كريم مرطب مبيض كنه اساس وطبيعي 100%

بسم الله الرحمن الرحيم الحمد لله تم تسجيلي بالمنتدى واول شي حب ابارك للقائمين على هذا الموقع على العيد السعيد و اقولهم جزاكم الله خير على كل ماتقدمونه لنا من مواضيع فعلا تفيدنا كثير .....

انا من النوع الي يحب التفاصيل فاسلوبي شوي طويل لكن اعرف وايد بنات يحبون ادق التفاصيل مثلي...فما عليه اللي يحبون الاختصار يحاولون ما يتضايقون لان التفاصيل و الله تفيد....

آنا بشرتي دهنية على مختلطه و بعد ما سكرت شركة لانكستر اللي كنت اشتري منهم كريمي المرطب الي كان ب200ريال احتست و جربت وايد كريمات وما ارتحت ووصفت لي الطبيبة كريم مرطب طبي بس هو للبشرة الجافة جذي مكتوب عليه و احسه دهني و مرة قريت عن زبدة الكاكاو الي بسطل صغير اصفر وقلت اجربها و فعلا شريتها الحمد لله من محل الفايز ابو ريالين بالروضة الثانية بالرياض وهي ب18ريال بس ووالله العظيم ثم والله الكريم هذا مرة ممتاز مودهني و يصلح للجافة و للدهنية و يبيض ويوحد وجنك حاطه نقط من كريم الاساس بس انتبهي لاتحكيه حيل يعني لاتفركيه مثل المقشر لانه بيصير كور و يطيح حطيه بخفه ثم دلكي بشرتك و يبيض وبس حبيت انقل لكم تجربتي بعد سنين من التدور....
على فكرة جربت كريم بودي شوب اللي بالاعشاب البحرية زين بس حيل غالي ب 65ريال احس زبدة الكاكاو احسن منه.....
وكنت من سنين طويله استخدم بوندس للبشرة الدهنية بوندس القديم ابو خط وردي كان يبيض و الله ومن انقطع احتسنا آناو خواتي و الجديد اختي جربته قالت مومثل القديم لكن للامانه ماجربته ...
فالي مجربه كريم مرطب للبشرة الدهنية و زين تكتب لنا تجربتها جزاها الله خير.... :)
و بالنهاية احب اشكركل البنات اللي فادونا بتجاربهم...والى الامام....