الحمد لله رب العالمين والصلاة والسلام على اشرف الانبياء والمرسلين سيدنا محمدا وعلى اله وصحبه اجمعين ..
اخواتي الغاليات
قبل يومين قريت موضوع هنا لاخت لنا تقول موقف لها مع زوجها..
الموقف حلو وفكاهي وهو كيف انها اختبرت قدرها عنده وكيف انه جاب لها الي تبيه وكان تعبان..
المهم..
ردو الاخوات فيه الي دعا لها وفيه الي قال لوالي عندي ماجاب..
المهم لين الحين اوكيه..
نجي للردود الباقيه :09:
فيه كم رد يسد النفس ..
بسرد لكم بعض الردود الي غثتني فما بالك بصاحبة الموضوع
1- تنرحمين انتي واختبارك خخخخخخخخخ
2- صدق الحريم مسااااكين
3- يعني قدرك عند زوجك قوطي لبن
4- ايه بس انتي غصبيتيه واحرجتيه
يعني ماجت من خاطره
5- اختبريه يشتريلك قطعت ارض مو لبن مع الضهر
واذا اشترالك لارض تره يعشششششششقك
6- انا لو عندي عنز وبدت تثغي ( تصيح ) تبي علف اطلع بعز الحر عشان افتك من حنتها
{..عــــــــــجــــــــــبـــــــي ..}
الحين بالله وش استفدتوا من هالردود
ليش تصغرون زوجها في نظرها وتصغرونها في نظر نفسها
ليه تقللون من قيمة الشي الي سواه لها
ليه تخربون عليها فرحتها واحساسها باهميتها عند زوجها
الحين تبون تقنعوني ان ولا وحده منكم سوت مثل هلاختبار
كلنا نختبر ازواجنا ونتدلل عليهم بعد..
واذا قصدكم ع اللبن
تاكدوا الي يجيب الصغير يجيب الكبير..
واللي مايبين في عينها
تكون كفارة للعشير
فلا تكن اخواتي كفارات للعشير
اتمنى من كل وحده ترد على موضوع تراعي مشاعر اختها في الله..
يعني لو ماعجبها الموضوع ماهي ملزومه ترد..
وتذكري حديث الرسول صلى الله عليه وسلم : " لعن الله من خبب امرأة على زوجها "
أي افسد او حرض امرأه على زوجها ..
هذي نصيحه لوجه الله ..
اتمنى تتقبلوها بصدر رحب
اختكم
أم الزعيـــم
جزاك الله خير