كرهت اللقيمات والسبة إنها ماتضبط معي من تعلمني وتأخذ أجري:)

بعلمس طريقه حلوه و ماشيه عليها كم سنه
كاس دقيق (كاس الجبن الكبير)
ثلاث ملاعق كبار حليب بودره
ربع بياله زيت
ملعقه خميره
شوي ملح نتفه بس
و خليها نص ساعه
بعدين حطي بيضه عليها
و اقليها وسوي مثل طريقه منال العالم في القلي الي تحطها في كيس
و هالمقدار زين يكفيك انتي و بعلك
سويها وعلميني وش يصير

زوجة التلر

أمووووووح ياحبيل قلبك بكرى بجربها وأرد عليك

إن زانت بأخذك معي عمرة :)

<<ماتدري وش تسوي من الفرحة

هل من مزييييييييييييييييييييد

للرفع


لا الله الا الله محمد رسول الله

هذي طريقتي معتمدتها من زمان والحمدلله تضبط معي وهي كوبين دقيق ملعقتين حليب نيدو ملعقتين سكر ملعقة صغيره خميره رشة ملح وماء دافي للعجناعجنيها وثقليها شوي يعني وانتي تعجني تكور معك موسايله ولا قاسيه واتركيها نص ساعه تتخمر وبس ودعواتك لي

ذكرتيني باللذي مضى خخخخخخخخخخخخ
اول سنة تزوجت جلست شهر ونص وجاء رمضان >>لاتحسبوني كبيرة تراني متزوجه من سنتين بس
المهم جاء رمضان يعني لازم لقيمات
كنت قبل لااتزوج اخواتي يعجنونها وانا اقليها في الزيت ويعني الشكل لك عليه شوي يعني شيء ممطوط وشيء معفوص
المهم مع الايام كنها تحسنت شوي
بس يوم تزوجت تفشلت ابو الفشيلة قدام البعل >>واخزيااااااااااااااااااااااااااااه ماودي اتذكر ذاك اليوم
عجنتها والعجينة مضبوطة بس الشكل وااااااااااااااااااااااااوك يضحك
ممططة ومعفصة وحالتها حالة
طبعا الله يوفقه مافشلني كلها بس عقب بكم يوم علق علي خخخخخخ
المهم راح للسوق وشرى لي الجهاز حق اللقيمات
ذاك البلاستيك اللي نصب فيه الخليط ونضغط على شيء وينفتح من تحت وثم نسكره عشان تصير دواير
عاد انا دخلت المطبخ رافعتن راسي ابضبطها وطلعت اردى من اللي قبل خخخخخخخخخخخخخ
ماقصر راح وشرى لي جهاز ثاني من المنيوم زي الكاس احط الخليط فيه واضغط شيء وينفتح من تحت ثم يتسكر
ومااااااكو فايده بربسه خخخخخخخخخخخ>>قسم بالله هذيك الايام تمنيت الارض تنشق وتبلعني
يلعن بليس فشلتني هاللقيمات ماطاعت تضبط ولا نص ضبطة
بالاخير قال خلاص لاتصلحين لقيمات ماعاد ابيها >>>عافتها نفسه هههههههههه
بس الرمضان هذا اللي راح ضبطتها لكم ضبطة الحمد لله استانست مرررررررررة
صارت مدورة وكبار والحجم زي بعض اللهم لك الحمد يكفي فشايل عااااد

العجينة عاااد ...
بالخلاط
ملعقة خميرة وملعقتين حليب بودرة وشوي ملح وملعقة بكنج بودر وكاس موية دافي
عاد انتم دامكم اثنين بس حطي كاس الموية صغير لان كل ماكثرتي الموية كثر الخليط
ثم اخلطيها وكبيها ببلاستيك وحطي عليها دقيق عاد الدقيق مالة مقدار
حطي وحركي لين تحسين ان الخليط ضبط وجربي تسوين لقيمات من الخليط ان تكور وزان خلاص لاتزيدين دقيق
وان تلزق بيدك وصار لين وماتشكل زيدي لين يضبط وخليها نص ساعه او ساعه ثم
ولعي عالزيت وانتبهي يسخن قوة لا خليه دافي ثم لقميها بالزيت وكل ماامتلى المقلى طولي عالزيت وقلبي قلبي لين تصير مشقرة ولون واحد ثم شيليها من الزيت وقصري عليه مرررررررررة وحطي الباقي وهكذا
ثم اذا خلصتي حليها بعسل او شيرة وبالعافيه عليكم