سلام احلى من النسمــــــه لكل أخواتي الحوائيــات ..
الموضوع واضح من العنوان طبعـا .. وهو لكل حواء معنا في المنتدى
من جد انا احيانا أستغرب بعض الحال هنا في المنتدي
خصوصا في قسم الحياة الأجتماعيه او قسم المجلس العــام .!!
إذا الوحده كتبت مشكله صارت لهـا وطلبت منكم الدعاء لها والمشورة عشان تقدر تنقذ وضعهـا
ترد الوحده على حسب رأيها في الموضوع .
بعضهم الله يجزاهم خير وبركه يدعون للبنت ويقولون رأيهم من غير تجريييييييح .
وبعضهم يستغفرون ويدعون الى الأستغفار .
وبعضهم .؟؟
ترد رد مادري وش تستفيد منه .!!
وبعض الردود الي العضوات ماعجبهم الموضوع
تكتب سخيف
او موضوعك مامنه فايده
وضحك على إملاء صاحبة الموضوع
او ضحك على أسلوبهـأ في الكتابـه
ــ
أختي الحوائيــه >أقصد فيها لكل وحده تستخدم اسلوب التجريح والتحطيم في الردود وانا متاكده انكم فاهميني
** مو لانك دارسه الأملاء زين ومتعلمه تحاسبين غيرك على مستواه
فيه ناس تعلمت القرءه والكتابه لكن مادرست مثلي ومثلك ..
وماتقدر توصل الي بجوفهــا على اكمل وجه لانها ماتعرف تعبر مثلي ومثلك
ليه نحطم ونقلل من قدرهم .؟؟
**كل موضوع له عنوان على صفحه القسم الرئيسية .
ماعجبك العنوان لاتدخلين طيب , واذا قريتي رد وشفتي انه سخيف ومامنه فائده
لاتنزلين لخانة الرد عشان تجرحين فيها او تكتبين سخيف او مامنه فايده
لان صاحبـة الموضوع والله ثم والله مراح تستفيد من ردك حالها من حالك .
يعني لاتجبرونها تحدث الصفحه وتتابع ردودكم على شي يحطمها او يجرحهـا.
لان والله ردك بحد ذاته بيكون سخيف ويرفع الموضوع على بلا فايده
يعني اقلها اكتبير استغفر الله العظيم
او سببببحي
سبحان الله وبحمده سبحان الله العظيم
وصل الله وبارك.
اليوم كذا موضوع قريته
ولاني احب اقرى الردود واشوف ارائكم انبسط على ردودكم واقول الحمد لله الدنيا فيها نساء فيهم خير يسعون للخير
لكن بعض الردود مدري شلون صاحبتها تبي ربي يبارك لهـا او يحببها عند الناس واسلوبها اسلوب تحطيم .!!
انا كتبت هالموضوع عشان الفت انتباه بعض اخواتي لان والله هالشي قهرني وانا اتصفح
كل وحده منا تشوف ان هالمنتدى الي فيه مثل خواتها
واول ماتدخل وتكتب موضوع
تكتبه وهي متاكده ان فيه بنات بسرعه بيردون لها وبيدعون لها في ظهر الغيب وبيحاولون ينصحونها ويجوهونها لاني مثل ماقلت في بعضهم ماتعلمو ولا عندهم خبرات مثلكم
ليه تجبرونها تكتب وتنصدم من بعض الردود الي ممكن تخلي الحرمه من القهر الي فيها في اخر الليل تدعي عليكم وربي يستجيب لها والسبب كله من كلمه جارحه اطلقتها بعض العضوات من غير تثمين .؟؟
انا وربي كتبت هالموضوع عشان كل وحده تشوف نفسها وادري ان لكم رأي بعد بخصوص هالموضوع
ولا ابي منه اثارة فتنة بينكم ولا شي
لكن قسم بالله شي يقهر من بنات مثلنا نعد بعض خوات ندخل ونكتب ونتشارك بالمواضيع والردود
والبعض منا يرد رد ماكان له لزمه يرده ويخلي الناس تتحسب فيه من غير سبب مقنع
انا اسفه طولت عليكم
وارد اقول مره ثانيه
الموضوع واضح وهو عن اسلوبنا في الردود هنـا
الي عجبها كلامي ترد باللي فخاطرها والله يحيها ويوفقها ويبارك لها وكلامها ورايها على راسي
لان في ردود هنا ترررد النافس وتجبر الانسان انه يدعي له من غير طلب .
والي ماعجبها كلامي لا ترد واقلها ضغطه اكس تققفل الصفحه وتتصفح شي ينفعها والله يوفقها ويستر عليها وصل الله وبارك
من غير مايكون بجوفنا كلام جارح ولا يحزنون .
اتمنى الموضوع مايغلق لسبب انه مكرر
لان مثل هالمواضيع المفروض نتكلم فيها وننبه عليها اكثر من مره
سبحان الله وبحمده سبحان الله العظيم
وكلاام سليم