كلام نابع من قلبي اتمنى يصل قلوبكم

السلام عليكم ورحمة الله وبركاته

بنات عندي كلام ودي انصحكم فيه وتروه طالع من قلبي وقسم اني احبكم في الله وحابه افيدكم وتجيني دعوه بظهر الغيب تنفعني بحياتي


بنات انصحكم نصيحه لاوحده تفتش جوال زوجها وتغض الطرف من ناحية خياناته ومساخته

مابقول خليكم خبلات وترضون لا بس تغافلو من شان تعيشو وتمشي حياتكم صدقوني ماراح تستفيدو

شيء من ورا التفتيش الا التعب ووجع الراس بنات ماقلت لكم من ضعف فيني واقسم لكم اني قويه واخذ حقي

انا تطلقت من ورا التجسس على زوجي ومشاكل مالها اخر الا الطلاق وتطلقت وتزوجت مره ثانيه وزوجي

نفس طليقي خيانات وسهرات مع الاصحاب لكن كبرت عقلي هالمره ،،

والله ي بنات الشباب كلهم كذا هذا زمن الفتن لازم نصبر ونتحمل الصبر مو سهل لذالك احدى ابواب الجنه لجل الجنه كل شيء يهون اصبرو وماللصبر عقبى الا الفرج الجميل

اللي تكتشف زوجها يخون تسوي كل مابوسعها لتقدر تسترده وتسعده اهم شيء ماتنقص عليه شيء وطنشي

عيشي حياتك بالطول والعرض اتركيه يخون ورب الكعبه راح يمل يخون ويخون ويخون اخرتها مرده لك ((طبعاً كلامي هذا للي زوجها يخونها بالجوال وبالنت بس ،،

اسالوني مجربه


كنت اشوف خيانات وكلام معسول عمري ماسمعته منه وانقهر وكلام وسخ وصور وحركات وكل شيء وواضح تغييره عليه وعلى بيته واولاده لكن صرت ابادل عصبيته بكلام حلو وربي وربي يرجع لك حبه حبه بس اصبري

انتو سوو اللي عليكم وبس اللي تبغى زوجها يقولها كلام حلو انتي قوليله كلام حب وامدحيه وتغزلي فيه شبعيه

ترى الرجال يحبون التغزل فيهم بنات الحرام هذا السر حقهم لاتقولون بيتكبرون علينا عادي خليه يتكبر اهم شيء اشبعيه امدحي بنفسك وبجمالك وكذا يعني تواسي انتي واياه بنظره دلعي نفسك للاخر

قلتلكم لاتفتشو جوالات ازواجكم لان اغلب مشاكل البيوت من ورا هالجوال بنات لاتسون قويات على ازواجكم وتفتشون ترى اذا الرجال في باله خيانه بيخون اقلها جوال بالسياره او بالدوام والانترنت ببلاش يفتح بالجوال بيخون منه

بنات كبرو عقولكم الخيانه بالزمن هذا سهله زي شرب المويه انتم شبعو ازواجكم وقوي علاقته بربه وخوفيه وشغلي القران بالبيت وحطي احاديث رغبيه مو تنفريه

لاتجلسي مع زوجك ع التيلفزيون وتحطين مسلسلات xxxxxxاو xxxxxوربي هم اكبر دمار للبيوت تجيك الممثله منفخه برطمها وسروالها بارز مع بنطلونها وقصير وقلة حيا وتتكلم بمياعه ا تقابل حبيبها بمجمع وكذا وربي يابنات هذولا خراب بيوتنا يهيضون الشهوه في رجالنا

والاغاني مايحتاج اوضح كثير يكفي انها تحببنا في الحرام ، مابكون مره محافضه بس اذا تبون حطي اغنيه واقعدي دندني وسوي حركات يدينك ووجهُي كلمات الاغنية اذا كانت حلوه لزوجك حببي زوجك فيك باي طريقه او قومي ارقصي حركي جوكم شوي رقص دجه رجه اهم شيء خليك فله معه او رقصي بنتك على الاغنيه وصفقو لها

خليك متجدده بحركاتك بلبسك بشكلك بكلامك خليك مرحه ولسانك عسل وطويلة بال سويها لنفسكم اولاً اسعدي نفسك بنفسك وهو بيلاحظ عليك يحبون الخرمه اللي تحب وتدلل نفسها ابعدو عن العصبيه والنكد تخيلو مثلا زوجك برا البيت ويكلم عشيقته وعايش رايق مروق معها ويدخل البيت ويلقيك تشكين وتصارخين ع العيال وكله نكد بنكد وشعرك مكعش وريحة البيت بيض مقلي او فشار ههههه تخيلي بالله كيف بتكون نفسيته معك ،، عودي نفسك عالرواقه والنظافه والترتيب والكلام الحلو


بنات معليش كلامي مو مرتب والتعبير ماش منه بس ان شاء الله تكونو فهمتو والله لاني احبكم ماحبيت ابخل عليكم

ولاني اتضايق لما اسمع او اشوف وحده في مشاكل احاول انصحها باللي اعرفه فيه مصلحه لها

ملاحظه / عندي موضوع ثاني معشعش براسي ودي انزله من اول بس اخاف افشل في التعبير هههههه:024:

المهم سامحوني خذو المفيد وادعولي