كلمت زوجي ورتحت 😫😫

اليوم كلمت زوجي عن فعايله معي وطلعت كل مافي
قلبي وبكيت بكيت
لاول مره ابكي عنده من تزوجته
بخصوص العيال عذره ماقدرتي علي بنتك تقدرين
تربين عيال غيرها وانتي مشغوله ومضغوطه
من اهلك وامك وابوك وبنتك وعملك وانا
والطفل مراح تقدرين تربينه
قلت له راحتي وسعادتي بعد الله هذا الطفل لما اضمه
على صدري بعد تعب وعناء واتتظرته 12 سنه
تطلقت وعمر بنتي شهور ماقدرت احس
فيها او ضمها بسبب صدمتي في طلاقي
بعد ماتجاوزت الازمه احتضنتها وصارت كل حياتي
ولا تزوجت لين كبرت .
والان ابي طفل نربيه انا وانت قال ابشري اذل
كان همك الطفل قلت همني الطفل وهمني انت
ابيك تكون حولي وتحس فيني ونت قاعد
تبعدني عنك وبعدين يصير بيننا جفاء
يوم دخلت عليك كنت مقبله على الحياه
وروحي مرحه وامزح معك ولصق جنبك
الان غير بسببك وبسبب صدك لي كل مره
صرت كل مره ابعد ابعدعنك وانا ابي اعرف
شي واحد انا وش تعتبرني في حياتك
قال زوجتي طيب ليش تعاملني كذا
قال انا مضغوط من العمل ومن كل شي حولي
بس ما اتكلم قلت له انا مقدره وراعيتك بس
مهو على حسب نفسيتي وصحتي
وش ذنبي تفرغ فيني همك وضغوطك وتضغطني
انا زوجتك وابي كلمه طيبه منك
واذا عن الضغوط كلنا مضغوطين من الحياه
بس ما جيت افرغ فيك بالعكس اضحك وامزح
واشتغل واطبخ ولا ابي اقصر عليك بشي او اهمل
بيتي....وحديث كثير دار بيننا
حت موضزع النوم كل واحد في غرفه ولا رد علي
ماعنده عذر يقوله انا نظيفه وريحتي عطور ولا ازعجه
في نومه بالعكس هو اللي يزعجني ويقوم يدخن
وانا نايمه لين كتمني
الخلاصه حس بندم وعدني يتساعد معي لانجاب طفل بعد توفيق الله
وحسن اخلاقه معي
ويارب يكون دوم
الله يهديه ويسخره لي ولبنتي
ويرزقني منه الذريه الصالحه
تدرون الي الان فيني حزن وضيقه
مدري ليش