كلمة وندمت عليها!!

 
ماأعرف بالمقدمات ولاتنميق الكلام
 أنا متزوجة من واحد طبعه دقه قديمة بكل شي !!طبخ بالبيت ومايحب السفر ويشوف أن الزوجة لازم تكون ماكينة ألمانية وينتقد اذا مرضت ويكره المشاغل والخلطاات وأما الكلام الحلو وتتدليع الزوجة يعتبر من التفاهات ..مع العلم لقيت في جواله أسئلة وشوق للي يكلمها حسبي الله وكفى ولو أجلس سنة مايدق اويسال الا اذا بياخذني دق او يرسل لي شوي وامرك او بكرى او بعد ساعة أمرك غيره من الكلام مستحيل ..
المهم كتب ربي وحملت وكان الوحم مرره قووي لدرجة ارقد بالمستشفى واطلع وحتى اعطوني ورقه لاجتني الحاله بدوون مقدمات يوريهم الورقه وادخل وكنت اسمع انتقاد انو ماعمره شاف وحده تتوحم كذا واني ابالغ والبيت مهمل وريحته غبااار وكره الغرفه واذا شافني نايمة فتح الباب وسكره بقووه ويطلع بدووون سؤال او رحمه وحاولت اتنشط واطبخ له لدرجة اذا قشرت البصل وربي يغمى علي وامسك اي حاجة وارجع وانتم بكرامة بكيس او زبالة وبعض الاحيان بيديني ..!!
جت أمه وسكنت عندنا كانت زعلانه من زوجها وكنت اطبخ ليل نهار بدوون رحمه منه وغير القهووة اللي كرهتها مووت اسويها لهم بالفطور والمغرب وبعد شهر من جلوسها عندنا وربي انها ماقالت لي مبروك او حرام حامل وتتوحم وكنت اسمعها وربي تقويه علي وان الحريم الاولات اشد شغل وتبعل لرجل مع اني اشوفها العكس مع زوجها
وليلة من الليالي الملاح >> آي ملاح الله يرحم الحال 💔
اشتهيت طماطم وقطعته وكثرت عليه فلفل حار وبالغت بالاكل وبعد ساعه رجع لي الوحم وترجيع وحالتي حاله وسألني وشفيني  قلت تعبانه وطلع وكانه كذبني ونام كالعاده بالمجلس ومن بكرى راح لدووام ولاسال وحتى امه ماسالت عني والساعة 11 الظهر دق علي وكنت نايمة بعد معاناة من البكى والترجيع قال أبووي بيجينا قومي صلحي غدا (( قلت ماراح اسووي جيب من المطااعم اللي وش كثرها والا اطبخ لابوووك وانا وش دخلني فيك وفي اهلك المهم قلت كلام من القهر))  قال زين طلع من الدووام جايب لحم وصار يطبخ انو ماهميتيني ..أنا تحركت المشاعر الغبية اللي مادري وش تبغى بالوقت قلت اطلع انا باطبخ قال الله لايشكر لك فضل طسي اللي ماتبي اهلي انا ماابيها عندي!!!  كلمة بكلمة دخلت امه قالت فلان وش فيك قال انا مالي حظ وماتبيكم ومن الكلام قامت تقويه وتتحسر عليه واتفقو علي  كلمه من زوجي وكلمة منها 
جت الطامة ..((ونطق الوحش اللي فيني)) قلت اولاً المفروض لاشفتي زوج وزوجته يتناقشون ماتتدخلين وكل زوجين تصير بينهم مشاكل مثلك اللي زعلانة وجالسه عندنا وبنتك قبل شهر زعلانه وجلست عندنا وصارت عيونهم كذا 😳😳😳 قال سبع المبرومه لامه ماشفتي شي ماهي اللي قدامك تراها كذا وكذا قلت له احشم الشعر اللي بوجهك وخلك رجال ولاتقعد تتشكى مثل الحريم وطلعت المهم اخذ العريس عروسته وتراضو قصدي ابوه راضى امه وراحو وحنا بدت مشاكلنا ومن سنة اللي اليووم نعيد ونزيد بالسالفة وامه وخواته طلع وجههم الثاني طبعاً بعد المشكلة جلست عند اهلي شهرين وطاح حملي وحملت مره ثانية وطااح حسيت انه جايتني دعوه من امه مع اني غلطت عليها بووقت غضب ويعلم الله أني اعاملها احسن معاملة من بعد وقبل المشكلة غير الهدايا بس كرتي احترق عندها وعند زوجي ..
ابغى نصايحكم لي لاني وربي تعبت من كثر الانتقاد واعادة السالفة مليوون مره وكانهم فرصه مسكو علي الغلطة وكل محاسني انمسحت وأفكر بالطلاق بنسبة 80 ٪  و20 محتارة  وخايفه من رحيل يؤلمني غدًا ومن بقاء بـ الاسم فقط 
أشكر من تنصحني ك أخت وصديقة لها🌹