كسرت خاطري

وحده تقول مره من المرات في رمضان اخوي عزم اصدقائه فجأه قبل المغرب بساعتين بس
وكنا على اساس انه مافيه احد بيفطر معنا من اخواني ماسوينا شي كثير وطيران على المطبخ وحده تسوي العجينه وحده تلف سمبوسه ووحده تغسل المواعين اللي بنقدم فيها ، وقبل مايجون قالت لي امي روحي نظفي الملحق وبخريه وشغلي المكيف قبل مايجون واروح انا للملحق وابخره وافرش السفره وكنت لابسه قميص ازرق كاروهات روز يهفهف علي بهالطبخه وشعري مزيتته عشان لاجاء العيد الف يمين ويلف شعري يمين معي ويدي حاطه عليها عسل حرقني الفرن
الا وشوي اسمع خطوات واحد قلت اكيد انه اخوي يشوف وش صار على المصيبه اللي حطنا فيها والقاه وراي وابي التفت عشان اقوله باقي شوي لين ينتشر البخور وبطلع الا شوي القى لي واحد مهب اخوي انا من الصدمه مدري وش اسوي هو قدام الباب ابي اطلع واستحي اقوله وخر والشباك ماش عليه حدايد مااقدر اطلع منه قام هو تنحنح ووخر ورحت اركض حتى شباشبي الورديه اللي فيها فراشه ماخذيتها

واروح لامي وجهي متقلب الوان تقول وش بلاتس ؟ اقول لا ما فيه شي عاد مر يوم يومين ثلاثه . وفطرناهم ثاني مره وتسنعت بالحلا والقهوه كود ينسى اللي شافه وجالسه اتذكر قصص البنات اللي شافوهم اصدقاء اخوانهم ومن بعدها خطبوهم واجلس اتخيل نفسي معه وبالكوشه والفستان الابيض وبنيت بيت احلامنا ورسمت مستقبلي وسميت عيالي بنتين وولدين وكلهم توم ، الا شوي يجي اخوي معصب من اللي كانت في الملحق يوم الفطور ؟ انا هنا قلت بس متى يوم العرس قلت وانا مستحيه انا الي كنت في الملحق قال الله يلعنك صديقي يقول خدامتكم ليش ماتحجبونها؟ قلت ماعندنا خدامه ! قال الا شفتها يوم أفطرنا عندك !

ودارت بي الدنيا الله يدور رأسه وتبخرت أحلامي ورحت اغسل مواعينهم وانا ادعي عليهم .
ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه "̮ </3 عزي لها


لاحول ولاقوة إلا بالله💜