لايخفى على الجميع حكاية خالد هزاع الحربي,, نسال الله الكريم ان يجعل لمصيبته ومصيبة اهله فرجا ,,وان يجعل همهم غيمه سوداء قريبا تنجلي ..امين يارب العالمين ,,
ابيات واشعار وكلام اعجبنى قيل عنه ,,وحببت ان اسطره ,,
نبتدي بقصيده لشاعر بدر الظاهرى الحربي فى الاجتماع الاول ليلة امس
يعبر عن موقفه وينخى حرب واهل الخير قبل انتهاء المهله المحدده لليتيم خالد الحربي 18عآم..
الذي يقبع في السجن وينتظر دفع ثلاثين مليون تنتهي في اخر رمضان القادم .
سلام ياحررررب الحريبه وتكفون
يالابتي يوم الدعاوي كبيره
تكفون والحربي ورى الموت مسجون
وامه على رجوى حياته سهيره
ماعاد باقي للبكاء دمع وعيون
من ليلة انه راح طاحت كسيره
ترفع يديها للولي خالق الكون
وتنخى قبيلة حرب في كل ديره
دام الامل في لابة العز والعون
بأمر الولي يبقى الحسام بجفيره
يوم انها بالشلف والحرب والكون
وحنا هل الطاله بشبه الجزيره
وشلون لاصارت ثلاثين مليون
الناس تفنى والدراهم كثيره
خالد يقول ابليس كافر وملعون
ليلة خطا كانت عليه خطيره
واليوم انا خلف الشبابيك مركون
يدعي وينخى قبل يلقى مصيره
قولوله ان الله عطا راسه متون
حنا متونه بالليال العسيره
قلته وانا حربي على ربعه يمون
يوم الكبيره في يديهم صغيره
وانا لهم في كل الاحوال مديون
من وقفتين الاوله والاخيره
وازكى السلام وزبدة الهرج تكفون
يالابتي يوم الدعاوي كبيره
ماتصعب القاله على كل دندون
والسيف باذن الله يعود لجفيره
/
/
/
[