير خليتها على الله ...يا بنات قبل ولادتي بيوم كان معاها ... ولادتي كانت والحمدلله من اعسر الولادات و الله ياجرني ان شالله يارب ...يبت ولد و انا للحين عند اهلي في النفاس باقي لي اسبوعين و اظهر من النفاس و ارجع له ...


يا بنات اليوم كان عيد ميلاده و انا فرحححححانه حيل و خذت له هدايا و اشياوايد حلوه و كنت اريد افاجاه فيها اتصل على اخوه عشان يتاكد ان زوجي مش في البيت و أي احط له الهدايه قالي اخوه طالع اتصلت عليه اتاكد قالي عنده مهمه في دوامه صدقتتتته و انا على طووووول طيران على بيتهم ...


دخلت غرفتي و زوجي مايدري و ماكان موجود رتبت الهدايا على السرير و رتبت الحجرة شوي ... شفت لبس الدوام موجود في الحجره و 3 هواتف و لما فتحت واحد منهم كللللللللللللللللللللللللللللللللللللللهم مكالمات بنات و غزل و سولف و رسايل عمري ماسمعتها منه الا بأيام الخطوبه و كل ماكنت احاول اكلمه يقول لي شو هالكلام السخيف اتخيلوااا يا بنات ..... لكن يحب ايقوله لها الساقطات و انا زوجته و ام ولده ماسمعت كلمة غزل وحده منه

رجعت مكسوووووووووووووره و انا الي كنت رايحه احط له الهديه و اكتشف انه عتده بدل الوحده الف و المشكله و انا احط له الهديه هو كان باحضان وحده ..


يا بنات انا مكسوره حييييييييييل و تعبانه حييييييييل و الحمدلله كما ينبغي لجلال وجهه وعظيم سلطانه ..

اريد منكم حل و هل انا غلطانه بشي مع اني والله ماقصرت معه باي شي البس احسن لبس و احترمه و كل اوامره حاظر و مغرقتنه باحلى الكلام وشارتنه زوجي و احبه بس هو يحب الحرام

ارجوكم عطوني حل و ادعوا لي زوجي يرد لي انا مثل ماكان

لاتقولوا لي ما تستاهلينه لاني تعبت و انا اسمعها و انا اقول احبه و بستمر وياه والله يهديه بس دعواتكم و اراءكم وايد يهموني والله


ادعوا لي يا بنات و ادعوا لزوجي و ولدي المسكين اللي ما يسال عنه ابوه والله احس ولدي حزييييييين لاني حملته حزن و ارضعه حزن ..

انا مشتته ساعدوني انا صرت تعبانه و صار لي 8 شهور ما رحت العمل و حياتي اندمرت .....


لكن فوق كل هذا أنا راح اتمسك فيه و راح اصبر لين يتخلص من كل هالامور و انتصر في الاخير و اكسب زوجي و اللي عنها حلول و طرق اتخبرني دخيلكن


سامحوني عالاخطاء و الكلام اللي مش مرتب