كلام من زمان ودي اقوله اتمنى تتقبلونه

السلام عليكم

ابقول لكم كلام ونصيحه

وانا عارفه يبي يجي هجوم

بس نصحيه وابقدمها

المهم اني لاحظت ان بعض الحريم كل شئ تقوله من حسن نيه حتى لو كان شئ عادي بس يمكن

الشخص اللي تكلمتي معه يكون فاقده

مثلا وحده دقت عليها صديقتها او قريبتها وهي بالسوق

ردت قالت أنا بالسوق اكلمك بعدين طبعا هذا شئ عادي بس قد تكون هذي الصديقه ما تروح للسوق الا

بالتعب والزعاق من زوجه

مثل سافرتي لا تقولين لأحد الا لأهلك اما تصورين او تعلمين الصديقات او او او

وسبحان الله تحدث مشاكل في الحياه الزوجيه والحرمه ما تدري وش السبب قد تكون عين جاتها

او فجأه الحرمه تقول زوجي تغير علي وماتدري وش السبب


انا حصلي موقف

انا وقريبه لي كلنا ساكنين بمنطقه غير منطقه أهلنا

بس أنا وزوجي أهلنا كلنا بمنطقه وحده واذا زوجي راح يشوف أهله اروح معه عشان اشوف أهلي

وكنت اقول لقريبتي اني ابروح وسبحان الله من يوم ما اجي لأهلي يتعبون عيالي حراره وووو ولا

اتهنى بأهلي

بعدها صرت اروح وأجي ولا أقول لقريبتي والحمد اتهنى بأهلي

انا عارفه قريبتي ما تتمنى لي الشر بس يمكن خاطرها تشوف أهلها




الزبده من الموضوع

ان مو كل شئ تقولونه ما تدرون يمكن الشخص المقابل يفقده وحتى لو ما قالك ان يفقد هذا الشئ

مثل وحده تقول أنا اصلا ما احب السفر أخاف

وهي بالاصل تموت فيه بس ما حصل لها

بس ما تبغى الناس يخافون منها فتقول أصلا أنا ما ابغى السفر



وسلامتكم